మూడు రోజులు నిర్విరామ నడక.. మరో గంటలో ఇల్లు చేరబోతుండగా..

లాక్ డౌన్ కారణంగా రైళ్లు, బస్సులు లేవు. వేలాది వలస జీవులకు తమ ఊళ్లు చేరాలంటే కాలి  నడకే శరణ్యం.. ఈ క్రమంలో తెలంగాణలోని మిర్చి పొలాల్లో పని చేసే 12 ఏళ్ళ బాలిక.. ఛత్తీస్ గడ్ లోని తన సొంత జిల్లా బీజాపూర్ కు ఇలాగే కాలి నడకన బయలుదేరింది. ఈ నెల 15 న తన స్నేహితులతో కలిసి మూడు రోజులపాటు.. 150 కిలోమీటర్ల దూరం.. అడవుల్లోనే ఆమె నడక సాగింది. జమ్లు మక్దూమ్ అనే ఈ బాలిక ఇక తన ఇంటిని గంటలో చేరబోతుండగా.. సరైన ఆహారం, నీరు లేక డీహైడ్రేషన్ కారణంగా.. కడుపు నొప్పితో సొమ్మసిల్లి ఈ నెల 18 న ప్రాణాలు విడిచింది. తన కూతురు తెలంగాణాలోని  మిర్చి పొలాల్లో రెండు నెలలుగా పని చేస్తోందని ఆమె తండ్రి ఆండోరం మక్దూమ్ విలపిస్తూ చెప్పాడు. ఈ బాలిక కుటుంబానికి ఛత్తీస్ గడ్ ప్రభుత్వం లక్ష రూపాయల పరిహారాన్ని ప్రకటించింది.