Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

‘వజ్ర కవచధర గోవింద’ సినిమా రివ్యూ..!

Movie Review, ‘వజ్ర కవచధర గోవింద’ సినిమా రివ్యూ..!

టైటిల్ : వజ్ర కవచధర గోవింద

నటీనటులు : సప్తగిరి, వైభవి జోషి, శ్రీనివాస్ రెడ్డి, అర్చన తదితరులు

సంగీతం : విజయ్ బుల్గానిన్

కథ, స్క్రీన్ ప్లే, దర్శకత్వం : అరుణ్ పవార్

విడుదల తేదీ: 14-06-2019

కమెడియన్ సప్తగిరి హీరోగా, వైభవి జోషి హీరోయిన్‌గా, శ్రీనివాస రెడ్డి ప్రధాన పాత్రలో వచ్చిన సినిమా ‘వజ్ర కవచధర గోవింద’. ఫుల్ కామెడీతో ప్రేక్షకులను నవ్వించడానికి ఈ సినిమాను తీసినట్లు చిత్ర యూనిట్ తెలిపింది. ఈ చిత్రానికి అరుణ్ పవర్ దర్శకత్వం వహించగా, శివ శివం ఫిల్మ్స్ బ్యానర్‌పై నరేంద్ర, జీవిఎన్ రెడ్డిలు నిర్మించారు. ఈ సినిమా ప్రేక్షకులను నవ్వించగలిగిందా..? లేదా తెలుసుకోవాలంటే కథేంటో తెలుసుకోవాల్సిందే..!

కథ :

గోవింద (సప్తగిరి) ఊరి కోసం ప్రాణమైనా ఇవ్వడానికి సిద్ధంగా ఉన్న వ్యక్తి. అనుకోకుండా తన ఊరి జనం వరుసగా క్యాన్సర్‌తో చనిపోతుండటాన్ని జీర్ణించుకోలేకపోతాడు. తన ఊరి జనాన్ని ఎలాగైనా కాపాడుకోవాలనే ప్రయత్నంలో ఓ ఎమ్మెల్యే చేతిలో మోసపోతాడు. ఆ తర్వాత ఏం చేయాలన్న సందర్భంలో ‘నిధి’ రూపంలో మరో అవకాశం వస్తుంది. ఆ నిధిని దక్కించుకునే ప్రయత్నంలో అనేక చిక్కుల్లో పడతాడు సప్తగిరి. అయితే.. అసలు సప్తగిరికి ఆ నిధి దక్కిందా..? తన ఊరి ప్రజల కష్టాలు తీర్చాడా..? ఇలాంటి విషయాలు తెలియాలంటే ఈ చిత్రం చూడాల్సిందే.

ఎవరెలా చేశారంటే :

ఈ సినిమాలో హీరోగా నటించిన సప్తగిరి నటనే ఈ సినిమాకి ప్రత్యేక ఆకర్షణగా నిలిచింది. మంచి టైమింగ్‌తో అటు కామెడీ, ఇటు సీరియస్‌నెస్‌ని రెండూ బాగా మెయిన్‌టైన్ చేశాడు. యాక్షన్‌ సన్నివేశాల్లో కూడా ఓకే అనిపించాడు. హీరోయిన్ జోషి కూడా పాత్రకు తగ్గట్టుగా నటించింది. ఇక చివర్లో ఎంటర్‌ అయిన శ్రీనివాస రెడ్డి, వేణు అలాగే మిగిలిన కమెడియన్స్ అందరూ తమ కామెడీ టైమింగ్‌తో అక్కడక్కడా నవ్వించే ప్రయత్నం చేశారు. విలన్ పాత్రలో నటించిన బంగారయ్య కూడా తన ఆహార్యంతో కథలో సీరియస్ నెస్ క్రియేట్ చేశారు.

ఎలా ఉందంటే :

ఈ సినిమాలో చెప్పుకోవడానికి చాలా క్యారెక్టర్స్ ఉన్నా కానీ ఏదీ ప్రేక్షకుడి మనసుకు హత్తుకునే విధంగా ఉండదు. డైరెక్టర్ తనకు నచ్చింది రాసుకుంటూ వెళ్లిపోయాడు. మొదటి భాగంలో హీరో కథను, అతని సమస్యను పరిచయం చేయడానికే ఎక్కువ సమయం తీసుకున్నాడు. అలాగే సినిమా రెండో భాగం కూడా అంత ఆసక్తిగా అనిపించదు. శ్రీనివాస్ రెడ్డి, అర్చన, వేణు లాంటి మంచి ఆర్టిస్ట్‌లను కూడా డైరెక్టర్ సరైన విధంగా వాడుకోలేదనిపిస్తుంది. అలాగే.. అక్కడక్కడ హీరోగా కనిపించడానికి సప్తగిరికి అనవసరమైన బిల్డప్స్ షాట్స్ ఇవ్వటం కాస్త ఇబ్బందిగానే అనిపించిందనే చెప్పాలి. కాగా.. ఈ సినిమా మొత్తంగా కామెడీని కూడా పెద్దగా ఎక్స్‌పెక్ట్ చేయలేం. కామెడీ పండని, లాజిక్ లేని సినిమాగా వజ్ర కవచధర మిగిలిపోయింది.

Related Tags