Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

థియేటర్లలో “తుపాకి” పేలుతుందా..?

ఈనెల 25న విడుదల కానున్న తుపాకి రాముడు సినిమాకి ఆటంకాలు ఎదురవుతున్నాయి. సినిమా విడుదలకు థియేటర్లు దొరకడం కష్టంగా మారింది. కళలపై రసమయికి ఉన్న మక్కువతో తుపాకి రాముడు సినిమాని నిర్మించాడు. బిత్తిరి సత్తి, ప్రియ జంటగా టి.ప్రభాకర్ దర్శకత్వంలో ఈ చిత్రం తెరకెక్కుతోంది. అయితే ఈ సినిమాకు థియేటర్లు ఇచ్చేందుకు థియేటర్స్ యజమానులు, డిస్ట్రిబ్యూటర్స్ ముందుకు రావడం లేదు. తుపాకి రాముడు విడుదలకు థియేటర్స్ ఇస్తే ఊరుకునేది లేదని తెలంగాణ నేతలు డిస్ట్రిబ్యూటర్స్ పై బెదిరింపులకు పాల్పడుతున్నారు.

కాగా, ఈ చిత్రానికి థియేటర్లు ఇవ్వాలని సినీబృందం.. తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస యాదవ్‌ను కోరింది. అయితే తెలంగాణలో థియేటర్స్ దొరికినా.. ఏపీలో మాత్రం కష్టమేనని నిర్మాతలు చెబుతున్నారు. ఎందుకంటే ఈ సినిమాలో హీరో, హీరోయిన్‌తో పాటు సాంకేతిక నిపుణులందరూ తెలంగాణకు చెందిన వారే కావడం ఓ కారణం అవుతుందని నిర్మాతలు అభిప్రాయపడుతున్నారు. అంతేకాకుండా తెలంగాణ కళలు, సంప్రదాయాలు, బతుకమ్మ పండుగ గురించి తీసిన సందేశాత్మక చిత్రంగా దీన్ని రూపొందించారు. ఇక ఎప్పుడూ నవ్వులు కురిపించే బెత్తిరి సత్తి.. ఈ సినిమాలో ఏడిపిస్తాడని చిత్ర బృందం చెబుతోంది. మరి ఒడిదొడుకులను ఎదుర్కొని ప్రేక్షకులను తుపాకి రాముడు ఏ మేరకు ఆకట్టుకుంటాడో చూడాలి.