Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

‘వాల్మీకి’కి ఫకీర్ షాక్!.. విడుదల కు బ్రేక్ !!

Valmiki Movie Controversy, ‘వాల్మీకి’కి ఫకీర్ షాక్!.. విడుదల కు బ్రేక్ !!

మెగా ఫ్మామిలీ హీరో వరుణ్ తేజ్ ‘వాల్మీకి’ చిత్రం భారీ అంచనాల నడుపు రేపు ప్రేక్షకుల ముందుకు రానుంది. గబ్బర్ సింగ్ దర్శకుడు హరీష్ శంకర్ దర్శకత్వం వహించిన ఈ చిత్రంపై తొలి నుండి అనేక వివాదాలు నడుస్తున్నాయి. ముఖ్యంగా ఈ టైటిల్‌ను మార్చాలని వాల్మీకి తమ కులానికి చెందిన వ్యక్తి అని ఆ పాత్రను నెగిటివ్ చూపించడంపై బోయ కులస్తులు ఆగ్రహం వ్యక్తం చేస్తున్నారు.

తాజాగా సినిమా విడుదలను నిలిపివేయాలని కోరుతూ అనంతపురానికి చెందని బోయ కులస్థులు జిల్లా కరెక్టర్‌ను కోరారు. దీంతో శాంతి భద్రత దృష్ట్యా ‘వాల్మీకి’ సినిమా విడుదలను ప్రస్తుతానికి నిలిపివేస్తున్నట్లు కలెక్టర్ వీరపాండియన్, ఎస్పీ పకీరప్ప ఆదేశాలు జారీ చేశారు. కాగా ఈ సినిమా షూటింగ్ సమయంలోనూ బోయ కులస్థుల నుండి తీవ్ర వ్యతిరేకత వ్యక్తమైంది. అనంతపురం ముందబండపల్లిలో వాల్మీకి షూటింగ్ సమయంలో బోయకులస్థులు చిత్ర యూనిట్‌పై దాడికి దిగారు. ఆ సందర్భంలో షూటింగ్‌ కూడా నిలిపివేశారు. అయితే వివాదం పూర్తిగా సద్దుమణగకుండానే సినిమా విడుదలకు రెడీ కావడంతో శాంతి భద్రత దృష్ట్యా అనంతపురంలో ‘వాల్మీకి’ నో ఎంట్రీ బోర్డ్ పెట్టారు కలెక్టర్. అంతేకాదు కర్నూలు జిల్లాలోనూ కొన్ని ప్రాంతాల్లో సినిమా ప్రదర్శనను నిలిపివేస్తున్నట్టు అధికారులు ఉత్తర్వులు జారీ చేశారు. మిగిలిన చోట్ల యదావిధిగా ‘వాల్మీకి’ చిత్రం ప్రదర్శితం కానుంది. కాగా హైదరాబాద్‌లో కూడా వాల్మీకి’  టైటిల్ విషయంలో వివాదాలు చెలరేగుతున్నాయి.