సుశాంత్‌ మూవీని విజయవంతం చేద్దాం.. ఫ్యాన్స్‌కి యంగ్ హీరో పిలుపు

బాలీవుడ్‌ నటుడు సుశాంత్ సింగ్ రాజ్‌పుత్‌ నటించిన చివరి చిత్రం దిల్ బేచారే. ఈ మూవీ ట్రైలర్ సోమవారం విడుదల కాగా.. అందరినీ ఆకట్టుకుంది.

Updated on: Jul 07, 2020 | 2:47 PM

బాలీవుడ్‌ నటుడు సుశాంత్ సింగ్ రాజ్‌పుత్‌ నటించిన చివరి చిత్రం దిల్ బేచారే. ఈ మూవీ ట్రైలర్ సోమవారం విడుదల కాగా.. అందరినీ ఆకట్టుకుంది. ఇక ఈ మూవీ ట్రైలర్‌పై బాలీవుడ్‌ ప్రముఖులు కూడా స్పందిస్తున్నారు. ట్రైలర్ చాలా బావుందని, సినిమాను చూసేందుకు ఎదురుచూస్తున్నామని ప్రియాంక చోప్రా, సిద్ధార్థ్ మల్హోత్రా, కృతి సనన్, ఫర్హాన్ అక్తర్‌, భూమి పడ్నేకర్‌, నవాజుద్దీన్‌ సిద్ధిఖ్వీ, అనిల్‌ కపూర్‌ తదితరులు ట్వీట్లు చేశారు. ఈ నేపథ్యంలో దిల్‌ బేచారేను విజయవంతం చేయాలంటూ యంగ్ హీరో విద్యుత్‌ జమ్వాల్ తన అభిమానులకు‌ పిలుపునిచ్చారు.

ఈ మేరకు ఓ వీడియోను విడుదల చేసిన జమ్వాల్‌.. ”ఇది నా ఫ్యాన్స్ అందరి కోసం. మీ అందరిని చూసి నేను ఎప్పుడూ గర్వపడుతుంటా. మిమ్మల్ని నేను చాలా ఇష్టపడుతుంటా. ఇవాళ సుశాంత్ దిల్ బేచారే ట్రైలర్ విడుదలైంది. అత్యధిక మంది చూసిన చిత్రంగా దిల్ బేచారేను విజయవంతం చేయండి” అని అన్నారు. కాగా సుశాంత్‌, సంజనా సంఘి జంటగా నటించిన ఈ చిత్రంలో సైఫ్ అలీ ఖాన్‌ కీలక పాత్రలో కనిపించనున్నారు. ముఖేష్ చాబ్రా దర్శకత్వం వహించారు. ద ఫాల్ట్‌ ఇన్ అవర్‌ స్టార్ నవల ఆధారంగా తెరకెక్కిన ఈ మూవీని ఫాక్స్ స్టార్ స్టూడియోస్‌ నిర్మించింది. ఈ నెల 24న హాట్‌ స్టార్‌లో ప్రీమియర్‌ కాబోతున్న ఈ చిత్రాన్ని అందరూ ఫ్రీగా చూడొచ్చని హాట్‌స్టార్‌+డిస్నీ ప్రకటించిన విషయం తెలిసిందే.