అమెరికా ప్రతినిధుల సభలో అంతా గందరగోళం, రక్షణ కోసం ఎంపీల పరుగులు, గ్యాస్ వదిలారారంటూ రూమర్లు
అమెరికా ప్రతినిధుల సభలో పెద్దఎత్తున గందరగోళం, ఉద్రిక్త పరిస్థితులు నెలకొన్నాయి. అధ్యక్షుడు డొనాల్డ్ ట్రంప్ మద్దతుదారులు వేలాదిమంది బ్యారికేడ్లను తోసుకుంటూ...
అమెరికా ప్రతినిధుల సభలో పెద్దఎత్తున గందరగోళం, ఉద్రిక్త పరిస్థితులు నెలకొన్నాయి. అధ్యక్షుడు డొనాల్డ్ ట్రంప్ మద్దతుదారులు వేలాదిమంది బ్యారికేడ్లను తోసుకుంటూ కేపిటల్ గ్రౌండ్స్ తూర్పు భాగం వైపు దూసుకువచ్చారు. కొందరి చేతుల్లో అమెరికా జాతీయ పతాకాలు, మరికొందరి చేతుల్లో ట్రంప్ చిత్రంతో కూడిన బ్యానర్లు కనిపించాయి. పరిస్థితి ఎప్పటికప్పుడు మారుతూ వచ్చింది. వేలమంది చొచ్ఛుకుని వస్తున్నారని, తాము భవనం సెక్యూరిటీని కాపాడుతున్నామని హౌస్ మార్షల్స్ అధికారి పాల్ ఇర్వింగ్ ఫోన్ లో ప్రకటించారు. కొన్ని నిముషాలకే ఈ హెచ్ఛరికను ఖాతరు చేయకుండా ఉపాధ్యక్షుడు మైక్ పెన్స్, తన సహచర సభ్యులతో కలిసి సెనేట్ ఛాంబర్ నుంచి బయటకి వచ్ఛేశారు. హౌస్ ని, సెనేట్ ని కలిపే వలయకార రోటుండా పైకి ఆందోళనకారులు, ట్రంప్ మద్దతుకారులు ఎక్కి నినాదాలు చేయడం, వీరితో పెద్ద సంఖ్యలో మరింతమంది వచ్చి చేరడంతో కనీవినీ ఎరుగని పరిస్థితి నెలకొంది. మీ సీట్లలోనే కూర్చుని ఉండాలని, అయితే ఖాళీ చేసేందుకు రెడీగా ఉండాలని కూడా కొందరు అధికారులు కేకలు పెట్టారు. అన్ని డోర్లను మూసివేశారు.
కేపిటల్ రోటుండా లోకి ఏదో గ్యాస్ వదిలారని, అందువల్ల సభ్యులంతా తమ సీట్ల కింద గల గ్యాస్ మాస్కులు ధరించాలని వార్నింగులు వచ్చాయి. అధ్యక్షుడు సాధారణంగా సభలోకి ప్రవేశించే ద్వారం నుంచి ఎవరూ దూసుకురాకుండా చూసేందుకు సెక్యూరిటీ సిబ్బంది అక్కడ చెక్కబల్లలను ఉంచడం విశేషం. సెకండ్ ఫ్లోర్ గ్యాలరీలోని రిపోర్టర్లకు ఏం చేయాలో దిక్కు తోచని పరిస్థితి నెలకొంది. వారు కూడా పరుగులు తీయకతప్పలేదు. ఆఫీస్ బిల్డింగ్ లోకి దారి తీసే టనెల్ లోకి కొంతమంది ఎంపీలు ప్రవేశించారు. సెక్యూరిటీ సిబ్బందిలో కొంతమంది తమ ఆటోమాటిక్ గన్ లను ఎంపీల పైకి ఎక్కుపెట్టారు. Also read :మాస్టర్ మూవీ రిలీజ్ డేట్ ఫిక్స్.! జనవరి 1న అఫీషియల్ ప్రకటన.. రికార్డులు తిరగ రాయడం ఖాయమంటున్న ఫ్యాన్స్.. Read more :Donald Trump Supporters: ఎన్నికల్లో డొనాల్డ్ ట్రంపే విజేత, వాషింగ్టన్ లో వేలాది మద్దతుదారుల భారీ ప్రదర్శన, పోలీసులతో ఘర్షణ