Breaking News
  • భారత్ లో కరోనా కల్లోలం 18 లక్షల 55 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 1855746 దేశ వ్యాప్తంగా యాక్టీవ్ కేసులు: 586298 కరోనా నుంచి డిశ్చార్జ్ అయిన బాధితులు: 1230510 దేశం మొత్తం కరోనా తో మృతుల సంఖ్య : 38938 దేశ వ్యాప్తంగా గడచిన 24 గంటలలో 52050 కరోనా కేస్ లు, 803 మంది మృతి
  • అమరావతి పవన్ కళ్యాణ్ రాష్ట్రంలో మహిళలకు రక్షణ కల్పించేందుకే దిశ చట్టం తీసుకొచ్చాం అన్నారు దిశ స్టేషన్లు పెట్టాం అని ప్రచారం చేసుకొంటుంది ప్రభుత్వం గిరిజన మహిళలపై దాష్టీకాలకు పాల్పడుతున్నా చర్యలు తీసుకొనేందుకు పోలీసులు మీనమేషాలు లెక్కిస్తున్నారు. ప్రచారం తప్ప మహిళల మానప్రాణాలకు రక్షణ లభించడం లేదు. గిరిజన మహిళ శ్రీమతి రమావత్ మంత్రుబాయిని అధికార పార్టీకి చెందిన ఓ వడ్డీ వ్యాపారి ట్రాక్టర్ తో తొక్కించి హత్య చేయడం అమానవీయం. ఆ ఘటన గురించి తెలుసుకొంటే హృదయం ద్రవించింది. మృతురాలి కుటుంబానికి నా ప్రగాఢ సానుభూతి తెలియచేస్తున్నాను.
  • అమరావతి : ఏపీ హైకోర్టు కీలక నిర్ణయం. 3రాజధాని అంశంపై హైకోర్టు విచారణ. రాజధాని తరలింపుపై స్టే ఇచ్చిన హైకోర్టు. గవర్నర్ గెజిట్ పై స్టే ఇచ్చిన ఏపీ హైకోర్ట్.
  • రాజధాని కార్యకలాపాల వికేంద్రీకరణ, సీఆర్డీయే రద్దు చట్టాలపై స్టేటస్‌ కో విధించిన హైకోర్టు. యథాతథ స్థితి కొనసాగించాలని ఆదేశించిన హైకోర్టు. 10 రోజులపాటు స్టేటస్‌ కో ఉత్తర్వులు కొనసాగుతున్న హైకోర్టు. రెండు బిల్లులకు సంబంధించి ఇదివరకే గెజిట్‌ విడుదల. తదుపరి కార్యకలాపాలపై స్టేటస్‌ కో విధించిన హైకోర్టు.
  • సింగ‌ర్ స్మిత‌కు కోవిడ్ పాజిటివ్‌: పాప్ సింగ‌ర్ స్మిత‌కు కోవిడ్ పాజిటివ్‌. కోవిడ్్ ల‌క్ష‌ణాలు లేవ‌ని ట్వీట్‌. ఒళ్లు నొప్పులు ఉండ‌టంతో ఎందుకైనా మంచిద‌ని ప‌రీక్ష‌లు చేయించుకున్న‌ట్టు వెల్ల‌డి. ఇంట్లో సేఫ్‌గానే ఉన్న‌ప్ప‌టికీ త‌మ‌కు క‌రోనా సోకింద‌న్న స్మిత‌. త్వ‌ర‌లో క‌రోనాను జ‌యించి ప్లాస్మా దానం చేయ‌డానికి సిద్ధ‌మ‌వుతున్న‌ట్టు ట్వీట్.
  • ఇవాళ యూపీఎస్సీ సివిల్స్-2019 ఫలితాలు వెలువడ్డాయి. సిద్ధిపేటకు చెందిన మంద మకరంద్ ఆలిండియా స్థాయిలో 110వ ర్యాంక్ సాధించాడు. మొత్తం 829 మంది సివిల్ సర్వీసులకు ఎంపికవగా, మకరంద్ మెరుగైన ర్యాంక్ అందుకున్నాడు. దీనిపై తెలంగాణ మంత్రి హరీశ్ రావు సంతోషం వ్యక్తం చేశారు. సివిల్స్ పరీక్షల్లో సత్తా చాటిన సిద్ధిపేట బిడ్డ మంద మకరంద్ కు హార్దిక శుభాకాంక్షలు అంటూ ఆయన ట్వీట్ చేశారు. తెలంగాణ ఖ్యాతిని దేశ స్థాయిలో నిలిపాడంటూ మకరంద్ ను అభినందించారు.
  • నల్గొండ : మర్డర్ సినిమా పై తీవ్ర అభ్యంతరం వ్యక్తం చేసిన అమృత ప్రణయ్. జీవితాలతో సినిమా దర్శకులు నిర్మాత చెలగాటమాడుతున్నారు అంటూ ఆవేదన. మా అనుమతి లేకుండా మా పేర్లు మా నిజ జీవితంలో జరిగిన సంఘటనల ఆదారంగా మర్డర్ సినిమా తీసి తమ జీవితాలపై ప్రభావం చూపుతున్నారని మర్డర్ సినిమా దర్శక, నిర్మాతలపై అమృత ప్రణయ్ అభ్యంతరం.

TTD shocks devotees: శ్రీవారి భక్తులకు టీటీడీ షాక్… అలిపిరి దాటాలంటే..?

తిరుమల వెళ్ళి శ్రీవారిని దర్శించుకోవాలనుకునే వారికి షాకిచ్చింది టీటీడీ ట్రస్టు బోర్డు. శనివారం సమావేశమైన టీటీడీ బోర్డు.. కీలక నిర్ణయాలు తీసుకుంది. అందులో శ్రీవారి భక్తులకు షాకిచ్చే నిర్ణయం కూడా వుంది.
ttd board shocks devotees, TTD shocks devotees: శ్రీవారి భక్తులకు టీటీడీ షాక్… అలిపిరి దాటాలంటే..?

TTD trust board has shocked Sri Venkateshwara devotees: తిరుమల వెళ్ళి శ్రీవారిని దర్శించుకోవాలనుకునే వారికి షాకిచ్చింది టీటీడీ ట్రస్టు బోర్డు. శనివారం సమావేశమైన టీటీడీ బోర్డు.. కీలక నిర్ణయాలు తీసుకుంది. అందులో శ్రీవారి భక్తులకు షాకిచ్చే నిర్ణయం కూడా వుంది.

టీటీడీ బోర్డు ఛైర్మెన్ వైవీ సుబ్బారెడ్డి సారథ్యంలోని ట్రస్టు బోర్డు శనివారం తిరుమలలో సమావేశమైంది. వార్షిక బడ్జెట్ మొదలుకుని పలు కీలక నిర్ణయాలను సుబ్బారెడ్డి బృందం తీసుకుంది. 2020-21 సంవత్సరానికిగాను 3309 కోట్ల అంచనాలతో బడ్జెట్‌కు ఆమోదం తెలిపింది బోర్డు. బూంది పోటులో అగ్నిప్రమాదాల నివారణకు 3.3 కోట్ల రూపాయలతో థర్మో ప్లూయిడ్స్ స్టవ్‌లు ఏర్పాటు చేయాలని నిర్ణయించారు. జూ పార్కు వద్ద 14 కోట్లతో ప్రతిభావంతులకు శిక్షణ కేంద్రం ఏర్పాటు చేయాలని, 16 కోట్లుతో అలిపిరి-చెర్లోపల్లి రోడ్డు విస్తరణ చేయాలని బోర్డు నిర్ణయాలు తీసుకుంది.

8.5 కోట్లతో బర్డ్ అభివృద్ధికి నిధులు కేటాయించారు. బర్డ్ ఆస్పత్రిలో అవసరం మేరకు ఉద్యోగాల నియామకానికి అనుమతులు జారీ చేసింది. 34 కోట్లతో యస్వీ బదిర పాఠశాల నిర్మాణానికి ఆమోదం తెలిపింది. టిటిడి విజిలెన్స్ విభాగంలో సెక్యూరిటి గార్డుల నియామకానికి ఆమోదం తెలిపారు. టిటిడి పరిధిలోని ఆలయాలలో 1300 సిసి కెమెరాలు ఏర్పాటుకు అనుమతించారు. 3.92 కోట్ల రూపాయల వ్యయంతో చెన్నైలో అమ్మవారి ఆలయం నిర్మాణం చేయాలని నిర్ణయించి, నిధుల కేటాయింపునకు అమోదం తెలిపారు.

ముంబయిలో శ్రీవారి ఆలయ నిర్మాణానికి త్వరలోనే భూమి పూజ చేయాలని, హైదరాబాద్ జూబ్లీహిల్స్‌లోని ఆలయంలో అభివృద్ధికి నిధులు కేటాయించాలని బోర్డు సమావేశం నిర్ణయించింది. శ్రీవారి భక్తుల సౌకర్యం కోసం పలు నిర్ణయాలు తీసుకున్న టీటీడీ బోర్డు అలిపిరి టోల్ గేట్ వద్ద టోల్ రుసుం పెంచుతూ నిర్ణయించి భక్తులకు చేదు వార్త వినిపించింది. గరుడ వారధి పిల్లర్లపై శ్రీవారి నామాల ముద్రణ నిలిపివేశామని, శ్రీవారి నామాలపై నుంచి వాహనాలు వెళ్లడం మంచిది కాదని భక్తులు కొంతమంది అభ్యంతరం వ్యక్తం చేసిన నేపథ్యంలో ఈ నిర్ణయం తీసుకున్నామని ఛైర్మెన్ వైవీ సుబ్బారెడ్డి తెలిపారు.

Related Tags