Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

‘లిప్‌లాక్‌’లపై విజయ్ దేవరకొండ సంచలన వ్యాఖ్యలు

Vijay Devarakonda comments on Lip Lock scenes, ‘లిప్‌లాక్‌’లపై విజయ్ దేవరకొండ సంచలన వ్యాఖ్యలు

సెన్సేషనల్ స్టార్ విజయ్ దేవరకొండ లిప్‌లాక్‌లపై సంచలన వ్యాఖ్యలు చేశారు. ‘డియర్ కామ్రేడ్’ చిత్రం తమిళ ఆడియో ఆవిష్కరణ ఇటీవల చెన్నైలో జరిగింది. ఈ సందర్భంగా లిప్‌లాక్‌లపై మీడియా అడిగిన ప్రశ్నలకు విజయ్ దేవరకొండ కొంత ఉద్వేగంగా మాట్లాడారు. సినిమాల్లో లిప్ లాక్‌లు చేస్తే చూసేవారికి రొమాంటిక్‌గా, వినోదంగా ఉంటుందని.. కానీ ఆయా సన్నివేశాల్లో నటించే తమ జీవితాలపై దాని ప్రభావం సీరియస్‌గా ఉంటుందని పేర్కొన్నారు. లిప్‌లాక్‌లను చూసి కొంతమంది చాలా ఈజీగా కామెంట్ చేస్తారని.. అంతేకాదు సినిమా చూసి ఆయా క్యారెక్టర్లను ‘వీళ్లు ఇంతే అనటం’ ఎంత బాధగా ఉంటుందో తమకు తెలుసని భావోద్వేగానికి గురయ్యారు. అయితే సినిమా విడుదల తర్వాత.. దాని విజయంలో తమకు విముక్తి దొరుకుతుందని తెలిపారు.

లిప్‌లాక్ ఒక్కటే సినిమా కాదని.. ఒక మూవీ అంటే అందులోనే అందరి భవిష్యత్తు, నిర్మాత డబ్బులు, దర్శకుడి జీవితం, కొత్త అర్టిస్తులకు వాళ్లు నిరూపించుకునే ప్లాట్ పామ్, ఏదో సాధించాలనే తపనతో వచ్చి నిలదొక్కుకునే ప్రయత్నమని.. కానీ ఆటలాడుకునే విషయం కాదని అన్నారు. డియర్ కామ్రేడ్ లిప్ లాక్ సినిమా కాదని చెప్పుకొచ్చారు. ఇక తాను హైదరాబాద్ లో చదువుకుంటున్నప్పుడు పక్కా హైదరాబాదీ యాస అలవాటైందని.. కెరీర్ ప్రారంభంలో అదే యాసలోనే మాట్లాడటంతో సక్సెస్ అవ్వడంతో.. మిగిలిన చిత్రాల్లో కూడా అదే యాసనే కొనసాగిస్తున్నానని విజయ్ దేవరకొండ చెప్పారు.

కాగా విజయ్ దేవరకొండ నటించిన డియర్ కామ్రేడ్ జూలై 26న ప్రేక్షకుల ముందుకు రానుంది. ఈ సినిమాలో విజయ్ దేవరకొండ సరసన రష్మిక మందన్న నటించింది. భరత్ కమ్మ దర్శకత్వం వహించిన ఈ చిత్రాన్ని మైత్రీ మూవీ మేకర్స్ నిర్మించారు. తెలుగు, తమిళం, మలయాళం, కన్నడ భాషల్లో ఈ చిత్రం ఒకేరోజు ప్రేక్షకుల ముందుకు రానుంది.