Breaking News
  • ఆల్ టైమ్ రికార్డ్సు స`ష్టిస్తున్న గోల్డ్ , సిల్వర్ . 10 గ్రాముల బంగారం రూ 58,330 . కేజీ వెండి రూ 78,300. ఈ వారంలోనే మూడు సార్లు పెరిగిన బంగారం ధర . ప్రతిసారీ 8వందల నుంచి వేయి పెరిగిన గోల్డు. 65 వేలకు చేరుకుంటుందంటున్న మార్కెట్ అంచనాలు.
  • ప్రముఖ మాజీ క్రికెటర్ సచిన్ టెండూల్కర్ పై అసభ్యకరంగా సోషల్ మీడియాలో పోస్ట్ పెట్టిన వ్యక్తి అరెస్ట్.. పిడుగురాళ్ల మండలం చెందిన వందనపు నాగారాజు ఈ నెల 2వ తారీఖున క్రికెటర్ సచిన్ టెండూల్కర్ పై సోషల్ మీడియాలో అసభ్యకరంగా పోస్ట్ ముంబైలో కేసు నమోదు. ఐపీ అడ్రస్ పిడుగురాళ్ల గా గుర్తింపు. పోస్ట్ పెట్టిన వ్యక్తి ని అదుపులోకి తీసుకున్న ముంబై పోలీసులు.
  • టీవీ9 తో ఎ పి జైళ్ల శాఖ ఐ జి జయవర్ధన్.. ఆంధ్రప్రదేశ్ రాష్ట్ర వ్యాప్తంగా అన్ని జైళ్లలో ఉన్న ఖైదీలకు కరోనా టెస్టులు చేయిస్తున్నాం. ఇప్పటివరకు రాష్ట్రవ్యాప్తంగా 420 మంది ఖైదీలకు, 60 మంది స్టాఫ్ కు కరోనా పాజిటివ్ వచ్చింది. నిన్న ఒక్కరోజే రాజమండ్రి సెంట్రల్ జైలు లో 245 మందికి పాజిటివ్ వచ్చింది. రాజమండ్రి సెంట్రల్ జైల్ లోనే ఐసోలేషన్ సెంటర్ ని ఏర్పాటు చేశాం. పాజిటివ్ వచ్చినవాళ్ళల్లో ఎక్కువశాతం మైల్డ్ కేసులు ఉన్నాయి. రాష్ట్ర వ్యాప్తంగా ఉన్న అన్ని జైళ్లకు అప్రమత్తత చేశాం. ఐసోలేషన్ సెంటర్ నుంచి ఖైదీల పారిపోవడానికి ప్రయత్నిస్తే శిక్షలు కఠినంగా ఉంటాయి. ఖైదీలకు నాణ్యమైన ఆహారాన్ని వైద్య సౌకర్యాన్ని అందిస్తూ డాక్టర్ల పర్యవేక్షణ చేస్తున్నాం. పాజిటివ్ వచ్చిన ఖైదీల వివరాలు కుటుంబ సభ్యులకు సమాచారం అందిస్తున్నాము. ఖైదీల కుటుంబ సభ్యులు ఆందోళన చెందాల్సిన అవసరం లేదు.
  • అనంతపురం కన్సెప్ట్ సిటీ కన్సల్టెంట్ గా CBRE సౌత్ ఆసియా ప్రైవేట్ లిమిటెడ్ . భవిష్యత్ వ్యాపార అవసరాల కోసం రాష్ట్రం లో 3 కాన్సెప్ట్ సిటీలు ప్లాన్ చేసిన సర్కార్ . అనంతపురం కాన్సెప్ట్ సిటీకి కాన్సెప్టువల్ ప్లాన్, ఫీజబిలిటి రిపోర్ట్, బిజినెస్ స్ట్రాటజీ, ఫైనాన్సియల్ మోడల్ ప్రణాళిక సిద్దం చేసి అమలు చేయనున్న CBRE. ఇందుకోసం దాదాపు 85 లక్షల రూపాయలకు పరిపాలన అనుమతులు మంజూరు.
  • తమిళనాడు లో ఘోర రోడ్డు ప్రమాదం. కోయిఅంబత్తూర్ లోని ఆనకట్ట రహదారిలో చెట్టుని డీ కొట్టిన కారు . కారులో ప్రయాణిస్తున్న యువకులలో నలుగురు మృతి , ఒకరి పరిస్థితి విషమం . కారు అతివేగం గా నడపడం ప్రమాదానికి కారణం . ఫ్రెండ్స్ పుట్టినరోజు వేడుకలు వెళ్లివస్తుండగా జరిగిన ఘటన.
  • దేశవ్యాప్తంగా పాజిటివిటీ రేటు 8.87శాతం, రాష్ట్రంలో పాజిటివిటీ రేటు 8.56శాతం, కర్ణాటకలో 9.88శాతం, తమిళనాడులో 9.26శాతం, మహారాష్ట్రలో 19.36శాతం, ఢిల్లీలో 12.75శాతం. మరణాల రేటు దేశంలో 2.07శాతం, ఏపీలో 0.89శాతం. కర్ణాటకలో 1.85శాతం, కర్ణాటకలో 1.85శాతం, తమిళనాడులో 1.63శాతం, మహారాష్ట్రలో 3.52శాతం. ప్రతి పదిలక్షల మందిలో 43,059 మందికి పరీక్షలు. శ్రీకాకుళం, కర్నూలు, కడప, కృష్ణా, నెల్లూరు, పశ్చిమగోదావరి, చిత్తూరులో రాష్ట్రం సగటుకన్నా ఎక్కువ పరీక్షలు.
  • ఈఎస్ఐ స్కామ్ లో అరెస్టైన ఏపీ సచివాలయ ఉద్యోగి మురళీ మోహన్ ను సస్పెండ్ చేసిన ప్రభుత్వం . గత నెల 10 తేదీన సచివాలయంలో మురళీ మోహన్ ను అరెస్ట్ చేసిన ఏసీబీ. కార్మిక శాఖ మాజీ మంత్రికి వ్యక్తిగత కార్యదర్శిగా పనిచేసిన కాలంలో ఈఎస్ఐ కుంభకోణంలో మురళీ పాత్ర ఉందని ఏసీబీ అభియోగం. అరెస్టైన నాటి నుంచి సస్పెన్షన్ ఉత్తర్వులు అమల్లోకి వస్తాయని ఆదేశాలు. ప్రస్తుతం పట్టణాభివృద్ధి శాఖలో సెక్షన్ ఆఫీసరుగా విధులు నిర్వహిస్తోన్న మురళీ మోహన్.
  • భూముల విలువలు భారీగా పెరుగుతున్న నేపథ్యంలో జిల్లాలోని సబ్ రిజిస్ట్రార్ కార్యాలయాల్లో రిజిస్ట్రేషన్ల సందడి . భుాముల విలువ పె౦పు అమలులోకి వస్తే భార౦ పడుతుందని ము౦దుగానే రిజిస్ట్రేషన్ లు వెలుతోన్న జిల్లా వాసులు.

హత్యలు, అత్యాచారాలు, కిడ్నాప్‌లు, బలవంతపు వసూళ్లు… ఇవీ వికాస్‌ దూబే నిత్య కృత్యాలు

ఇటు రాజకీయనాయకులతో, అటు పోలీసులతో సత్సంబంధాలు పెట్టుకుని అంచెలంచెలుగా ఎదిగిన వికాస్‌ దూబేను ఊరివాళ్లు పండిట్‌జీ అని పిల్చుకుంటారు.
Vikas Dubey a criminal for police but Panditji for villagers, హత్యలు, అత్యాచారాలు, కిడ్నాప్‌లు, బలవంతపు వసూళ్లు… ఇవీ వికాస్‌ దూబే నిత్య కృత్యాలు

VikasDubey a criminal for police but Panditji for villagers: వికాస్‌ దూబే..! ఉత్తరప్రదేశ్‌లో ఎనిమిది మంది పోలీసులను పొట్టనపెట్టుకున్న నరరూప రాక్షసుడు.. కన్నతల్లి సైతం ఈసడించుకునేంత దుర్మార్గుడు.. పోలీసుల దృష్టిలో కరుడుకట్టిన నేరస్తుడు.. అయితే కాన్పూర్‌లోని అతగాడి సొంత ఊరుకు వెళితే మాత్రం భిన్నస్వరాలు వినిపిస్తాయి.. ఇటు రాజకీయనాయకులతో, అటు పోలీసులతో సత్సంబంధాలు పెట్టుకుని అంచెలంచెలుగా ఎదిగిన వికాస్‌ దూబేను ఊరివాళ్లు పండిట్‌జీ అని పిల్చుకుంటారు. ఎనిమిది మంది పోలీసు అధికారులను, పోలీసులను కాల్చి చంపాడన్న సంగతే తమకు తెలియదని కొందరు గ్రామస్తులు చెప్పడం విశేషం.

అక్కడ ఏ ఎన్నిక జరిగినా సాయం కోసం రాజకీయపార్టీలన్నీ వికాస్‌ దూబే ఇంటిచుట్టూ తిరుగుతాయి.. అసలు గ్రామ ప్రధాన్‌ పదవిలో ఎవరున్నా.. ఏ పార్టీవాడున్నా దూబే కుటుంబ కనుసన్నలలో మెలగాల్సిందే! కాదూ కూడదంటే ఖతమే! వివిధ రాజకీయ నేతలతో కలిసి వికాస్‌ దూబే దిగిన ఫోటోలు ఇప్పుడు సోషల్‌ మీడియాలో చక్కర్లు కొడుతున్నాయి.. భయం వల్లో, మరో కారణం వల్లో తెలియదు కానీ ఊళ్లో అన్ని వర్గాల ప్రజలు వికాస్‌కు కాసింత గౌరవం ఇస్తారు.. పలుకుబడి ఉన్న నేతగా భావిస్తుంటారు.. పండిట్‌జీకి వ్యతిరేకంగా ఒక్క మాట కూడా మాట్లాడరు. వచ్చే అసెంబ్లీ ఎన్నికల్లో రనియాన్‌ స్థానం నుంచి పోటీ చేసేందుకు దారులు కూడా వేసుకున్నాడు వికాస్‌.. ఎస్పీ, బీఎస్పీకి చెందిన నేతలు ఇతడితో సన్నిహితంగా మెలిగేవారు. ఆ మాటకొస్తే బీజేపీ వారితో కూడా ఇతడికి సఖ్యత ఉంది.

వికాస్‌ దూబే చేసిన నేరాలు పేపర్లలో చదివాకే తెలిశాయని, ఊళ్లో చిన్నపాటి నేరం కూడా అతడు చేయలేదని గ్రామస్తులు చెప్పుకొచ్చారు. గ్రామ ప్రధాన్‌ పదవిలో ఉన్నప్పుడు పేదలకు ఎంతో సాయం చేశాడట పెళ్లిళ్లు పేరంటాలు తన సొంత ఖర్చుతో జరిపించాడట! ఎంతో మందిని ఆర్ధికంగా ఆదుకున్నారట! అతడి మంచితనమంతా ఊరు వరకే.. తవ్వి తీయాలే కానీ అతడికి బోలెడంత నేర చరిత్ర ఉంది. హత్యలు, దోపిడీలు, లూటీలు, అత్యాచారాలు.. ఒకటేమిటి సమస్త నేరాలు చేశాడు.. వికాస్‌ దూబే మీద 65కు పైగా క్రిమినల్‌ కేసులున్నాయంటే ఎంత కరుడుకట్టినవాడో అర్థమవుతుంది. అనేక కేసుల్లో జైలుకు కూడా వెళ్లి వచ్చాడు.. జైలులో ఉంటూనే శివరాజ్‌పుర పంచాయతీ ఎన్నికల్లో పోటీ చేసి గెలుపొందాడు. రాజకీయంలో రౌడీయిజాన్ని మిక్స్‌ చేసి చెలరేగిపోయాడు.

17 ఏళ్ల వయసులోనే మర్డర్‌ చేసిన వికాస్‌ దూబే అటు పిమ్మట అనేక నేరాలకు పాల్పడ్డాడు. 2000 సంవత్సరంలో తారాచంద్‌ ఇంటర్‌ కాలేజీ ఉద్యోగి సిద్ధేశ్వర్‌ పాండేను దారుణంగా హత్య చేశాడు.. కారణం మామూళ్లు ఇవ్వలేదనే! ఆ మరుసటి ఏడాది ఉత్తరప్రదేశ్‌కే చెందిన ప్రముఖ బీజేపీ నాయకుడు, అప్పటి ఆ రాష్ట్ర మంత్రి సంతోష్‌శుక్లాను కూడా చంపేశాడు.. ఈ మర్డర్‌ తర్వాత వికాస్‌ దూబే ఎవరన్నది దేశమంతటా తెలిసి వచ్చింది. వికాస్‌కు భయపడి సంతోష్‌శుక్లాకు అనుకూలంగా ఎవరూ సాక్ష్యం చెప్పలేదు. దాంతో నిర్దోషిగా అతడు జైలు నుంచి బయటకు వచ్చాడు. తర్వాత మరింత రెచ్చిపోయాడు.. తనకు పోటీగా వస్తున్నాడన్న ఈర్ష్యతో దగ్గర బంధువు అనురాగ్‌ పత్నితో పాటు అతడి నలుగురు ముఖ్య అనుచరులను దారుణంగా చంపేశాడు.. 2000 సంవత్సరంలో ప్రముఖ రాజకీయ నాయకుడు రామ్‌బాబు యాదవ్ హత్య కేసులో వికాస్ జైలుకు వెళ్లాడు. 2004లో జైల్లో ఉంటూనే తన సమీప బంధువు దినేష్ దూబేని చంపించాడు.. తనకు పోటీగా వస్తున్నాడన్న అక్కసే ఇందుకు కారణం.

స్థానిక పోలీసులలో చాలా మందితో వికాస్‌కు సన్నిహితంగా మెలిగేవాడు. కొందరు ఇన్‌ఫార్మర్లుగా కూడా వ్యవహరించారు. అన్నట్టు ఊళ్లో వికాస్‌ దూబే కుటుంబీకులెవరూ ఉండరు.. అతడి భార్య, ఇద్దరు పిల్లలు లక్నోలోని కృష్ణనగర్‌లో నివాసముంటున్నారు. ఆమె కూడా సమాజ్‌వాదీ పార్టీలో సభ్యురాలు. వికాస్‌ వెంట ఎప్పుడూ పాతికమంది యువకులు ఉండేవారు.. వారి ఖర్చులు గట్రాలు అన్నీ వికాసే చూసుకునేవాడు.. ఇప్పుడు ఊళ్లో వికాస్‌ కంటూ ఓ ఇల్లు కూడా లేకుండా పోయింది. కారణం ఇంటిని పోలీసులు కూల్చివేయడమే! ఇల్లు కూల్చడమే కాదు.. దొరికితే చంపేయాలన్న కసితో ఉన్నారు పోలీసులు.. ఆచూకి చెప్పినవారికి నగదు బహుమతి కూడా అందిస్తామని అనౌన్స్‌ చేశారు..

Related Tags