ప్రియురాలి కోసం ఫ్యామిలినే చంపించాడు…

ప్రియురాలు మాయ మాటలకు మోసపోయి.. అయినవారిని అనంతలోకాలకు పంపించాడు. ఆస్తి పై కన్నేసిన దుర్మార్గాన్ని గ్రహించలేక.. చేసిన పనికి కటకటాలపాలయ్యారు. ఉత్తర్ ప్రదేశ్ లో చోటుచేసుకున్న ఈ ఘటన స్థానికంగా తీవ్ర కలకలం రేపింది..

ప్రయాగరాజ్‌లో వ్యాపారవేత్త తులసీదాస్ (65), ఆయన భార్య కిరణ్ (60), కూతురు నీహారిక (37), కోడలు ప్రియాంక (22)లు దారుణ హత్యకు గురయ్యారు. ప్రయాగరాజ్ ప్రాంతంలోని ధుమన్‌గంజ్ లో కొన్నేళ్లు తులసీదాస్ నివాసముంటున్నారు. తెల్లవారు జామున ఇంటికి చేరుకున్న తులసీదాస్ కుమారుడు ఆతీష్ ఫిర్యాదుతో ఘటనాస్థలానికి చేరుకున్న పోలీసులు దర్యాప్తు చేపట్టారు. ఇంట్లోకి ప్రవేశించిన దుండుగులు ముందుగా తులసీదాస్ ను ఆయన భార్య కిరణ్, కూతురు నిహారిక, కొడలు ప్రియాంకను కత్తులతో అతిదారుణంగా హత్య చేశారు. పోలీసుల విచారణలో ఆసక్తికర నిజాలు బయటపడడంతో తులసీదాస్ కుమారుడు ఆతీష్, అతని ప్రియురాలు రంజన శుక్లాతో పాటు కిరాయి హంతకుడు అనుజ్ శ్రీవాస్త గ్యాంగ్ ను అరెస్టు చేశారు.

ఇక పోలీసుల వెల్లడించిన వివరాల ప్రకారం తులసీదాస్ కొడుకు ఆతిష్ అదే ప్రాంతానికి చెందిన రంజన శుక్లా కొద్దికాలంగా ప్రేమించకుంటున్నారు. ఆతీష్ కోట్ల ఆస్తికి వారసుడు. అతనికి ప్రియాంకతో వివాహం కూడా జరిగింది. పెళ్లైన ఆతీష్ ను తన వశం చేసుకోవాలని భావించింది రంజన. ఆతీష్ భార్య ప్రియాంకతో సహా కుటుంబసభ్యులను హతమారిస్తే అస్తి మొత్తం ఇద్దరి సొంతమవుతుందని భావించింది. ఈ హత్యలు చేయించేలా ఆతిష్‌ను ప్రేరేపించింది. హత్యల తర్వాత… ఆతిష్‌కి దక్కే కోట్ల ఆస్తిని తాను అనుభవించాలనుకుంది. కిరాయి హంతకుడు అనుజ్ శ్రీవాస్తవను ఎంచుకున్నారు. అతనికి రూ.8 లక్షల సుఫారీ ఇచ్చి బేరం కుదుర్చుకున్నారు. తీరా చూస్తే… ప్లాన్ బెడిసికొట్టింది. పోలీసులు అనుజ్ శ్రీవాస్తతో పాటు అతనికి సాయం చేసిన ఉమేంద్ర ద్వివేదీని, ఆతిష్, ప్రేయసి రంజన శుక్లా కూడా అరెస్టు చేశారు పోలీసులు. అనుజ్ నుంచి కొన్ని బంగారు నగలు, రూ.1 లక్ష డబ్బు, ఓ మొబైల్ ఫోన్ స్వాధీనం చేసుకున్న పోలీసులు… సఫారీ గ్యాంగ్ వాడిన కత్తి, కారును కూడా సీజ్ చేశారు.