Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

‘ఆగ్రా’ సిటీ పేరును మార్చేయబోతున్నారు..!

Yogi Adityanath government planning to change Agra's name to Agravan, ‘ఆగ్రా’ సిటీ పేరును మార్చేయబోతున్నారు..!

దశాబ్దాల క్రితం నుంచి చలామణీలో ఉన్న ఊర్లు, నగరాల పేర్లను మార్చేసి.. వాటికి కొత్త పేర్లు పెట్టడం ఇప్పుడు రివాజుగా మారింది. ఈ పేర్ల మార్పిడి వ్యవహారంలో ఎవరి వాదన వారిది. గతంలో టీడీపీ అధికారంలో ఉన్నప్పుడు రాజమండ్రిని రాజమహేంద్రవరంగా మార్చిన సంగతి తెలిసిందే. ఇదిలా ఉండగా ఉత్తరప్రదేశ్‌ సీఎంగా యోగి ఆదిత్యనాధ్ బాధ్యతలను చేపట్టిన దగ్గర నుంచి అనేక నగరాల పేర్లను మార్చేశారు. అలహాబాద్‌ను ‘ప్రయాగ్‌రాజ్’గా.. గుర్‌గావ్‌ను ‘గురుగ్రామ్‌’గా..  ఫైజాబాద్‌ను ‘అయోధ్య’గా మార్చిన సంగతి విదితమే. ఇక ఇప్పుడు అదే వరుసలోకి ఆగ్రా సిటీ వచ్చింది.

ప్రేమకు చిహ్నంగా నిలిచే ‘తాజ్‌మహల్’కు కేర్ అఫ్ అడ్రెస్ అయిన ‘ఆగ్రా’ను ‘ఆగ్రావన్’గా మార్చాలని యోగీ సర్కార్ యోచిస్తోందని సమాచారం. దీనిపై డాక్టర్ భీమ్ రావ్ అంబేద్కర్ విశ్వవిద్యాలయం అధ్యయనం మొదలుపెట్టిందట. ఇక ఈ విషయాన్ని ప్రొఫెసర్ సుగమ్ ఆనంద్ ఇటీవల ఓ ఇంటర్వ్యూలో వెల్లడించారు. ఆగ్రా నగరానికి పూర్వం మరేదైనా పేరు ఉందా.? దానికి చారిత్రక ఆధారాలు ఏమైనా ఉన్నాయా.? అనే అంశాలపై రీసెర్చ్ చేయాలంటూ ప్రభుత్వం నుంచి తమకు లేఖ వచ్చిందని ఆయన అన్నారు. అంతేకాకుండా దీనిపై పూర్తిగా పరిశోధనలు చేసి.. ప్రభుత్వానికి త్వరలోనే నివేదికను అందజేస్తామని తెలిపారు. ఇక ఇదంతా చూస్తుంటే.. త్వరలోనే ఆగ్రా సిటీ పేరు మారనుందన్నట్లు తెలుస్తోంది.

Related Tags