Breaking News
  • నల్గొండ: ధర్మారెడ్డిపల్లి కాల్వను పూర్తిచేసి రైతులకు నీరు ఇవ్వాలి. రైతుల ఆత్మహత్యలలో దేశంలో తెలంగాణ మూడో స్థానంలో ఉంది. మిగులు బడ్జెట్‌ ఉన్న తెలంగాణను అప్పుల తెలంగాణగా మార్చారు. అన్ని ప్రాంతాలను సమానంగా చూస్తేనే సీఎం అని అనిపించుకుంటారు. రైతు బంధు నిధులను వెంటనే విడుదల చేయాలి-కోమటిరెడ్డి వెంకట్‌రెడ్డి.
  • కరీంనగర్‌: అల్గునూర్‌ బ్రిడ్జి పైనుంచి పడ్డ కారు. కారులో ప్రయాణిస్తున్న భర్త మృతి, భార్యకు గాయాలు. కాపాడేందుకు వెళ్లిన కానిస్టేబుల్‌ చంద్రశేఖర్‌కు గాయాలు. మృతుడు కరీంనగర్‌కు చెందిన శ్రీనివాస్‌గా గుర్తింపు. కొమురవెళ్లి జాతరకు వెళ్తుండగా ఘటన.
  • సిద్దిపేట: జగదేవపూర్‌లో ఉద్రిక్తత. చైర్మన్‌ పదవి కోసం రెండువర్గాలుగా చీలిన టీఆర్‌ఎస్. ఇంద్రసేనారెడ్డి, శ్రీనివాస్‌రెడ్డి వర్గాల మధ్య ఘర్షణ. శ్రీనివాస్‌రెడ్డి వర్గానికి చెందిన వ్యక్తి ఆత్మహత్యాయత్నం. అడ్డుకున్న పోలీసులు.
  • చెన్నై: విల్లుపురం జిల్లా సెంజిలో అగ్రవర్ణాల దాష్టీకం. పొలాల్లో మల విసర్జన చేశాడని యువకుడిని కొట్టిన అగ్రవర్ణాల పెద్దలు. యువకుడికి తీవ్రగాయాలు, పోలీసులకు సమాచారం ఇచ్చిన స్థానికులు. గాయాలతో ఉన్న యువకుడిని ఇంటికి పంపిన పోలీసులు. ఇంటికి వెళ్లిన కొద్దిసేపటికే యువకుడు మృతి. కుటుంబ సభ్యులు, దళిత సంఘాల ఆందోళన. దాడి చేసినవారిని కఠినంగా శిక్షించాలని డిమాండ్‌.
  • బాబు మాజీ పీఎస్‌ శ్రీనివాస్‌ ఇంట్లో ఐటీ దాడులపై రాజకీయ రచ్చ. వైసీపీ, టీడీపీ పరస్పర విమర్శలు. ట్విట్టర్‌లో చంద్రబాబుపై విజయసాయి ధ్వజం. కౌంటర్‌ ఎటాక్‌ చేసిన టీడీపీ నేతలు. శ్రీనివాస్‌ కమిట్‌మెంట్‌ను మెచ్చుకోవాలి. యజమాని ప్రతి లావాదేవీని డైరీలో రాసుకున్నాడు. దోచుకున్నవి, దొంగ లెక్కలను పర్‌ఫెక్ట్‌గా రికార్డ్‌ చేశాడు-విజయసాయి. దోపిడీదారులు నిప్పుకణికల్లా బిల్డప్‌ ఇస్తుంటారు-విజయసాయి. టీడీపీపై దుష్ప్రచారం చేస్తే చట్టపర చర్యలు-యనమల. ఐటీ దాడులను భూతద్దంలో చూపించారు-యనమల. రూ.2 వేల కోట్ల నగద అని ప్రచారం చేశారు. చంద్రబాబుకు వైసీపీ నేతలు క్షమాపణ చెప్పాలి-యనమల. శ్రీనివాస్‌ ఇంట్లో వేల కోట్లు ఉన్నాయని తప్పుడు ప్రచారం చేశారు-బుచ్చయ్య. వైవీ సుబ్బారెడ్డి మైనింగ్‌లపై విచారణ చేయాలి-బుచ్చయ్య.

Varun Tej: ఆ దర్శకుడికి వరుణ్ రెండో ఛాన్స్..?

Varun Tej movie news, Varun Tej: ఆ దర్శకుడికి వరుణ్ రెండో ఛాన్స్..?

Varun Tej: విభిన్న కథలను ఎంచుకుంటూ తనకంటూ ప్రత్యక గుర్తింపు తెచ్చుకున్న మెగా ప్రిన్స్ వరుణ్ తేజ్.. వరుస సినిమాలతో దూసుకుపోతున్నారు. ప్రస్తుతం వరుణ్ తేజ్ కొత్త దర్శకుడు కిరణ్ కొర్రపాటి దర్శకత్వంలో నటించే సినిమా కోసం సిద్ధమవుతున్నారు. ఇందులో వరుణ్, బాక్సర్‌గా కనిపించనుండగా.. ఈ మూవీ వచ్చే నెల నుంచి సెట్స్ మీదకు వెళ్లనుంది. ఇదిలా ఉంటే ఈ మూవీ తరువాత వరుణ్, సురేందర్ రెడ్డి దర్శకత్వంలో నటించనున్నట్లు ఆ మధ్య వార్తలు వచ్చినా.. తాజా సమాచారం ప్రకారం శ్రీకాంత్ అడ్డాలకు ఈ హీరో రెండో ఛాన్స్ ఇచ్చినట్లు తెలుస్తోంది.

Varun Tej movie news, Varun Tej: ఆ దర్శకుడికి వరుణ్ రెండో ఛాన్స్..?

కాగా వరుణ్‌ తేజ్‌ను టాలీవుడ్‌కు శ్రీకాంత్ అడ్డాలనే పరిచయం చేసిన విషయం తెలిసిందే. ఆయన దర్శకత్వంలో తెరకెక్కిన ముకుంద మూవీతోనే వరుణ్ హీరోగా ఎంట్రీ ఇచ్చారు. ఇక ప్రస్తుతం వెంకటేష్‌తో శ్రీకాంత్ అడ్డాల అసురన్ రీమేక్‌ నారప్పను తెరకెక్కిస్తున్నారు. ఈ మూవీ తరువాత గ్యాప్ తీసుకోకూడదని ఆయన అనుకుంటున్నారట. ఈ నేపథ్యంలో ఇప్పటికే వరుణ్‌కు కథ చెప్పడం.. దానికి అతడు గ్రీన్ సిగ్నల్ ఇవ్వడం జరిగిపోయాయని తెలుస్తోంది. ఇదిలా ఉంటే ఈ మూవీని 14 రీల్స్ ఎంటర్‌టైన్‌మెంట్ నిర్మించబోతున్నట్లు సమాచారం. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.