Breaking News
  • రాష్ట్రాలు, జిల్లాల సరిహద్దులు తప్పనిసరిగా మూసివేయాలన్న కేంద్రం. సరుకు రవాణా మినహా ఎలాంటి రవాణాకు అనుమతి నిరాకరణ. కలెక్టర్లు, ఎస్పీలే బాధ్యత వహించాలన్న కేంద్రం. వలస కూలీలకు 14 రోజుల క్వారంటైన్‌. అద్దె డిమాండ్‌ చేసే ఇంటి యజమానులపై కఠిన చర్యలు. లాక్‌డౌన్‌ను మరింత కఠినం చేయాలని కేంద్రం ఆదేశాలు.
  • ప్రపంచాన్ని వణికిస్తున్న కరోనా వైరస్‌. ప్రపంచవ్యాప్తంగా 7 లక్షలు దాటిన కరోనా పాజిటివ్‌ కేసులు. 7,21,412కు చేరిన కరోనా పాజిటివ్‌ కేసుల సంఖ్య. ఇప్పటివరకు కోలుకున్న 1,51,004 మంది. ప్రపంచ వ్యాప్తంగా 33,956 మంది మృతి. స్పెయిన్‌లో నిన్న ఒక్కరోజే 838 మంది మృతి. నిన్న ఇటలీలో 756 మంది, ఫ్రాన్స్‌లో 292 మంది మృతి. నిన్న అమెరికాలో 237 మంది, బ్రిటన్‌లో 209 మంది మృతి. నిన్న ఒక్కరోజే అమెరికాలో కొత్తగా 17,600 కేసులు నమోదు. అమెరికాలో 1,41,812 కరోనా పాజిటివ్‌ కేసులు నమోదు. ఇటలీలో లక్షకు చేరువలో కరోనా బాధితుల సంఖ్య. చైనా-3,300, ఇరాన్‌-2,640, ఫ్రాన్స్‌-2,606 మంది మృతి. అమెరికా-2,475, ఇంగ్లాండ్‌-1,228 మంది మృతి.
  • కరోనాపై పోరుకు ఏపీ ఐఏఎస్‌ అధికారుల ఆర్థిక చేయూత. మూడు రోజుల జీతాన్ని సీఎం రిలీఫ్‌ ఫండ్‌కు ఇవ్వాలని.. ఐఏఎస్‌ అధికారుల సంఘం నిర్ణయం.
  • ఛత్తీస్‌గఢ్‌: కాంగ్రెస్‌ ఎమ్మెల్యే శైలేష్‌ పాండేపై కేసు నమోదు. బిలాస్‌పూర్‌లో 144 సెక్షన్‌ ఉల్లంఘించారని ఎమ్మెల్యేపై కేసు నమోదు.
  • ఢిల్లీ ప్రభుత్వంలోని ఇద్దరు సీనియర్‌ అధికారుల సస్పెన్షన్‌. మరో ఇద్దరు అధికారులకు షోకాజ్‌ నోటీసులు జారీ చేసిన కేంద్రహోంశాఖ. కరోనా నివారణపై నిర్లక్ష్యం వహించినందుకు కేంద్రం చర్యలు.

Breaking: పౌరసత్వం నిరూపించుకోండి.. హైదరాబాద్‌లో 127మందికి నోటీసులు..!

UIDAI notices to 127 members, Breaking: పౌరసత్వం నిరూపించుకోండి.. హైదరాబాద్‌లో 127మందికి నోటీసులు..!

పౌరసత్వ సవరణ చట్టంపై దేశవ్యాప్తంగా ఆందోళనలు కొనసాగుతోన్న సమయంలో హైదరాబాద్‌లో ఆధార్ కలకలం రేపుతోంది. పౌరసత్వాన్ని నిరూపించుకోవాలని నగరంలో 127మందికి నోటీసులు అందాయి. అన్ని ఒరిజనల్ పత్రాలతో ఈ నెల 20లోగా విచారణకు హాజరు కావాలని ఆ ఆదేశాల్లో పేర్కొన్నారు. సరైన పత్రాలు సమర్పించకపోతే ఆధార్ రద్దు చేస్తామని సంబంధిత అధికారులు హెచ్చరించారు. నకిలీ పత్రాలతో ఆటో డ్రైవర్ సత్తార్ అనే వ్యక్తి ఆధార్ తీసుకున్నాడని ఇటీవల ఫిర్యాదు అందింది. ఈ నేపథ్యంలో ఫిబ్రవరి 3న సత్తార్‌కు నోటీసులు జారీ అయ్యాయి. అతడితో పాటు 127మందికి అధికారులు నోటీసులు జారీ చేశారు. వీరు విచారణకు రాకుంటే సుమోటోగా తాము నిర్ణయం తీసుకుంటామని ఆధార్ అధికారులు హెచ్చరించారు. అలాగే, రూల్ 29 ప్రకారం ఆధార్ కార్డును కూడా రద్దు చేస్తామని వెల్లడించారు.

అయితే ఆధార్‌ వెరిఫికేషన్‌లో భాగంగా ఇలా నోటీసులు ఇవ్వడం సాధారణమేనని అధికారులు చెప్తున్నారు. ఇందులో ఎలాంటి ఉద్దేశ్యం లేదని.. పౌరసత్వ సవరణ చట్టానికి, దీనికి ఎలాంటి సంబంధం లేదని పేర్కొన్నారు. UIDAIకు పౌరసత్వాన్ని ప్రశ్నించే హక్కు లేదంటూ విమర్శలు వస్తోన్న నేపథ్యంలో వివరణ ఇచ్చిన అధికారులు.. తప్పుడు పత్రాలతో కొందరు ఆధార్‌ కార్డులు పొందారంటూ తెలంగాణ పోలీసులు ఇచ్చిన సమాచారం మేరకే వీరికి నోటీసులు ఇచ్చామని అన్నారు. ఆధార్‌ చట్టం ప్రకారం అక్రమ వలసదారులకు ఈ కార్డు పొందే హక్కు లేదని తెలిపారు.

 

Related Tags