Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

వైసీపీవైపు ఎన్టీఆర్ చూపు..? వల్లభనేని ఏమన్నారంటే..!

Vallabhaneni Vamsi commets on Jr NTR, వైసీపీవైపు ఎన్టీఆర్ చూపు..? వల్లభనేని ఏమన్నారంటే..!

వైసీపీ కండువా కప్పుకునేందుకు ముహూర్తం ఫిక్స్ చేసుకున్న వల్లభనేని వంశీ జూనియర్ ఎన్టీఆర్ గురించి ఆసక్తికర వ్యాఖ్యలు చేశారు. 2009 ఎన్నికల ప్రచారానికి తాను, కొడాలి నాని ఇద్దరం కలిసి ఎన్టీఆర్‌ను ఒప్పించి తీసుకొచ్చామని చెప్పిన ఆయన.. ఎన్నికల ఫలితాల తరువాత ఎన్టీఆర్‌పై చంద్రబాబు నాయుడు తప్పుడు ప్రచారాలు చేయించారని సంచలన వ్యాఖ్యలు చేశారు. దీంతో ఆత్మాభిమానం అడ్డొచ్చి ఎన్టీఆర్ ఇప్పుడు పార్టీకి దూరంగా ఉంటున్నారని తెలిపారు. ఇక అధికారం కోసం చంద్రబాబు ఎంతకైనా వెళ్తారని.. 2014 ఎన్నికల్లో ఈయనే పవన్ కల్యాణ్ దగ్గరకు వెళ్లారని గుర్తుచేశారు.

ఈ సందర్భంగా ఎన్టీఆర్‌కు సన్నిహితులుగా ఉండే కొడాలి నాని ఇప్పటికే వైసీపీలో ఉండగా.. మీరు(వల్లభనేనిని ఉద్దేశించి)ఇకపై ఆ పార్టీలోకి వెళ్లబోతున్నారు. అంటే త్వరలో ఎన్టీఆర్‌ను కూడా వైసీలోకి తీసుకెళ్తారా..? అని అడిగిన ప్రశ్నకు వల్లభనేని సమాధానం ఇచ్చారు. ప్రస్తుతం ఎన్టీఆర్ సినిమాలు చేసుకుంటూ సంతోషంగా ఉన్నాడని.. భవిష్యత్‌ను తాను చెప్పలేనంటూ చెప్పుకొచ్చారు. అలాగే ఎప్పటికైనా రాజకీయాల్లోకి రావాలనుకుంటోన్న ఎన్టీఆర్ టీడీపీ వ్యతిరేకంగా ఉండే మిగిలిన పార్టీల వైపు చూస్తున్నాడని వార్తలు వస్తున్నాయి. ఇలాంటి సమయంలో అతడు వైసీపీలోకి వచ్చే అవకాశాలు ఉన్నాయా..? అన్న ప్రశ్నకు స్పందిస్తూ.. అవన్నీ ఎన్టీఆర్ అంటే గిట్టని వారు చేసిన ప్రచారాలని.. తనకు తెలిసి ఎన్టీఆర్ అలాంటి వాడు కాదని పేర్కొన్నారు. ఇక ఎన్టీఆర్ గురించి ఈ వెర్షన్‌ కూడా తాను వినలేదని వల్లభనేని చెప్పుకొచ్చారు.