Baby elephant: అర్ధరాత్రి ఆర్తనాదాలు.. తల్లికి దూరమైన పిల్ల ఏనుగు ఆవేదన.. వైరల్ వీడియో.
ఓ ఏనుగు పిల్ల తన తల్లినుంచి తప్పిపోయింది. దిక్కు తోచని స్థితిలో అర్ధరాత్రివేళ తల్లిని వెతుక్కుంటూ వెళ్తోంది. ఈ క్రమంలో ఆ చిన్ని ఏనుగు ఓ పెద్ద గుంతలో పడిపోయింది. ఓవైపు తల్లికి దూరమైంది...
ఓ ఏనుగు పిల్ల తన తల్లినుంచి తప్పిపోయింది. దిక్కు తోచని స్థితిలో అర్ధరాత్రివేళ తల్లిని వెతుక్కుంటూ వెళ్తోంది. ఈ క్రమంలో ఆ చిన్ని ఏనుగు ఓ పెద్ద గుంతలో పడిపోయింది. ఓవైపు తల్లికి దూరమైంది… ఆపైన ప్రమాదంలో చిక్కుకుంది. గుంతలోంచి ఎలా బయటపడాలో తెలియని ఆ చిన్ని ఏనుగు.. తన తల్లిని పిలుస్తూ ఆర్తనాదాలు చేస్తూ గుంతలో ఉండిపోయింది. అది గమనించిన స్థానికులు ఫారెస్ట్ అధికారులకు సమాచారమిచ్చారు. సమాచారం అందుకున్న ఫారెస్ట్ సిబ్బంది హుటాహుటిన అక్కడికి చేరుకున్నారు. అర్ధరాత్రి ఒంటిగంటకు రెస్క్యూ ఆపరేషన్ ప్రారంభించారు. దాదాపు నాలుగు గంటలపాటు శ్రమించి, చివరికి తెల్లవారుజామున ఆ ఏనుగు పిల్లను కాపాడారు. దీనికి సంబంధించిన వీడియో నెట్టింట వైరల్గా మారింది.ఈ వీడియోను ఐఎఫ్ఎస్ అధికారి ప్రవీణ్ కాస్వాన్ ట్విటర్లో షేర్ చేశారు. ఏనుగుపిల్లను పైకిలాగేందుకు ప్రయత్నించినా అధికారుల వల్ల కాలేదు. ఒక ఎక్స్కవేటర్తో పెద్ద గుంత తవ్వారు. అనంతరం ఒక అధికారి చీకటి గొయ్యిలోకి దిగి, అప్పటికే అలసిపోయి పడుకున్న ఏనుగుకు తాడును బిగించారు. మిగతా అధికారులు దాన్ని పైకి లాగారు. చివరగా, పిల్ల ఏనుగును దాని కుటుంబంతో కలిపారు. ఈ వీడియో ఆన్లైన్లో చక్కర్లు కొట్టగా..అర్ధరాత్రి పూట ఏనుగుపిల్లను కాపాడేందుకు వెళ్లిన అధికారుల అంకితభావాన్ని నెటిజన్లు ప్రశంసించారు.
మరిన్ని వీడియోస్ కోసం:
Videos
Jathiratnam: ఓరి బుడ్డోడా.. బ్యాక్ బెంచ్ స్టూడెంట్ అనిపించినావ్గా.. అసలైన జాతిరత్నం..
Bus Shelter – Buffalo: బస్ షెల్టర్ ఓపెనింగ్కు ముఖ్య అతిథిగా గేదె.. దెబ్బకు దిగొచ్చిన అధికారులు..