Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • హైదరాబాద్‌లో లాలాపేట పరిధిలో సాధారణ ఇంటికి రూ.25 లక్షల కరెంట్ బిల్లు. మార్చి 6 నుంచి జులై 6 వరకు బిల్లు తీశారు. ఈ నాలుగు నెలల్లో 34,5007 యూనిట్లు విద్యుత్ వాడినట్లు చూపించి.. ఏకంగా రూ. 25,11,467 బిల్లు వేశారు.
  • అమరావతి: మాజీ మంత్రి అచ్చెన్నాయుడుకు బెయిల్ ఇవ్వాలంటూ హైకోర్టు లో పిటిషన్. పిటిషన్ దాఖలు చేసిన అచ్చెన్నాయుడు తరపు న్యాయవాదులు. ఈఎస్ఐ స్కామ్ లో అరెస్టు అయిన అచ్చెన్నాయుడు . ప్రస్తుతం విజయవాడలో జైల్లో ఉన్న అచ్చెన్నాయుడు. వెంటనే బెయిల్ ఇవ్వాలని పిటిషన్ లో కోరిన న్యాయవాది. ఇప్పటికే ఏసీబీ కస్టడీ కూడా ముగిసిందని పిటిషన్ లో పేర్కొన్న న్యాయవాది. ఏసీబీ కోర్టు బెయిల్ పిటీషన్ ను సస్పెండ్ చేయడంతో హైకోర్టు ను ఆశ్రయుంచిన అచ్చెన్నాయుడు తరపు న్యాయవాదులు.
  • హైదరాబాద్ కమిషనరేట్ సైదాబాద్ పోలీస్ స్టేషన్ పరిధిలో 2017 సంవత్సరంలో జరిగిన మైనర్ రేప్ కేసులో నిందితుడికి 10 సంవత్సరాల జైల్ శిక్ష విధించిన కోర్టు.
  • కృష్ణజిల్లా: మచిలీపట్నం సబ్ జైలు నుంచి కొల్లు రవీంద్రను రాజమండ్రి తరలింపు. రాజమండ్రి సెంట్రల్ జైలుకు తరలించేందుకు న్యాయమూర్తి అనుమతి. గత రెండురోజులుగా మచిలీపట్నం సబ్ జైల్లో ఉన్న కొల్లు రవీంద్ర. వైసీపీ నేత మోకా భాస్కరరావు హత్య కేసులో అరెస్ట్ అయిన మాజీమంత్రి కొల్లు. అరెస్ట్ ను ఖండిస్తూ టీడీపీ నేతలు నిరసన. సబ్ జైలుకు చేరుకుని నల్ల బ్యార్జ్ లతో నిరసన. భారీ బందోబస్తు తో కొల్లు రవీంద్ర ను తరలించిన పోలీసులు.
  • కృష్ణాజిల్లా: మచిలీపట్నంలో కేటుగాడు అరెస్ట్. నకిలీ ఈపాస్ లు సృష్టించిన కేసులో అరెస్ట్. నిందితుడు ప్రకాశం జిల్లాకు చెందిన పవన్ కుమార్ గా గుర్తింపు. 73 మందికి ఫోర్జరీ చేసిన ఈపాస్ లు ఇచ్చినట్టు నిర్దారణ. హైదరాబాద్ లోని ఓ కన్సల్టెన్సీ కంపెనీలో పని చేస్తున్న పవన్.
  • దేశ రాజధాని ఢిల్లీలో లక్ష దాటిన కరోనా కేసులు. 1,00,823కి చేరుకున్న మొత్తం ఢిల్లీ కేసుల సంఖ్య. గత 24 గంటల్లో 1,379 కొత్త కేసులు నమోదు. ఇందులో 72,088 మంది కోలుకుని డిశ్చార్జవగా, 25,620 యాక్టివ్ కేసులు. ఢిల్లీలో మొత్తం కోవిడ్-19 మరణాల సంఖ్య 3,115.

ఆంక్షలు అక్కడ లేవు.. మీ మనసుల్లోనే ఉన్నాయి : హోం మంత్రి అమిత్ షా

Union Home Minister Amit Shah Targets Opposition Over Jammu and Kashmir on restrictions, ఆంక్షలు అక్కడ లేవు.. మీ మనసుల్లోనే ఉన్నాయి : హోం మంత్రి అమిత్ షా

కశ్మీర్‌లో ఎటువంటి ఆంక్షలు లేవన్నారు కేంద్ర హోం మంత్రి అమిత్‌షా. ప్రతిపక్షాలు పనిగట్టుకుని ఇలాంటి వదంతుల్ని ప్రచారం చేస్తున్నాయని విమర్శించారు. ఢిల్లీలో జరిగిన జాతీయ భద్రతపై జరిగిన సదస్సులో ఆయన మాట్లాడారు. జమ్ము కశ్మీర్‌కు స్వయంప్రతిపత్తిని కల్పించే ఆర్టికల్ 370 రద్దును ప్రపంచ దేశాలు అభినందించాయని, ఇది భారత్ అంతర్గత సమస్యగా అభివర్ణించాయని  ఆయన పేర్కొన్నారు. ప్రతిపక్షాలు కావాలనే ఇలాంటి తప్పుడు ప్రచారానికి తెరతీశాయని మండిపడ్డారు. కశ్మీర్‌లోని 196 పోలీస్ స్టేషన్ల పరిధిలో ఇప్పటివరకు ఉన్న నిషేధా ఉత్తర్వులను ఎత్తివేశామని, కేవలం 9 పోలీస్ స్టేషన్ల పరిధిలో మాత్రం ఈ ఉత్తర్వులు కొనసాగుతున్నాయన్నారు.

” ఆంక్షలు కేవలం మీ మనసులో మాత్రమే ఉన్నాయి. కానీ జమ్ము కశ్మీర్‌లో ఆంక్షలు కొనసాగుతున్నాయనే సమాచారం మాత్రం వ్యాపిస్తోంది. కశ్మీర్‌లో ప్రజలు స్వేచ్ఛగా ఉన్నారు. ఎక్కడికైన వెళ్లగలుగుతున్నారు. జర్నలిస్టులు కూడా క్రమం తప్పకుండా కశ్మీర్‌ను చూసి వస్తున్నారు’ అంటూ అమిత్ ప్రసంగించారు.

ప్రధాని మోదీ అమెరికా పర్యటన విజయవంతం కావడంతో హోం మంత్రి మాట్లాడుతూ ప్రధాని ఐక్యరాజ్యసమితిలో ప్రసంగించినప్పుడు ఆర్టికల్ 370 రద్దుపై ప్రపంచ నేతలంతా మద్దతు పలికారని, ప్రపంచ నాయకులంతా ఏడు రోజుల పాటు న్యూయార్క్‌లో సమావేశమైనప్పటికీ.. అందులో ఏ ఒక్క నాయకుడు జమ్ము కశ్మీర్ విషయంలో భారత్‌ను ప్రశ్నించలేకపోయారని, ఇది మన ప్రధాన మంత్రికి దౌత్యపరమైన విజయంటూ అమిత్‌షా పేర్కొన్నారు.

ఇదిలా ఉంటే ఆగస్టు నెలలో జరిగిన ఆర్టికల్ 370 రద్దు ప్రకటించిన సందర్భంలో ప్రభుత్వం ముందస్తుగా జమ్ము కశ్మీర్‌ అంతటా భారీగా భద్రతా దళాలను మోహరింపజేసింది. అటు తర్వాత సమాచార వ్యాప్తిని అరికట్టే విధంగా ఇంటర్నెట్, ఫోన్ సిగ్నల్స్‌ను కూడా నిలపివేశారు. అదే సమయంలో పలువురు రాష్ట్రా రాజకీయ నేతలను కూడా అరెస్టు చేసి గృహ నిర్బంధం చేసిన విషయం తెలిసిందే.

Related Tags