అప్పుడు తలైవా.. ఇప్పుడు దళపతి.. సేతుపతి క్రేజే వేరు!

విజయ్ సేతుపతి.. ఈ పేరుకున్న క్రేజ్ గురించి ప్రత్యేకంగా చెప్పాల్సిన అవసరం లేదు. తమిళంలో సూపర్ స్టార్‌ అయినా.. ఆయన చేసిన వైవిధ్యమైన రోల్స్ ద్వారా తెలుగు ప్రేక్షకులకు కూడా బాగా చేరువయ్యారు. లేటెస్ట్‌గా మెగాస్టార్ చిరంజీవి ‘సైరా’ సినిమాలో కూడా ఓ ముఖ్య పాత్ర పోషించి.. ఫ్యాన్స్ మన్ననలు పొందారు. దక్షిణాదిన వరుస సినిమాలతో బిజీగా ఉన్న విజయ్ సేతుపతి తాజాగా ఓ క్రేజీ కాంబోలో అభిమానులకు ట్రీట్ ఇవ్వనున్నారు. తలైవా రజనీకాంత్ హీరోగా వచ్చిన […]

అప్పుడు తలైవా.. ఇప్పుడు దళపతి.. సేతుపతి క్రేజే వేరు!
Follow us

|

Updated on: Oct 04, 2019 | 11:08 AM

విజయ్ సేతుపతి.. ఈ పేరుకున్న క్రేజ్ గురించి ప్రత్యేకంగా చెప్పాల్సిన అవసరం లేదు. తమిళంలో సూపర్ స్టార్‌ అయినా.. ఆయన చేసిన వైవిధ్యమైన రోల్స్ ద్వారా తెలుగు ప్రేక్షకులకు కూడా బాగా చేరువయ్యారు. లేటెస్ట్‌గా మెగాస్టార్ చిరంజీవి ‘సైరా’ సినిమాలో కూడా ఓ ముఖ్య పాత్ర పోషించి.. ఫ్యాన్స్ మన్ననలు పొందారు. దక్షిణాదిన వరుస సినిమాలతో బిజీగా ఉన్న విజయ్ సేతుపతి తాజాగా ఓ క్రేజీ కాంబోలో అభిమానులకు ట్రీట్ ఇవ్వనున్నారు.

తలైవా రజనీకాంత్ హీరోగా వచ్చిన ‘పెటా’ సినిమాలో విలన్‌గా నటించిన సేతుపతి.. ఇప్పుడు మరోసారి అదే అవతారమెత్తనున్నాడు. దళపతి విజయ్, దర్శకుడు లోకేష్ కనగరాజ్ కాంబినేషన్ ఓ మూవీ తెరకెక్కున్న విషయం తెలిసిందే. ఈ సినిమాలో విలన్ రోల్‌కు విజయ్ సేతుపతి అంగీకారం తెలిపారు. ఇద్దరూ మాస్ హీరోలు.. పైగా ఒకే సినిమాలో ఇంకేముంది ఫ్యాన్స్‌కి పెద్ద పండగే అని చెప్పొచ్చు. సేతుపతి ఏ క్యారెక్టర్ చేసినా.. ఈజీతో ఆ పాత్రలో పరకాయ ప్రవేశం చేస్తాడు. దీంతో ఇద్దరి హీరోల మధ్య హై వోల్టేజ్ యాక్షన్ సన్నివేశాలు ఖచ్చితంగా ఉంటాయని ప్రేక్షకులు అభిప్రాయపడుతున్నారు.

మరోవైపు ఈ సినిమాలో హీరోయిన్ మాళవిక మోహనన్ ఎంపికైంది. ఎక్స్‌బీ ఫిలిం క్రియేట‌ర్స్ నిర్మిస్తున్న ఈ చిత్రం పూజా కార్యక్రమాలు నిన్న జరిగాయి. ప్రస్తుతం హీరో,హీరోయిన్ల మధ్య కీలక సన్నివేశాలను దర్శకుడు చిత్రీకరించనున్నట్లు తెలుస్తోంది. అనిరుథ్ ర‌విచంద్ర‌న్ సంగీతం అందిస్తున్న ఈ చిత్రం 2020 వేసవికి విడుదల కానుంది. దళపతి విజయ్ ప్రస్తుతం ‘బిగిల్’ షూటింగ్‌లో బిజీగా ఉండగా.. విజయ్ సేతుపతి ‘ఉప్పెన’ షూటింగ్‌ను పూర్తి చేస్తున్నారు.