వాలంటీర్‌ని పెట్టి విజయం సాధిస్తాం: రఘురామకృష్ణరాజుకు ఎమ్మెల్యే సవాల్
నరసాపురం ఎంపీ రఘురామకృష్ణరాజుకు తణుకు ఎమ్మెల్యే వెంకట నాగేశ్వరరావు సవాల్ విసిరారు. అధికార పార్టీ ఎంపీగా ఉంటూ ప్రభుత్వాన్ని విమర్శిస్తున్న
MLA challenges MP: నరసాపురం ఎంపీ రఘురామకృష్ణరాజుకు తణుకు ఎమ్మెల్యే వెంకట నాగేశ్వరరావు సవాల్ విసిరారు. అధికార పార్టీ ఎంపీగా ఉంటూ ప్రభుత్వాన్ని విమర్శిస్తున్న రఘురామకృష్ణ రాజు దమ్ముంటే రాజీనామా చేసి పోటీకి దిగాలని ఆయన అన్నారు. మీపై వాలంటీర్‌ని పోటీకి పెట్టి విజయం సాధించగల సత్తా తమకు ఉందని వెల్లడించారు. సీఎంకే మతాన్ని అంటగట్టేలా రఘురామకృష్ణరాజు మాట్లాడటం దారుణమని తెలిపారు.
కరోనా వైరస్‌కి ముందే నియోజకవర్గాన్ని విడిచి ఢిల్లీ, హైదరాబాద్‌లో ఉంటున్న మిమ్మల్ని నియోజకవర్గ ప్రజలు మరిచిపోయారని నాగేశ్వరరావు పేర్కొన్నారు. పీఎం రిలీఫ్ ఫండ్స్‌ వచ్చినా ఆ నిధులను వినియోగించే పరిస్థితిలో రఘురామకృష్ణరాజు లేరంటూ విమర్శించారు. అన్ని మతాలకు సమన్యాయం చేసేలా సంక్షేమ పథకాలు అందిస్తోన్న జగన్‌ని ఉద్దేశించి మతం రంగు అంటించేలా మాట్లాడటం ఎంతవరకు సమంజసమని ప్రశ్నించారు. బాబు చేతిలో రఘురామకృష్ణరాజు కీలుబొమ్మగా మారారని ఎమ్మెల్యే మండిపడ్డారు.
Read More:
