Breaking News
  • కేజీ నుంచి పీజీ వరకు తెలుగు మాధ్యమబోధన జనసేన విధానం. 8వ తరగతి వరకు మాతృభాష బోధన కేంద్రం విధానం. వైసీపీ సర్కార్‌ కేంద్ర విధానానికి వ్యతిరేకంగా వెళ్తోంది ఆంగ్ల మాధ్యమం విషయంలో ప్రభుత్వం పునరాలోచన చేయాలి -పవన్‌ కల్యాణ్‌
  • లక్ష్మీపార్వతికి కేబినెట్‌ హోదా కల్పిస్తూ ఏపీ ప్రభుత్వ ఉత్తర్వులు. ఏపీ తెలుగు అకాడమీ చైర్‌పర్సన్‌గా లక్ష్మీపార్వతి నియామకం. రెండేళ్ల పాటు పదవిలో కొనసాగనున్న లక్ష్మీపార్వతి
  • కర్నూలు: పాణ్యం విజయానికేతన్‌ స్కూల్‌లో దారుణం. సాంబార్‌ పాత్రలోపడి ఎల్‌కేజీ విద్యార్థికి తీవ్రగాయాలు. ఆస్పత్రిలో చికిత్స పొందుతూ చిన్నారి పురుషోత్తంరెడ్డి మృతి
  • కేబినెట్‌ అనంతరం మంత్రులతో సీఎం జగన్‌ భేటీ. ఔట్‌ సోర్సింగ్ కార్పొరేషన్‌పై చర్చ. ఔట్‌సోర్సింగ్‌ ఉద్యోగులను తొలగించొద్దన్న మంత్రులు ఔట్‌సోర్సింగ్‌ ఉద్యోగులకు భద్రత కల్పిస్తూనే 50 శాతం రిజర్వేషన్లు అమలుచేసేలా చర్యలు తీసుకోవాలన్న సీఎం. ప్రభుత్వంపై అవినీతి ముద్ర పడడానికి వీల్లేదన్న సీఎం రాష్ట్రంలో రాజకీయ అవినీతి తగ్గినా అధికారుల స్థాయిలో అవినీతి తగ్గలేదన్న పలువురు మంత్రులు
  • అయోధ్య ట్రస్ట్‌ ఏర్పాటుకు కేంద్రం కసరత్తు. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం. ఈ నెల 18 నుంచి ప్రారంభంకానున్న పార్లమెంట్‌ శీతాకాల సమావేశాలు శీతాకాల సమావేశాల్లో బిల్లు ప్రవేశపెట్టనున్న కేంద్ర ప్రభుత్వం
  • తూ.గో: గోదావరిలో ఇసుక పడవ మునక. ఇసుక తరలిస్తుండగా మునిగిన పడవ. కపిలేశ్వరపురం మండలం కోరుమిల్లి దగ్గర ఘటన. సురక్షితంగా బయటపడ్డ ఇసుక కార్మికులు
  • ఛత్తీస్‌గఢ్‌లో ఎన్‌కౌంటర్‌. మావోయిస్టులు, పోలీసుల మధ్య ఎదురుకాల్పులు. పోలీసుల కాల్పుల్లో మావోయిస్టు మృతి. ఓ ఆయుధం, పేలుడు పదార్ధాలు స్వాధీనం సుకుమా జిల్లా గచ్చనపల్లి అటవీ ప్రాంతంలో ఘటన

“దృశ్యం” లెవల్లో.. కీర్తి క్రైం కహానీ.. ట్విస్టులు తెలిస్తే మైండ్ బ్లాక్..!!

సంచలనం సృష్టించిన రజిత మర్డర్ కేసుకు రాచకొండ పోలీసులు ఎండ్ కార్డు వేశారు. ఈ హత్య కేసులో నిందితులు కటకటాలపాలయ్యారు. నిందితులను అరెస్ట్‌ చేసిన పోలీసులు హత్యకు సంబంధించిన పూర్తి వివరాలను వెల్లడించారు. తొలుత మిస్సింగ్ కేసుగా నమోదైన రజిత కేసు.. ఆ తర్వాత మర్డర్ కేసుగా మారిందని రాచకొండ కమిషనర్ మహేష్ భగవత్ అన్నారు. ఈ ఘటన అచ్చం దృశ్యం సినిమాను తలపించిందన్న సీపీ.. నిందితులు పోలీసులకు దొరక్కుండా అనేక జాగ్రత్తలు తీసుకున్నారన్నారు. 23 ఏళ్ల బాల్‌రెడ్డి కీర్తిని ఫ్రెండ్‌షిప్‌ పేరుతో అత్యాచారం చేసి గర్భవతిని చేశాడని.. శశికుమార్‌తో కలిసి ఆమంగల్‌లో కీర్తికి అబార్షన్‌ చేయించాడని సీపీ వెల్లడించారు. దీనిని అవకాశంగా తీసుకున్న శశికుమార్‌ విషయం తల్లికి చెబుతానంటూ కీర్తిని లొంగదీసుకున్నాడన్నారు. తమ అక్రమ సంబంధానికి అడ్డుగా వస్తుందన్న కారణంతో ఈనెల 19న రజితను కీర్తి, శశికుమార్‌ హత్య చేశారన్నారు. ఆ తర్వాత మృతదేహాన్ని రామన్నపేట్‌కి తరలించి అక్కడ రైల్వే ట్రాక్‌నూ పడేశారని తెలిపారు. కీర్తి రెడ్డి, శశికుమార్ పక్కా ప్లాన్ ప్రకారంతోనే ఈ హత్య చేశారని.. అంతకుముందు ఓ రోజే.. కీర్తి మత్తు గోలీలు ఇచ్చి రజితను చంపే ప్రయత్నం చేసిందన్నారు. ఈ ఘటనలో మొత్తం నాలుగు కేసులు నమోదు చేశామని తెలిపారు. బాలరెడ్డి పై 376 (2) (n) , 312 , section 5&6 పొక్సో యాక్ట్ కింద కేసు నమోదు చేయగా.. శశికుమార్, కీర్తి పై 302 , 201, 203 , రెడ్ విత్ 34- ఐపీసీ కింద కేసు నమోదు చేసినట్లు తెలిపారు.