భారీగా వరద ప్రవాహం, ప్రకాశం బ్యారేజీ 70 గేట్లు ఎత్తివేత
ఎగువన కురుస్తున్న భారీ వర్షాలతో వరద నీరు పోటెత్త‌డంతో ప్రకాశం బ్యారేజీ నిండుకుండ‌లా మారింది. దీంతో అధికారులు 70 గేట్లు ఎత్తి నీటిని దిగువకు విడుదల చేస్తున్నారు.
ఎగువన కురుస్తున్న భారీ వర్షాలతో వరద నీరు పోటెత్త‌డంతో ప్రకాశం బ్యారేజీ నిండుకుండ‌లా మారింది. దీంతో అధికారులు 70 గేట్లు ఎత్తి నీటిని దిగువకు విడుదల చేస్తున్నారు. ఉదయం 8గంటలకు ప్రకాశం బ్యారేజీలో నమోదు అయిన వరద ప్రవాహం వివ‌రాలు ఇలా ఉన్నాయి.
ఇన్‌ఫ్లో 3,13,834 క్యూసెక్కులు అవుట్‌ఫ్లో 3,01,056 క్యూసెక్కులు
ఈస్టర్న్ ,వెస్ట్రన్ కెనాల్స్ ద్వారా 10,356 క్యూసెక్కులు నీటిని దిగువకు రిలీజ్ చేశారు. ముంపు గుర‌య్యే ప్ర‌మాదం ఉండంటంతో లోత‌ట్టు ప్రాంతాల ప్ర‌జ‌ల‌ను అప్ర‌మ‌త్తం చేశారు. వరద ప్రవాహం అంత‌కంత‌కు పెరుగుతుతోంది. ఆదివారం రాత్రికి వరద మూడు లక్షల క్యూసెక్కులకు పెరిగే అవకాశం ఉందని అధికారులు అంచ‌నా వేస్తున్నారు. 3.97 లక్షల క్యూసెక్కులకు వరద ప్రవాహం చేరితే మొద‌టి ప్రమాద హెచ్చరిక జారీ చేసే అవకాశం ఉంది.
నది పరివాహక ప్రాంతాలైన భూపేష్ గుప్తా నగర్, తారకరామనగర్, విద్యాధపురం, భవానీపురం వాసుల‌ను విజ‌య‌వాడ మున్సిప‌ల్ కార్పోరేష‌న్ అధికారులు అలెర్ట్ చేశారు. ముందుగానే కొంద‌ర్ని పునారావాస కేంద్రాల‌కు త‌ర‌లిస్తున్నారు. నగరపాలక సంస్థ ప్రధాన కార్యాలయంలో కంట్రోల్ రూమ్ ఏర్పాటు చేసి, స‌హ‌య‌క చర్య‌ల‌ను ప‌ర్య‌వేక్షిస్తున్నారు.
కంట్రోల్ రూమ్ నెంబర్‌లు 0866-2424172 0866-2422515
Also Read :
మరో కీలక అనుమతి పొందిన ‘కొవాగ్జిన్’ !
