Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

Valmiki Trailer: గత్తెర లేపినవ్.. చింపేసినవ్ పో..!

Varun Tej Valmiki trailer released, Valmiki Trailer: గత్తెర లేపినవ్.. చింపేసినవ్ పో..!

హరీశ్ శంకర్ దర్శకత్వం వహించిన తాజా చిత్రం ‘వాల్మీకి’. తమిళంలో విజయం సాధించిన జిగర్తాండ రీమేక్‌గా ఈ మూవీ తెరకెక్కింది. మాతృకలో సిద్ధార్థ, బాబీ సింహా ప్రధాన పాత్రలలో నటించగా.. తెలుగులో వరుణ్ తేజ్, అథర్వ మురళీ నటించారు. ఇక ఈ మూవీ కోసం మొదటి సారిగా విలన్‌గా మారాడు వరుణ్. ఇక ఈ మూవీ సెప్టెంబర్ 20న ప్రేక్షకుల ముందుకు రానుండగా.. తాజాగా ట్రైలర్‌ను విడుదల చేసింది చిత్ర యూనిట్.

ట్రైలర్ విషయానికొస్తే.. ఫామ్‌లో ఉన్న డాన్‌పై ఓ సినిమా తీయాలనుకుంటాడు అథర్వ మురళి. మరోవైపు గద్దలకొండ గణేష్‌గా వరుణ్ తేజ్.. తన రౌడీయిజంతో అందరినీ బయపెడుతుంటాడు. ఈ క్రమంలో వరుణ్‌కు తెలియకుండా అతడిపై బెట్ వేసి అతడి సినిమాను తీయాలనుకుంటాడు అథర్వ. ఆ తరువాత ఎలాంటి పరిస్థితులు ఏర్పడ్డాయి..? రౌడీగా ఉండే వరుణ్‌ను అధర్వ తన సినిమాలో ఎలా చూపించాడు..? గద్దలకొండ గణేష్ లవ్ స్టోరీ ఏంటి..? ఈ విషయాలన్నీ తెలుసుకోవాలంటే సినిమా వచ్చే వరకు ఆగాల్సిందే.

ఇక ట్రైలర్‌లో రౌడీ పాత్రలో తెలంగాణ యాసతో అదరగొట్టేశాడు వరుణ్. అలాగే వరుణ్ కోసం తన పెన్ పవర్‌ను మరోసారి బయటకు తీశాడు హరీశ్ శంకర్. ‘‘నాపై పందేలు వేస్తే గెలుస్తారేమో..నాతోటి పందేలేస్తే సస్తారు’’.. ‘‘మనం బతుకుతున్నామని పదిమందికి తెల్వకపోతే.. ఇక బతుకుడెందుకు రా’’.. ‘‘గవాస్కర్ సిక్స్ కొట్టుడు, బప్పీ లహరి పాట కొట్టుడు, నేను బొక్కలిరగ్గొట్టుడు సేమ్ టు సేమ్, అదే ప్యాషన్’’ అనే డైలాగ్‌లు అదిరిపోయాయి. అలాగే అథర్వ, పూజా హెగ్డే తదితరుల పాత్రలను ట్రైలర్‌లో రివీల్ చేసేశారు. వీటితో పాటు ట్రైలర్‌కు మిక్కీ జే మేయర్ అందించిన సంగీతం మెయిన్ అస్సెట్‌గా నిలిచింది.  మొత్తానికి ట్రైలర్‌తో సినిమాపై అంచనాలను పెంచేశాడు వాల్మీకి.

ఇక ఈ చిత్రంలో వరుణ్ తేజ్ సరసన పూజా హెగ్డే రెండోసారి జత కడుతుండగా.. అథర్వ సరసన మృణాళిని రవి నటించింది. ప్రభాస్ శీను, ఫిష్ వెంకట్, సత్య, సుబ్బరాజు, బ్రహ్మాజీ, శత్రు, బ్రహ్మానందం తదితరులు కీలక పాత్రలలో కనిపించనున్నారు. అలాగే సుకుమార్, నితిన్ అతిథి పాత్రల్లో నటించారు. 14రీల్స్ ఎంటర్‌టైన్‌మెంట్ ఈ చిత్రాన్ని నిర్మించింది.