Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

వివాహ బంధంతో ఒక్కటైన కాంగ్రెస్ ఎమ్మెల్యేలు..

Aditi singh and angad saini marriage, వివాహ బంధంతో ఒక్కటైన కాంగ్రెస్ ఎమ్మెల్యేలు..

ఇద్దరు కాంగ్రెస్ ఎమ్మెల్యేలు వివాహ బంధంతో ఒక్కటయ్యారు. కాకపోతే వారిద్దరూ వేరు, వేరు రాష్ట్రాల నుంచి శాసనసభ్యులుగా ప్రాతినిథ్యం వహిస్తున్నారు. వీరి పెళ్లి న్యూస్ ఇప్పుడు హాట్ టాపిక్‌గా మారింది. యూపీలోని రాయ్‌బరేలికి చెందిన కాంగ్రెస్ ఎమ్మెల్యే అతిధి సింగ్, పంజాబ్‌లోని షహీద్ భగత్‌సింగ్‌నగర్ ఎమ్మెల్యే అంగద్ సింగ్‌ల వివాహం గత రాత్రి ఢిల్లీలో గ్రాండ్‌గా జరిగింది. వీరి వివాహ రిసెప్షన్‌  ఈ నెల 25న  నిర్వహించనున్నారు కుటుంబ సభ్యులు.

ఈ ఇద్దరు ఎమ్మెల్యేలు కూడా తొలిసారి శాసనసభకు ఎన్నికయిన విషయం తెలిసిందే. అంతేకాదు ఒకే ఏడాది ఎమ్మెల్యేలుగా ఎన్నికవ్వడం విశేషం. అంగద్ కంటే.. అతిధి నాలుగేళ్లు పెద్ద.  అయినప్పటికీ ఇద్దరూ వివాహం చేసుకోవడం ఇప్పుడు చర్చనీయాంశంగా మారింది. అంగద్ తండ్రి,  దివంగత ప్రకాష్ సింగ్ సైనీ…. అదితి తండ్రి, దివంగత అఖిలేష్ సింగ్ కూడా పలుసార్లు చట్టసభలకు ప్రాతినిథ్యం వహించారు.