సమంత, పూజా ఫ్యాన్స్ వార్.. నెట్టింట రచ్చ రచ్చ..!

సమంత, పూజా హెగ్డే ఫ్యాన్స్ మధ్య ఇప్పుడు ట్విట్టర్‌లో వార్‌ జరుగుతోంది. తమ అభిమాన నటికి పూజా హెగ్డే క్షమాపణ చెప్పాల్సిందేనంటూ సమంత ఫ్యాన్స్‌ సోషల్ మీడియాలో డిమాండ్ చేస్తున్నారు. ఈ మేరకు PoojaMustApologizeSamantha అనే హ్యాష్‌ట్యాగ్‌తో వారు ట్వీట్లు పెడుతున్నారు. అయితే మరోవైపు WeSupportPoojaHegde హ్యాష్‌ట్యాగ్‌తో పూజా ఫ్యాన్స్‌ ఆమెకు మద్దతు తెలుపుతున్నారు. దీంతో ఈ హ్యాష్‌ట్యాగ్ కాస్త ఇప్పుడు ట్రెండింగ్‌ అవుతోంది. అయితే సమంతకు, పూజా హెగ్డేకు మధ్య ఏం జరిగింది..? సమంతను బుట్ట బొమ్మ ఏమంది..? ఫ్యాన్స్‌ ఎందుకు ఫైర్ అవుతున్నారు అంటే..!

ఇటీవల పూజా హెగ్డే ఇన్‌స్టా అకౌంట్ నుంచి ఓ పోస్ట్‌ వచ్చింది. అందులో ‘మజిలీ’ సినిమాలో సమంతకు సంబంధించిన ఓ స్టిల్ ఉండగా.. దానికి ‘ఆమె నాకు పెద్ద అందంగా కనిపించలేదు’ అన్న కామెంట్ ఉంది. దీంతో సమంత ఫ్యాన్స్ ఫైర్ అయ్యారు. పూజా హెగ్డేపై దాడికి దిగారు. ఇక ఈ విషయాన్ని తెలుసుకున్న పూజా హెగ్డే తన అకౌంట్ హ్యాక్‌ అయినట్లు గుర్తించింది. వెంటనే రంగంలోకి దిగిన ఆమె ట్విట్టర్‌లో స్పందిస్తూ.. ”తన ఇన్‌స్టా అకౌంట్ హ్యాక్‌ అయ్యిందని, తన టీమ్ కష్టపడి మళ్లీ సరిచేశారని” చెప్పారు. అయినా ఆ సమాధానం సమంత అభిమానుల కోపాన్ని చల్లార్చలేదు. పూజా, సమంతకు సారీ చెప్పాల్సిందేనంటూ వారు డిమాండ్ చేస్తున్నారు. అయితే అటు పూజా ఫ్యాన్స్ కూడా రంగంలోకి దిగారు.  WeSupportPoojaHegde అనే హ్యాష్‌ట్యాగ్‌తో బుట్ట బొమ్మకు మద్దతును తెలుపుతున్నారు.  ఈ క్రమంలో వీరిరువురి ఫ్యాన్స్ మధ్య వార్ ప్రస్తుతం నెట్టింట రచ్చ రచ్చ చేస్తోంది.

Read This Story Also: జిల్లా ఎస్పీగా మారిన కౌన్‌ బనేగా కరోడ్‌పతి జూనియర్ విన్నర్..!