Breaking News
  • చైనీస్ గేమింగ్ కేసుల్లో కొత్త కోణాలు . గేమింగ్ లో బెట్టింగ్ పెట్టి ప్రాణాలు కోల్పోయిన ఇద్దరు వ్యక్తులు . ఎస్ఆర్ నగర్ లో 6 లక్షలు , అదిలాబాద్ లో 15 లక్షలు పోగొట్టుకున్న యువకుడు సూసైడ్ . తాము కూడా లక్షలు పోగొట్టుకున్నామని సైబర్ క్రైమ్ కు క్యూ కడుతున్న బాధితులు . టెలిగ్రామ్ యాప్ లో గ్రూప్స్ ఫై సైబర్ క్రైమ్ పొలిసుల విచారణ . టెలిగ్రామ్ యాప్ లో గ్రూప్ ల ద్వారా వస్తున్న రిఫెరల్ కోడ్ , ప్రెడిక్షన్ ల ఫై కేసు నమోదు చేయనున్న సైబర్ క్రైమ్ పోలీసులు . చైనా దేశస్థుడు యాహువో, దిల్లీకి చెందిన ధీరజ్‌ సర్కార్‌, అంకిత్‌ కపూర్‌, నీరజ్‌ లను కస్టడీ తీసుకోనున్న పోలీసులు . బెట్టింగ్ యాప్ లో ద్వారా 110 కోట్లు వసూళ్లు . పెమా , మని ల్యాండరింగ్ జరిగినట్టు ప్రాధమిక అంచనా . కంపెనీ డైరెక్టర్ ల లావాదేవీ ల ఫై ఈడీ కి లేక రాయనున్న సీసీఎస్ పోలీసులు.
  • చెన్నై : ప్రముఖ నటి నిక్కీగల్రనికి కరోనా సోకినట్టు నిర్ధారణ . తెలుగు తమిళ్ మలయాళం లో పలు చిత్రాలలో నటించిన నటి నిక్కీగల్రని. తనకు వైద్యపరీక్షల అనంతరం కరోనా సోకినట్టు వైద్యులు నిర్ధారించారని , ప్రస్తుతం తన ఆరోగ్యం మెరుగ్గానే ఉందని తన ట్విట్టర్ లో వెల్లడి
  • తెలంగాణ పోలీస్ శాఖ లో కరోనా కలకలం . తెలగాణలో 4259 మంది పోలీసులకు కరోనా . ఎక్కువగా హైదరాబాద్ కమిషనరేట్ లిమిట్స్ లో 1946 మంది పోలీస్ ల కి కరోనా . తెలంగాణ వ్యాప్తం గా కరోనా తో 39 మంది పోలీసులు మృతి . హైద్రాబాద్ కమీషనరేట్ లిమిట్స్ లో 26 మంది మృతి . పోలీస్ కరోనా కేసుల్లో హైద్రాబాద్ తర్వాత వరంగల్ , రాజన్న సిరిసిల్ల , నల్గొండ లో పోలిసులకు ఎక్కువ కరోనా కేసులు.
  • అమీన్పూర్ అనాధ ఆశ్రమంలో.. మైనర్ బాలిక అత్యాచారం ఘటనలో కొత్త కోణం. ఆలస్యంగా వెలుగులోకి మారుతీ అనాధ ఆశ్రమ ఆగడాలు. మరోమైనర్ బాలికపై సైతం నిందితుడు వేనుగోపాల్ లైంగికదాడి. కుటుంబ సభ్యులు నిలదీయడంతో నిర్వాకుల బెదిరింపులు. ఆలస్యంగా వెలుగులోకి మారుతీ అనాధ ఆశ్రమ ఆగడాలు. సంగారెడ్డి చైల్డ్ వెల్ఫేర్ సభ్యురాలితో నిందితులకు సన్నిహిత సంభందాలు. జిల్లా చెల్డ్ వెలిఫేర్ కమిటీ సభ్యురాలి సహకారంతో అక్రమాలు. లాక్డౌన్ సమయంలో రెస్కూచేసిన మైనర్లను ఇక్కడికే పంపాలనీ సిబ్బందిపై ఒత్తిడి. కమిటీ సమావేశాలకు సైతం నేరూగా హాజరైన నిందితుడు వేణుగోపాల్. హైపవర్ కమిటీ విచారణలో వెలుగులోకి వస్తున్న మారుతీ అనాధ ఆశ్రమం ఆగడాలు. అనాధ ఆశ్రమంలోని 70మందిని విచారించనున్న అధికారులు. రాష్ట్రం లోని ఇతర అనాధ ఆశ్రమలాల్లో సైతం తనిఖీలకు అధికారుల ఆదేశం. రాష్ట్ర వ్యాప్తంగా 400ఆశ్రమాలు,19వేల మంది అనాధలు.
  • టాలీవుడ్ లో మరో పొలిటికల్ డ్రామా ఫిల్మ్ రూపొందుతోంది. నారా చంద్రబాబు నాయుడు, వై ఎస్ రాజశేఖర్ రెడ్డి ల స్నేహాన్ని, రాజకీయ శతృత్వాన్ని తెరకెక్కిస్తున్నారు. "ఇంద్రప్రస్థం" పేరుతో తెరకెక్కుతున్న ఈ సినిమా కు దర్శకుడు దేవా కట్టా. రీసెంట్ గా కథా చౌర్యం వివాదంలో పడిన ఈ కథ ఇప్పుడు టాక్ ఆప్ ద టాలీవుడ్.
  • మర్డర్ సినిమా విడుదల నిలిపివేయాలని అమృత వేసిన పిటిషన్ పై ఇవాళ నల్గొండ SC, ST కోర్టులో విచారణ.
  • స్వర్ణ ప్యాలెస్ అగ్నిప్రమాదం పై విచారణ వేగవంతం చేసిన పోలీసులు. స్వర్ణ ప్యాలెస్ ఘటనలో అరెస్ట్ అయిన ముగ్గురు నిందితులను కస్టడీ కి కోరుతు కోర్టు లో పిటిషన్ దాఖలు చేసిన పోలీసులు. ముగ్గురు నుండి మరికొన్ని విషయాలు సేకరించేందుకు వారం రోజుల పాటు కస్టడీ కి ఇవ్వాలని విజయవాడ 3rd ఏసిఎమ్ఎమ్ కోర్టు లో పిటిషన్ దాఖలు చేసిన పోలీసులు. కౌంటర్ పిటిషన్ దాఖలు చేయనున్న నిందితుల తరుపున న్యాయవాది.

World Famous Lover: విజయ్‌ దేవరకొండ ‘వరల్డ్ ఫేమస్‌ లవర్‌’ రివ్యూ

World Famous Lover Movie Review, World Famous Lover: విజయ్‌ దేవరకొండ ‘వరల్డ్ ఫేమస్‌ లవర్‌’ రివ్యూ

World Famous Lover : సినిమా: వరల్డ్ ఫేమస్‌ లవర్‌
నిర్మాణ సంస్థ: క్రియేటివ్‌ కమర్షియల్స్
దర్శకత్వం: క్రాంతి మాధవ్‌
నిర్మాత: కె.ఎ.వల్లభ, కె.ఎస్‌.రామారావు,
కథ, స్క్రీన్‌ప్లే: క్రాంతి మాధవ్‌
నటీనటులు: విజయ్‌ దేవరకొండ, రాశీ ఖన్నా, ఐశ్వర్య రాజేష్‌, కేథరిన్‌ ట్రెసా, ఇజబెల్లె లెట్‌, ప్రియదర్శి, జయప్రకాష్‌ తదితరులు
సంగీతం: గోపీ సుందర్‌
కెమెరా: జయకృష్ణ గుమ్మడి
ఎడిటింగ్‌: కోటగిరి వెంకటేశ్వరరావు
విడుదల: 14.02.2020
ఫిబ్రవరి 14 అంటేనే ప్రేమికులకు పండగ. అందుకే ప్రేమికులకు గిఫ్ట్ అంటూ ఈ ఫ్రైడే విజయ్‌ దేవరకొండ ‘వరల్డ్ ఫేమస్‌ లవర్‌’తో పలకరించారు. అంతే కాదు.. ఆ మధ్య ఇదే నా లాస్ట్ లవ్‌ స్టోరీ అంటూ ఓ ఇంట్రస్టింగ్‌ ఝలక్‌ ఇచ్చారు విజయ్‌. మరి ఫక్తు లవ్‌ స్టోరీలకు దూరమవుతున్న ఈ రౌడీ హీరో సినిమా లేటెస్ట్ గా ఎలాంటి బజ్‌ క్రియేట్‌ చేసిందో చూడాలి.
కథ
యామిని (రాశీ ఖన్నా) బాగా చదువుకుని జీవితంలో స్థిరపడి ఉంటుంది. గౌతమ్‌ (విజయ్‌ దేవరకొండ) తో లివ్‌ ఇన్‌ రిలేషన్‌షిప్‌లో ఉంటుంది. మొదట్లో అంతా బాగానే ఉన్నట్టు అనిపించినా, రోజులు గడిచే కొద్దీ ఆమె డిప్రషన్‌కు గురవుతూ ఉంటుంది. అందుకు కారణం గౌతమ్‌. లక్షణంగా ఉన్న ఉద్యోగాన్ని వదిలేసి రచయితగా స్థిరపడతానంటూ ఇంట్లో ఉంటాడు. యామిని సంపాదన మీద ఆధారపడతాడు. పోనీ ఆ ఏడాదిలో అతను రచించింది కూడా ఏమీ ఉండదు. అలాంటి సందర్భంలో అతన్నుంచి దూరం జరగాలని నిర్ణయించుకుంటుంది యామిని. ఆమె దూరమయ్యాక అతను శీనయ్య పాత్రకు దగ్గరవుతాడు. ఖమ్మం ఇల్లందు బొగ్గు గనుల్లో సువర్ణ మానసిక స్థితిని అర్థం చేసుకునే ప్రయత్నం చేస్తాడు. అలాగే ఫ్రాన్స్ లో ఇసా (ఇసబెల్లె)తో చట్టాపట్టాలేసుకుని తిరుగుతాడు. అదంతా ఎలా సాధ్యమైంది? గౌతమ్‌కీ… శీనయ్యకు, అతనికీ… ఫ్రాన్స్ వెళ్లిన ఎంప్లాయికి ఏంటి సంబంధం? వారందరితోనూ అతనెలా మింగిల్‌ అయ్యాడు? యామిని దూరం అయ్యాక గౌతమ్‌ పరిస్థితి ఏంటి? గౌతమ్‌ దృష్టిలో వరల్డ్ ఫేమస్‌ లవర్‌ ఎవరు? ప్రేమంటే త్యాగం అని ఎప్పుడు నమ్ముతాడు? దైవత్వం అని ఎప్పుడు గుర్తిస్తాడు? అసలు గౌతమ్‌ జీవితంలో ఆఖరికి ఏం జరిగింది?జైలుకు ఎందుకు వెళ్లాడు? వంటివన్నీ ఆసక్తికరమైన అంశాలు.
ప్లస్‌ పాయింట్లు
– విజయ్‌ దేవరకొండ హెయిర్‌ స్టైల్స్, లుక్స్
– విజయ్‌ నటన
– ఐశ్వర్య రాజేష్‌ – ఇల్లందు ఎపిసోడ్‌
– కెమెరా
మైనస్‌ పాయింట్లు
– ముందే తెలిసిపోయే కథనం
– వాస్తవానికి, రచనలకు సరైన లింకు కుదరకపోవడం
– సెకండాఫ్‌
సమీక్ష
వరల్డ్ ఫేమస్‌ లవర్‌ అని విజయ్‌ ఏ ముహూర్తాన అనౌన్స్ చేశారో కానీ, ఈ సినిమా మీద అంచనాలు అమాంతం పెరిగాయి. దానికి తోడు నలుగురు హీరోయిన్లు అనేసరికి ఇంకాస్త ఇంట్రస్ట్ ఎక్కువైంది. మూడు నేపథ్యాలు కొత్తగా ఉండటం, నలుగురు హీరోయిన్లో సీన్స్ మిక్స్ చేయడం ఎలా జరుగుతుందనే ఇంట్రస్ట్ ని క్రియేట్‌ చేసింది. ఏ పాత్రకు ఆ పాత్రలో విజయ్‌ చాలా బాగా నటించారు. ఇల్లందులో శీనుగా, యామిని దగ్గర గౌతమ్‌గా, ప్యారిస్‌లో లవర్‌గా మెప్పించారు. హెయిర్‌ స్టైల్‌, వాయిస్‌ మాడ్యులేషన్‌ చాలా బావుంది. సువర్ణ కేరక్టర్‌లో ఐశ్వర్య రాజేష్‌ను చూస్తున్నంత సేపూ మనపక్కింట్లో అమ్మాయిని చూస్తున్నట్టుగానే అనిపించింది. డిప్రెషన్‌లోకి వెళ్లిన అమ్మాయిగా రాశీ బాగానే చేసింది. డిప్రెషన్‌లోకి రావడానికి ముందు, లవ్‌లో ఉన్న సన్నివేశాల్లోనూ దిగులు ఎక్స్ ప్రెషన్స్ ఇవ్వాల్సిన అవసరం ఏంటో అర్థం కాదు. దర్శి ఇందులో కనిపించినా నవ్వులు ఉండవు. హీరోని సపోర్ట్ చేసే రోల్‌ చేశారు. శీనయ్యకు, అతని తండ్రికి మధ్య జరిగే సంభాషణ బావుంటుంది. క్యాథరిన్‌ కేరక్టర్‌కు పెద్దగా నటించే స్కోప్‌ దక్కలేదు. కనిపించినంత సేపూ గ్లామరస్‌గా ఉంది స్క్రీన్‌ మీద. సినిమా కాస్త ఫాస్ట్ గా మూవ్‌ అయింది, సినిమాకు పెద్ద ప్లస్‌ పాయింట్ కూడా ఇల్లందు ఎపిసోడే. లొకేషన్లు బావున్నాయి. పాటలు సన్నివేశాల్లో కలిసిపోయాయి. కాస్ట్యూమ్స్ నేచురల్‌గా ఉన్నాయి. కెమెరా బావుంది. ఎడిటింగ్‌ ఇంకాస్త షార్ప్ గా ఉండాల్సిందేమో. టోటల్‌ కథను ముందే రివీల్‌ చేయకుండా, సస్పెన్స్ పాటిస్తే ఇంకా ప్లస్‌ అయి ఉండేది. స్క్రీన్‌ప్లే మీద ఇంకాస్త దృష్టి పెట్టాల్సింది. వ్యక్తుల్ని అర్థం చేసుకునే తీరు వల్ల ప్రేమ రెట్టింపవుతుంది.. ఒకరికి ఒకరు అర్థం కాకపోవడం వల్లనే విడిపోవడాలు ఎక్కువంటాయని గట్టిగా చెప్పిన కథ. ప్రేమంటే శాక్రిఫైస్‌, ప్రేమంటే దైవత్వం అని చెప్పే ప్రయత్నం చేశారు డైరక్టర్‌.
ఫైనల్‌గా… ఒక రచయిత… మూడు కథలు!
డా. చల్లా భాగ్యలక్ష్మి

Related Tags