విజయ్ శంకర్ @ 130 Kmph
ఆస్ట్రేలియాపై వన్డే సిరీస్లో అత్యుత్తమంగా రాణిస్తున్న భారత ఆల్రౌండర్ విజయ్ శంకర్పై ప్రశంసల వర్షం కురుస్తోంది. ఐదు వన్డేల సిరీస్లో ఇప్పటికే నాలుగు వన్డేలు ముగియగా ఆఖరి వన్డే ఢిల్లీలోని ఫిరోజ్ షా కోట్ల వేదికగా బుధవారం మధ్యాహ్నం 1.30 గంటల నుంచి జరగనుంది. ప్రస్తుతం సిరీస్ 2-2తో సమమవగా ఆఖరి వన్డేపై ఆసక్తి నెలకొంది. ఈ నేపథ్యంలో ఈరోజు మీడియాతో బౌలింగ్ కోచ్ భరత్ అరుణ్ మాట్లాడుతూ విజయ్ శంకర్ ప్రదర్శన గతంతో పోలిస్తే మెరుగైందని […]
ఆస్ట్రేలియాపై వన్డే సిరీస్లో అత్యుత్తమంగా రాణిస్తున్న భారత ఆల్రౌండర్ విజయ్ శంకర్పై ప్రశంసల వర్షం కురుస్తోంది. ఐదు వన్డేల సిరీస్లో ఇప్పటికే నాలుగు వన్డేలు ముగియగా ఆఖరి వన్డే ఢిల్లీలోని ఫిరోజ్ షా కోట్ల వేదికగా బుధవారం మధ్యాహ్నం 1.30 గంటల నుంచి జరగనుంది. ప్రస్తుతం సిరీస్ 2-2తో సమమవగా ఆఖరి వన్డేపై ఆసక్తి నెలకొంది. ఈ నేపథ్యంలో ఈరోజు మీడియాతో బౌలింగ్ కోచ్ భరత్ అరుణ్ మాట్లాడుతూ విజయ్ శంకర్ ప్రదర్శన గతంతో పోలిస్తే మెరుగైందని కితాబిచ్చాడు.
‘విజయ్ శంకర్లో ఆత్మవిశ్వాసం పెరిగింది. అతను ఇప్పుడు ఏ స్థానంలోనైనా బ్యాటింగ్ చేసేందుకు సిద్ధంగా ఉన్నాడు. అవకాశం దొరికిన నాలుగు, ఆరు, ఏడు స్థానాల్లో ఇప్పటికే సత్తాచాటాడు. దీంతో.. అతని బౌలింగ్లోనూ మార్పు కనిపిస్తోంది. ఎంతలా అంటే…గతంలో అతను 120-125కిమీ వేగంతో బంతులు విసిరేవాడు. ఇప్పుడు ఏకంగా 130కిమీ వేగంతో సంధిస్తున్నాడు. ఇది ఖచ్చితంగా జట్టుకి అదనపు బలంకానుంది’ అని భరత్ అరుణ్ వెల్లడించాడు.