వెంకయ్యకు పొలిటికల్ ప్రమోషన్..పీఎం పోస్ట్?

ఎన్నికల నేపథ్యంలో పొలిటిషియన్స్‌కి సంబంధించిన గాసిప్స్ సినిమా వాళ్ల కంటే ఎక్కువగా సర్కులేట్ అవుతున్నాయి. తాజాగా వచ్చిన ఎగ్జిట్ పోల్స్ చాలా వరకు తిరిగి ఎన్డీఏ కూటమి అధికారంలోకి వస్తుందని చెప్పేశాయి. ఒకవేళ బీజేపీకి 200 సీట్ల కంటే తక్కువ వస్తే ప్రధాని రేస్ నుంచి మోదీ సైడ్ అవుతారా అనే చర్చ నడుస్తోంది. ఒకవేళ ఆయన తప్పుకుంటే ఆ తర్వాత లిస్ట్‌లో వైస్ ప్రెసిడెంట్ వెంకయ్య నాయుడు, నితిన్ గడ్కరీ, అరుణ్ జైట్లీ, రాజనాథ్‌సింగ్ పేర్లు బయటకి వినిపిస్తున్నాయి.

అయితే సంఘ్ మాత్రం వెంకయ్య నాయుడు పేరునే ఎక్కువగా ప్రతిపాదించే అవకాశాలు కనిపిస్తున్నాయి. ఎందుకంటే తెలుగు రాష్ట్రాల సీఎంలకు  వెంకయ్య నాయుడు అంటే సానుకూల దృక్పథంతో పాటు అభిమానం కూడా ఉంది. దాంతో ఉభయ తెలుగు రాష్ట్రాల్లోని చంద్రులు వెంకయ్య నాయుడుకి సోపోర్ట్ చేస్తారని సంఘ్ పెద్దలు భావిస్తున్నారని సమాచారం. దాంతో పాటు వెంకయ్య మృదు స్వభావి కావడం, అందర్ని కలుపుకుపోయే గుణం తమకి కలిసొస్తాయని వారు లెక్కలు వేస్తున్నట్టు  తెలుస్తోంది. మరికొన్ని గంటల్లో ఎన్నికల ఫలితాలు రాబోతున్నాయి. లెట్స్ వెయిట్ అండ్ సీ. రాజు ఎవరో? రెడ్డి ఎవరో?