Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

సీనియర్లు డెడ్ బాడీస్.. కాంగ్రెస్‌లో కాకరేపిన కామెంట్లు

in fight in telangana congress, సీనియర్లు డెడ్ బాడీస్.. కాంగ్రెస్‌లో కాకరేపిన కామెంట్లు
అధికారంలో వున్నా.. అధికారానికి దూరమైనా కాంగ్రెస్ పార్టీ నేతల తీరే వేరు. అంతర్గత ప్రజాస్వామ్యం అపారంగా వున్న కాంగ్రెస్ పార్టీలో రేగిన రచ్చకు ఇవాళ గాంధీభవన్ మరోసారి మూగ సాక్షిగా నిలిచింది. సాక్షాత్తు జాతీయ నాయకుడు గులాం నబీ ఆజాద్ సమక్షంలో సీనియర్ల మధ్య రగిలిన రచ్చతో గాంధీ భవన్ దద్దరిల్లింది. ఇంతకీ సీనియర్లను డెడ్ బాడీస్ అన్నదెవరు ? కాంగ్రెస్ పార్టీలో ఆర్.ఎస్.ఎస్. రక్తమంటూ ఆరోపించిందెవరు ? మొత్తానికి తెలంగాణ కాంగ్రెస్‌లో మరోసారి ఆధిపత్య పోరుకు ఆజ్యం పోసిందెవరు ?
గులాం నబీ ఆజాద్ రాకతో గాంధీభవన్ దద్దరిల్లింది. సీనియర్ల మధ్య కొత్త చిచ్చు రేపింది. తెలంగాణ  కాంగ్రెస్ పార్టీలో కొత్తగా కుదిరిన సమీకరణలు, దోస్తీలు కాక రేపుతున్నాయి. ఇంతకీ గులాం నబీ ఆజాద్ రాకతో ఎందుకు వివాదం రగిలింది ? నిజానికి ఆజాద్ ఎప్పుడొచ్చాడన్నదే వివాదానికి నాందీ ప్రస్తావన. ఆజాద్ రాకతో మంగళవారం ఏర్పాటు చేసిన సమావేశం రసాభాసాగా మారడానికి ఆజాద్ పర్యటనే కారణమైంది.
సమావేశానికి హాజరైన సీనియర్ నేత వి.హనుమంతరావు ముందుగా ఆజాద్ పర్యటనకు సంబంధించి తనకెందుకు సమాచారం ఇవ్వలేదని మాజీ మంత్రి షబ్బీర్ అలీని నిలదీయడంతో వివాదాం మొదలైంది. ఆజాద్ జాతీయ నాయకుడు ఆయన రాక సీనియర్లకు తెలపాల్సి వుందంటూ.. కొత్తగా వచ్చిన వారు సీనియర్లను విస్మరిస్తున్నారని వాదించారు. విహెచ్ కామెంట్లతో ఆగ్రహం చెందిన షబ్బీర్ అలీ.. విహెచ్ ఆగ్రహానికి మరింత ఆజ్యం పోశారు. సీనియర్లంతా ఒక రకంగా డెడ్ బాడీస్ అంటూ వృద్ధ నేతలు పార్టీకి భారమన్నట్లు మాట్లాడారు. దాంతో విహెచ్ మరింత రెచ్చిపోయారు. కట్టలు తెగిన ఆవేశం ఇద్దరు నేతలు పరస్పరం బూతులు తిట్టుకున్నారు.
ఆజాద్ సమక్షంలోనే వీరిద్దరు బూతులు తిట్టుకోవడంతో ఆయన మౌనంగా వుండిపోయినట్లు సమాచారం. మిగిలిన వారంతా సముదాయించడంతో షబ్బీర్ సమావేశంలో వుండిపోగా.. విహెచ్ సమావేశం నుంచి అలిగి వెళ్ళిపోయారు. నేరుగా విలేకరుల సమావేశంలోకి వచ్చి… గొడవ జరిగింది వాస్తవమేనని.. మీకు తోచింది మీరు రాసుకోండని మీడియాకు చెప్పి ఇంటికి వెళ్ళిపోయారు. సమావేశంలో టిపిసిసి వర్కింగ్ ప్రెసిడెంట్ రేవంత్ రెడ్డిపై  కూడా విహెచ్ ఘాటైన కామెంట్లు చేశారని తెలుస్తోంది. రేవంత్ రెడ్డి ఆర్.ఎస్.ఎస్. రక్తమని, ఆయనతో షబ్బీర్ గ్రూపు కడుతున్నాడని విహెచ్ ఆరోపించారు.
మొత్తానికి అంతర్గత ప్రజాస్వామ్యం కాంగ్రెస్ పార్టీలో మరోసారి కాక  రేపింది. కాంగ్రెస్ నేతల రూటే సెపరరేటని చాటింది.

Related Tags