Lovers temple: ప్రేమజంటలకు ఆశ్రయం.. పోలీసులు అడుగుపెట్టలేని ప్రేమలయం.. వీడియో వైరల్

సాధారణంగా భారతదేశంలో ప్రేమ వివాహాలను ఓ పట్టాన అంగీకరించరు. అందుకే ప్రేమికులు తమ పెద్దవారిని ఒప్పించలేక, వారి ప్రేమను చంపుకోలేక ఇంటినుంచి పారిపోయి ఏ గుడిలోనో పెళ్లి చేసుకుంటుంటారు. అయితే

Anil kumar poka

|

Jun 29, 2022 | 8:50 PM


సాధారణంగా భారతదేశంలో ప్రేమ వివాహాలను ఓ పట్టాన అంగీకరించరు. అందుకే ప్రేమికులు తమ పెద్దవారిని ఒప్పించలేక, వారి ప్రేమను చంపుకోలేక ఇంటినుంచి పారిపోయి ఏ గుడిలోనో పెళ్లి చేసుకుంటుంటారు. అయితే ఇటీవల కాలంలో ఈ ప్రేమ వివాహాలకు సంబంధించి పరువు హత్యలు పెరిగిపోయాయి. ఈ క్రమంలో ప్రేమికులు ఇదివరకటిలా త్వరపడి పారిపోడానికి వెనుకాడుతున్నారు. అయితే ఇలాంటి ప్రేమ జంటలకు సురక్షితమైన ప్రదేశం ఒకటి భారతదేశంలోనే ఉంది. అదెక్కడో.. ఏమిటో చూద్దాం.హిమాచల్ ప్రదేశ్‌లోని కులు షాంఘర్ గ్రామంలో నిర్మించిన షాంగ్‌చుల్ మహాదేవ్ ఆలయం ప్రేమికులకు ఆశ్రయంగా మారింది. ఇక్కడ ఇంటి నుండి పారిపోయే ప్రేమికులు ఆశ్రయం పొందుతారు. ఇది పరమశివుడి ఆలయం. ఈ ఆలయం దాదాపు 128 బిఘాల విస్తీర్ణంలో నిర్మించబడి ఉంది. కులు లోయలో ఉన్న ఈ ఆలయం ఎప్పుడూ తెరిచే ఉంటుంది. ఈ ఆలయం ప్రేమికులకు ఒక వరంలాంటిదని చెప్పుకోవచ్చు. ఎందుకంటే ఇళ్ల నుండి పారిపోయిన తర్వాత ఇక్కడకు వచ్చే ప్రేమికులను శివుడు రక్షిస్తాడని నమ్ముతారు. ఇక్కడి ప్రజలు ప్రేమ జంటలను తమ అతిథిలుగా భావించి స్వాగతిస్తారు.. వారికి రక్షణ కల్పిస్తారు. ఆ విశ్వాసంతోనే ఇప్పటికీ అనేమంది ప్రేమికులు ఇక్కడ రక్షణ పొందుతున్నారు. ఇక్కడ శతాబ్దాలుగా ఈ సంప్రదాయం కొనసాగుతోంది. అంతేకాదు ఈ గ్రామంలోకి పోలీసుల ప్రవేశాన్ని కూడా నిషేధించారు. అయితే ఈ ఆలయానికి కొన్ని నియమాలు ఉన్నాయి. వాటిని అందరూ ఖచ్చితంగా పాటించాలి. అంతేకాదు ప్రేమికుల ఇరు కుటుంబాలు రాజీపడే వరకు పెళ్లయిన ప్రేమికులు ఇక్కడే ఉండొచ్చు. విషయం తేల్చకుండా వారిని ఇక్కడి నుంచి ఎవరూ పంపించరు. పురాణాల ప్రకారం పాండవులు తమ వనవాస సమయంలో ఇక్కడే ఉన్నారని చెబుతారు. ఈ సమయంలో కౌరవులు వారిని అనుసరించి ఇక్కడికి చేరుకున్నారు. ఆ సమయంలో షంగ్చుల్ మహాదేవ్ కౌరవుల నుండి పాండవులను రక్షించినట్లు చెబుతారు.

మరిన్ని వీడియోస్ కోసం:
Videos

Employee: ఎంప్లాయి అంకితభావానికి సంస్థ సత్కారం.. ఒక్క ఆఫ్ లేకుండా 27 ఇయర్స్..

Omelette challenge: ఈ ఆమ్లెట్‌ తిన్న వారికి.. రూ. 21వేలు గెలుచుకోండి.! ఎక్కడో తెలుసా..?

Kacha Badam on flute: వేణువుపై కచ్చాబాదం సాంగ్‌ పాడిన యువకుడు.! నెట్టింట రచ్చ లేపుతున్న వీడియో..

Follow us on

Click on your DTH Provider to Add TV9 Telugu