డొనాల్డ్ ట్రంప్ అభిశంసన కోసం 25 వ సవరణ ప్రతిపాదనకు ఉపాధ్యక్షుడు మైక్ పెన్స్ తిరస్కృతి, యూ టర్న్ తీసుకున్నట్టేనా
అమెరికా అధ్యక్షుడు డొనాల్డ్ ట్రంప్ అభిశంసనకు ఉద్దేశించి రాజ్యాంగంలోని 25 వ సవరణను ప్రతిపాదించే ప్రక్రియను ఉపాధ్యక్షుడు మైక్ పెన్స్ తిరస్కరించారు..
Us Vice President Mike Pence: అమెరికా అధ్యక్షుడు డొనాల్డ్ ట్రంప్ అభిశంసనకు ఉద్దేశించి రాజ్యాంగంలోని 25 వ సవరణను ప్రతిపాదించే ప్రక్రియను ఉపాధ్యక్షుడు మైక్ పెన్స్ తిరస్కరించారు. ట్రంప్ పదవీ కాలం ముగియడానికి ఇక కేవలం 8 రోజులే ఉన్నాయని, మీరు, డెమోక్రాట్ సభ్యులు, కేబినెట్ తో బాటు నన్ను కూడా ఈ సవరణను ప్రయోగించాలని కోరుతున్నారని ఆయన హౌస్ స్పీకర్ నాన్సీ పెలోసీకి రాసిన లేఖలో పేర్కొన్నారు. ఈ దేశం, లేదా రాజ్యాంగ ప్రయోజనాల దృష్ట్యా ఈ విధమైన చర్య మంచిది కాదని తాను భావిస్తున్నానన్నారు.ట్రంప్ అభిశంసనకు ఉద్దేశించిన తీర్మానంపై ప్రతినిధుల సభ ఓటింగ్ చేపట్టడానికి కొన్ని గంటల ముందు ఆయన ఈ లేఖ రాశారు. మన దేశ పరిస్థితి తీవ్రంగా ఉన్న సమయంలో ఈ సభ రాజకీయ క్రీడలాడానికి చేసే ప్రయత్నాలకు తను లొంగబోనని పెన్స్ అన్నారు. కాగా- ఈయన యూ టర్న్.. ట్రంప్ అభిశంశన ప్రక్రియకు అవరోధంగా మారవచ్చునని పెలోసీ అభిప్రాయపడ్డారు.
అటు ట్రంప్ మాత్రం 25 వ రాజ్యాంగ సవరణ వల్ల తనకు ఎలాంటి ముప్పు లేదని ట్రంప్ ధీమాగా ఉన్నారు.