Breaking News
  • భారత్‌లో కరోనా వైరస్ స్వైరవిహారం చేస్తోంది. రోజురోజుకూ రికార్డు స్థాయిలో కరోనా కేసులు నమోదవుతుండటం ప్రజలను ఆందోళన కలిగిస్తోంది. గడిచిన 24 గంటల్లో దేశంలో అత్యధికంగా 27,114 కరోనా కేసులు నమోదైనట్లు కేంద్ర ఆరోగ్య మంత్రిత్వ శాఖ తాజాగా హెల్త్ బులిటెన్ విడుదల చేసింది.
  • యాదాద్రి-భువనగిరి జిల్లా: భువనగిరి రైల్వే స్టేషన్ సమీపంలో పంచాయతీ సెక్రెటరీ కళ్యాణ్.. ట్రైన్ కింద పడి ఆత్మహత్య. గత కొద్దిరోజుల క్రితం.. ఇతని కూతుర్ని.. ఘట్కేసర్ లో ఒకతను గొంతుకోసి చంపటం జరిగింది.
  • హైదరాబాద్ ప్రసాద్ ఐమాక్స్ నిర్వాకం. అధిక రెట్ ల తో సినిమా టికెట్ల విక్రయం. సినిమా టికెట్ ల పై 10 శాతం అధికంగా . జీ ఎస్టీ ఛార్జ్ వసూలు. 18 శాతం కు బదులు 28 శాతం టాక్స్ విధించి టికెట్ విక్రయం పై 30 లక్షలు ఆదాయం. జి ఎస్టీ అధికారులకు గతం లో పలు ఫిర్యాదులు.
  • సౌందర్యంతోపాటు సౌకర్యానికీ ప్రాధాన్యమివ్వాలి. పర్యావరణహిత, సుస్థిర నిర్మాణాలపై మరింతగా దృష్టిపెట్టాలి. భవిష్యత్ ప్రాజెక్టుల నిర్మాణాల్లో పునరుత్పాదక శక్తి వినియోగాన్ని ప్రోత్సహించాలి. నాగరికత సాధించిన విజయాల్లో నిర్మాణ కౌశల్యం (అర్కిటెక్చర్) కూడా ఒకటి. స్మార్ట్ సిటీ ప్రాజెక్టులో స్థానిక కళాకారులకు అవకాశం కల్పించాలి. ఐఐఏ జాతీయ సదస్సులో ఉపరాష్ట్రపతి వెంకయ్యనాయుడు.
  • కోవిడ్-19పై ప్రధాని సమీక్షా సమావేశం. భేటీలో ఆరోగ్యశాఖ మంత్రితో పాటు హోంమంత్రి. కోవిడ్-19 తాజా స్థితిగతులు, తీసుకుంటున్న చర్యలపై చర్చ.
  • టీవీ9 మేయర్ బొంతు రామ్మోహన్: సచివాలయ కూల్చివేతలు సందర్భంగా పర్యావరణానికి సంబంధించిన అన్ని జాగ్రత్తలు తీసుకుంటున్నాం. కూల్చివేత లకు జిహెచ్ఎంసి నుంచి అన్ని అనుమతులు ఉన్నాయి. భారీ స్థాయిలో వచ్చే శిధిలాలను రీసైక్లింగ్ చేసే ప్రక్రియను మొదలుపెట్టపోతున్నాం... కొన్ని వందల లారీల్లో శిథిలాలను జీడిమెట్ల లోని వేస్ట్ మేనేజ్మెంట్ ప్లాంట్ కి తరలిస్తారు. రాత్రి సమయంలో మాత్రమే శిథిలాల తరలింపును చేపడతాం. ట్రాఫిక్ ఇబ్బందులు కలగకుండా, రోడ్లు పాడవకుండా అన్ని జాగ్రత్తలు ఇలా తరలింపులో తీసుకుంటాం.. సచివాలయ శిథిలాల నుంచి కంకర, ఐరన్, డస్ట్ వేరుచేస్తారు.
  • నల్లకుం లోని పీహెచ్సీ సెంటర్, లాలాగూడ లోని రైల్వే హాస్పిటల్ కరోనా టెస్టింగ్ సెంటర్లను పరిశీలించిన కేంద్రమంత్రి కిషన్ రెడ్డి. కరోనా టెస్ట్ లు జరుగుతోన్న తీరు, వైద్య సిబ్బంది జాగ్రత్తలపై వివరాలను ఆరా తీసిన కేంద్రమంత్రి. కిషన్ రెడ్డి కేంద్ర హోంశాఖ సహాయ మంత్రి.

ఉన్నావ్ రేప్ కేసు.. కుల్ దీప్ సెంగార్ కు యావజ్జీవ శిక్ష ?

Delhi court convicts ex-BJP, ఉన్నావ్ రేప్ కేసు.. కుల్ దీప్ సెంగార్ కు యావజ్జీవ శిక్ష ?

యూపీలోని ఉన్నావ్ రేప్ కేసులో బీజేపీ మాజీ ఎమ్మెల్యే కుల్ దీప్ సెంగార్ ని ఢిల్లీలోని తిస్ హజారీ కోర్టు దోషిగా ప్రకటించింది. 2017 లో నాడు మైనర్ గా ఉన్న బాలికను ఇతగాడు కిడ్నాప్ చేసి ఆమెపై అత్యాచారం చేశాడన్నది ప్రధాన ఆరోపణ. భారత శిక్షా స్మృతి (ఐపీసీ) లోని 120 బీ, 363, 366, 376 సెక్షన్ల కింద, మైనర్ బాలికలపై లైంగిక నేరాల అదుపునకు సంబంధించిన ‘ పోక్సో ‘ చట్టంలోని సంబంధిత సెక్షన్ల కింద ఇతడ్ని దోషిగా జడ్జి ధర్మేష్ శర్మ ప్రకటించారు.

యూపీలోని బంగేర్మవు నియోజకవర్గం నుంచి నాలుగు సార్లు బీజేపీ ఎమ్మెల్యేగా గెలిచిన సెంగార్ ని కమలం పార్టీ గత ఆగస్టులో బహిష్కరించింది. అయితే ఈ కేసులో ఇతని సహ నిందితుడు శశిసింగ్ ని కోర్టు అన్ని అభియోగాలనుంచి నిర్దోషిగా విడిచిపుచ్చింది. ఈ కేసు దర్యాప్తులో సీబీఐ చాలా జాప్యం చేసిందని కోర్టు విమర్శించింది. ఇన్వెస్టిగేషన్ లో ఈ సంస్థ.. ప్రాసిక్యూషన్ కు సంబంధించి మాన్యువల్ పాటించలేదని తప్పు పట్టింది. ఈ నేరం తాలూకు సమాచారాన్ని చాలా ఆలస్యంగా పోలీసులకు తెలిపారన్న డిఫెన్స్ వాదనను తోసిపుచ్చింది. పైగా బాధితురాలి బంధువు కావాలనే ఆలస్యంగా ఫిర్యాదు చేశారన్న వాదనను సైతం న్యాయమూర్తి తిరస్కరించారు. తనకు, తన కుటుంబానికి సెంగార్ నుంచి హాని ఉందని భయపడిన బాధితురాలు ఒక్క మాట కూడా మాట్లాడలేదని కోర్టు అభిప్రాయపడింది. సుప్రీంకోర్టు ఆదేశాల మేరకు లక్నోలోని ఓ సెషన్స్ కోర్టు నుంచి ఢిల్లీ తిస్ హజారీ కోర్టుకు బదిలీ అయిన ఈ కేసును న్యాయమూర్తి రోజువారీ ప్రాతిపదికపై విచారించారు. ‘ఈ కేసులో దోషికి ఎంతకాలం, ఏమేరకు శిక్ష విధించాలన్న అంశంపై మంగళవారం లేదా బుధవారం కోర్టు వాదనలను ఆలకించవచ్ఛు.

గరిష్టంగా సెంగార్ కు యావజ్జీవ శిక్ష విధించవచ్చునని భావిస్తున్నారు.

2017 లో నాడు 16 ఏళ్ళ మైనర్ అయిన బాధితురాలిని సెంగార్ కిడ్నాప్ చేసి, రేప్ చేశాడని, ఇది నిరూపితమైందని కోర్టు పేర్కొంది. ఈ కేసు విచారణ కోర్టులో రహస్యంగా జరగడం విశేషం. బార్ అండ్ బెంచ్ కథనం ప్రకారం.. సెంగార్ ను దోషిగా ప్రకటించిన న్యాయస్థానం.. నేరం జరిగిన స్థలం వద్ద తాను లేనన్న అతని వాదనను తోసిపుచ్చింది.
తీర్పును చదివిన జడ్జి ధర్మేష్ శర్మ.. బాధితురాలి స్టేట్ మెంట్ నిజమేనని, ఆమెపై అత్యాచారం జరిగిందని నమ్ముతున్నానని అన్నారు. తనకు, తన కుటుంబానికి హాని జరుగుతుందని బాధితురాలు భయపడిందని ఆయన పేర్కొన్నారు. ఈమె ఓ గ్రామీణ బాలిక.. కాస్మోపాలిటన్ ప్రాంతానికి చెందినది కాదు.. పైగా పెద్ద చదువుకున్నది కూడా కాదు.. అయితే.. సెంగార్ పలుకుబడి గల వ్యక్తి.. పవర్ ఫుల్ పర్సన్.. అందుకే ఆమె భయపడి అతనిపై ఫిర్యాదు చేయడానికి ఎంతోకాలం తీసుకుంది. అని ఆయన వ్యాఖ్యానించారు. బాధితురాలు యూపీ సీఎం యోగి ఆదిత్య నాథ్ కు లేఖ రాశాక.. ఆమె కుటుంబంపై ఎన్నో క్రిమినల్ కేసులు దాఖలయ్యాయని, వాటిలో దోషి వేలిముద్రలు కనిపించాయని కోర్టు తెలిపింది.
జులై 28 న బాధితురాలు కారులో ప్రయాణిస్తుండగా ఆ వాహనాన్ని ఓ ట్రక్కు ఢీ కొట్టింది. ఆ ప్రమాదంలో బాధితురాలు, ఆమె లాయర్ తీవ్రంగా గాయపడ్డారు. అయితే ఆమె కుటుంబంలోని ఇద్దరు మహిళలు మృతి చెందారు. సెంగారే ఈ ప్రమాదం చేయించాడని అనుమానిస్తున్నామని బాధితురాలి కుటుంబం ఆరోపించింది.
బాధితురాలి తండ్రిని అక్రమ ఆయుధాల కేసులో ఇరికించి గత ఏడాది ఏప్రిల్ మూడో తేదీన పోలీసులు అరెస్టు చేశారు. అయితే జ్యూడిషియల్ కస్టడీలో ఉండగా ఏప్రిల్ 9 న ఆయన మరణించాడు. ఇలా దేశ వ్యాప్త సంచలనం సృష్టించిన ఈ కేసులో దోషి సెంగార్ కు కోర్టు యావజ్జీవ ఖైదు విధించవచ్చునని అంటున్నారు.

 

Related Tags