Viral video: అన్నం వద్దు ఇసుక ముద్దు అంటున్న బామ్మ..! తన ఆరోగ్య రహస్యం ఇసుకే అంటున్న బామ్మ..
తినే ఆహారపదార్ధంలో కొంచెం ఇసుక వస్తేనే తినేదానిని పక్కకు పెట్టి.. వండినవారిమీద ఓ రేంజ్ కోప్పడతాం.. కానీ ఓ బామ్మ మాత్రం ఇసుకని పంటి కింద పెట్టుకుని పంచదార తిన్నట్లు తినేస్తుంది. అది రోజుకి కిలోలు కిలోలు తింటూ అందరికి షాక్ ఇస్తుంది. అంతేకాదు....
తినే ఆహారపదార్ధంలో కొంచెం ఇసుక వస్తేనే తినేదానిని పక్కకు పెట్టి.. వండినవారిమీద ఓ రేంజ్ కోప్పడతాం.. కానీ ఓ బామ్మ మాత్రం ఇసుకని పంటి కింద పెట్టుకుని పంచదార తిన్నట్లు తినేస్తుంది. అది రోజుకి కిలోలు కిలోలు తింటూ అందరికి షాక్ ఇస్తుంది. అంతేకాదు గత 60 ఏళ్లుగా ఇసుకనే ఆహారంగా తింటున్నానని చెబుతుంది ఉత్తర్ ప్రదేశ్ కు చెందిన వృద్ధురాలు కుష్మావతి దేవి. ఈ బామ్మ రోజుకి రెండు కిలోల ఇసుకని తింటుంది. అయినా ఆరోగ్యంగా ఉంది. ఇదే విషయం ఆ బామ్మని అడిగితె.. బోసినోరుతో చిరునవ్వు నవ్వుతు.. అసలు నేను ఏ రోగం లేకుండా ఇలా ఆరోగ్యంగా ఉన్నానంటే దానికి కారణం.. ఇసుకే అంటుంది. ఇసుక తినడమే.. నా ఆరోగ్య రహస్యం అంటూ చెబుతుంది. ఈ వింత అలవాటుని చూసి షాక్ తింటున్నారు. మరో విచిత్రమేంటంటే.. డాక్టర్లే తనని ఇసుక తినమని చెప్పారంటోంది ఈ బామ్మ.
కుష్మావతి దేవి టీనేజ్ లో ఉండగా.. భరించలేని కడుపునొప్పి వస్తే.. వైద్యులు కొంచెం బూడిద తినమని చెప్పారట. అప్పుడు కొంచెం బూడిద తినడం మొదలు పెట్టి.. తర్వాత ఇసుకని తినడం మొదలు పెట్టిందట.. అప్పుడు మొదలైన ఈ ఇసుకని తినే అలవాటు ఇప్పటికీ మానలేదు. కుష్మావతి టిఫిన్ తినడం లెట్ అయినా ఫీల్ అవదు కానీ.. ఇసుకని మాత్రం రోజుకి మూడుపూటలా సంతృప్తిగా తింటుంది. అయితే ఇసుకని తినే ముందు.. దానిని శుభ్రం చేసుకుని.. నీటిలో కడిగి అప్పుడు తింటుందట.అయితే బామ్మగారి ఇసుక అలవాటుని మాన్పించడానికి ఫ్యామిలీ మొత్తం ప్రయత్నించడంతో.. ఏకంగా కొడుకులను, మనవళ్లను వదిలి వేరే ఇంటికి వెళ్ళిపోయింది. కుటుంబానికి దూరంగా ఒంటరిగా నివసిస్తున్న 75 ఏళ్ల బామ్మ ఎంతో ఉల్లాసంగా, ఉత్సాహంగా తనపనులు తాను చేసుకోవడమే కాదు.. పొలం పనులు కూడా చేస్తుంది. మొత్తానికి తన స్పెషల్ మెనూతో ఈ బామ్మ హాట్ హాట్ టాపిక్ గా మారింది.