ఏ సమస్యకైనా హింస పరిష్కారం కాదు, కాంగ్రెస్ నేత రాహుల్ గాంధీ, ఇప్పటికైనా వారికి సాంత్వన కలిగించండి

ఢిల్లీలో మంగళవారం జరిగిన  రైతుల ట్రాక్టర్ ర్యాలీ హింసాత్మకంగా  మారిన ఘటనపై స్పందించారు కాంగ్రెస్ నేత రాహుల్ గాంధీ.. ఏ సమస్యకైనా హింస పరిష్కారం కాదని, అన్నదాతలు చేస్తున్న డిమాండుపై ఇప్పటికైనా కేంద్రం స్పందించి వివాదాస్పద చట్టాలను రద్దు చేయాలని ఆయన కోరారు. హింస వల్ల దేన్నీ సాధించలేమన్నారు.అటు- రిపబ్లిక్ దినోత్సవ వేడుకలు జరుగుతుండగానే మెల్లగా ఢిల్లీ లోని వివిధ మార్గాల గుండా రైతులు నగరంలోకి ప్రవేశించి తమ నిరసనలను ఉధృతం చేశారు. సింఘు, ఘాజీపూర్, టిక్రి బోర్డర్లలో శాంతియుతంగా ట్రాక్టర్ ర్యాలీని నిర్వహిస్తామని ఢిల్లీ పోలీసులకు హామీ ఇఛ్చిన వారు…  ఆ తరువాత ఒక్కసారిగా సిటీలోకి, అటు తరువాత ఎర్రకోట వద్దకు పరుగులు తీశారు. వీరి నిరసనలో పాకిస్థాన్ కు చెందిన ఐఎస్ఐ, ఖలిస్థాన్ శక్తులు ప్రవేశించి ర్యాలీని భంగపరచవచ్చునని, హింస చేలరేగవచ్చునని ఢిల్లీ పోలీసులు నిన్ననే ఊహించారు. ఈ మేరకు వారు ఈ శక్తులను అడ్డుకోవడానికి ప్రతిపాదనలను కూడా సిధ్ధం చేశారు. కానీ గణ తంత్ర దినోత్సవ వేడుకల బందోబస్తులో పలువురు పోలీసులు ఉన్న నేపథ్యంలో.. మంగళవారం పెద్ద సంఖ్యలో ఉన్న ప్రొటెస్టర్ల దూకుడును తక్కువ మంది ఖాకీలు నిలువరించలేకపోయారు.

Read Also:నెలరోజులకు చేరిన రైతుల ఆందోళన, ఢిల్లీలోని టిక్రీ సరిహద్దుతో పాటు సింఘు బోర్డర్‌, ఢిల్లీ – ఘజియాబాద్‌ సరిహద్దుల్లో కోలాహలం. Read Also:కొత్త సంవత్సరంలో కొత్త నిబంధనలు… జనవరి 1 నుంచి మారబోతున్న నిబంధనలు మీకు తెలుసా..?