Breaking News
  • డిసెంబర్‌ 9 నుంచి ఏపీ అసెంబ్లీ సమావేశాలు. 10 రోజుల పాటు సమావేశాలు జరిగే అవకాశం. డిసెంబర్‌ 9న బీఏసీ సమావేశం.
  • అమరావతి: వివిధ శాఖల అధికారులతో సీఎం జగన్‌ సమావేశం. గత ప్రభుత్వం రాష్ట్రాన్ని ఆర్థిక సంక్షోభంలోకి నెట్టింది-జగన్‌. గత ప్రభుత్వం రూ.40వేల కోట్ల బిల్లులను పెండింగ్‌లో పెట్టింది. ఆర్థిక ఇబ్బందులు అధిగమించడంపై దృష్టిపెట్టాం-సీఎం జగన్‌. అనవసర ఖర్చులు తగ్గించడంపై అధికారులు దృష్టిపెట్టాలి. ప్రాధాన్యత అంశాలపై దృష్టిపెట్టి ముందుకెళ్లాలి-సీఎం. నవరత్నాల అమలే ప్రభుత్వానికి ఉన్న ఫోకస్‌-సీఎం జగ.న్‌. కేంద్రం నుంచి వీలైనన్ని నిధులను తెచ్చుకోవాలి. జిల్లాల పర్యటనల్లో నేను ఇచ్చే హమీల అమలు దృష్టిపెట్టాలి-జగన్‌.
  • చిత్తూరు: విద్యాశాఖ పదోన్నతులపై ఆర్‌జేడీ విచారణ. భాషా పండితుల పదోన్నతుల్లో అవకతవకలు జరిగాయని ఫిర్యాదు. అనర్హులకు పదోన్నతులు కల్పించారని కమిషనర్‌కు ఫిర్యాదు. ఉపాధ్యాయుల ఫిర్యాదుతో కొనసాగుతున్న ఆర్‌జేడీ విచారణ.
  • ఆకాశాన్నంటుతున్న ఉల్లి ధరలు. హైదరాబాద్‌ మార్కెట్లో ఉల్లి ధర రికార్డు. రూ.100కు చేరువలో కిలో ఉల్లిధర. ప్రస్తుతం కిలో ఉల్లి ధర రూ.97. మూడేళ్ల క్రితం రూ.70 పలికిన కిలో ఉల్లిధర.
  • రాజధానిపై వైసీపీ నేతలు ఇష్టం వచ్చినట్టు మాట్లాడుతున్నారు-లోకేష్‌. రాజధాని విషయంలో ప్రాంతాల మధ్య విభేదాలు సృష్టిస్తున్నారు. పార్టీ వీడినవారు చంద్రబాబును ఏమీచేయలేక నాపై విమర్శలు చేస్తున్నారు . రాజధాని భూముల విషయంలో నాపై ఆరోపణలు నిరూపించలేకపోయారు. ఆరోపణలు చేసిన వారిపై చట్టపరమైన చర్యలు తీసుకుంటా-నారా లోకేష్.
  • ఛత్తీస్‌గఢ్‌: దంతేవాడ జిల్లాలో పేలిన మందుపాతర. రోడ్డు పనులు చేస్తున్న ఇద్దరు కూలీలకు తీవ్రగాయాలు. బార్సూర్‌-నారాయణ్‌పూర్‌ మార్గంలో పేలిన మందుపాతర.
  • ఇంగ్లీష్‌ను తామే పరిచయం చేస్తున్నట్టు సీఎం మాట్లాడుతున్నారు. భాషను కూడా రాజకీయాలకు వాడుకుంటున్న పార్టీ వైసీపీ-బోండా ఉమ. ఇంగ్లీష్‌, తెలుగు మీడియంలు ఉండాలని 2016-17లో జీవోలు ఇచ్చాం. 1 నుంచి టెన్త్‌ వరకు ఇంగ్లీష్‌ ఉండాలని జీవో 14 ఇచ్చింది చంద్రబాబే. విద్యావ్యవస్థలో మార్పుపై అసెంబ్లీలో చర్చకు టీడీపీసిద్ధం-బోండా ఉమ. టీడీపీ నుంచి వేరే పార్టీకి వెళ్లడానికి ఎవరూ సిద్ధంగా లేరు. ఒకరిద్దరు స్క్రాప్ మాత్రమే టీడీపీ నుంచి వెళ్లిపోయారు-బోండా ఉమ.
  • డిసెంబర్‌ 9 నుంచి ఏపీ అసెంబ్లీ సమావేశాలు. 10 రోజుల పాటు సమావేశాలు జరిగే అవకాశం. డిసెంబర్‌ 9న బీఏసీ సమావేశం.

ఆర్టీసీని మూడు రకాలుగా విభజన.. కేసీఆర్ సంచలన నిర్ణయం!

TSRTC Divide Into 3 Parts KCR Daring Decision, ఆర్టీసీని మూడు రకాలుగా విభజన.. కేసీఆర్ సంచలన నిర్ణయం!

ఆర్టీసీ సమ్మె నేపథ్యంలో సీఎం కేసీఆర్ సోమవారం మరోసారి అధికారులతో కలిసి సమీక్ష నిర్వహించారు. సునీల్ శర్మ కమిటీ నివేదికపై సుమారు 4 గంటలు చర్చించిన ఆయన.. ఆర్టీసీని పూర్తిగా ప్రయివేటీకరణ చేసే ఉద్దేశం ప్రభుత్వానికి లేదని కేసీఆర్ స్పష్టం చేశారు. ఆర్టీసీ సంస్థను ప్రక్షాళన చేస్తామని.. భవిష్యత్తులో ఆర్టీసీని లాభాల బాట పట్టించేందుకు చర్యలు తీసుకుంటామని ముఖ్యమంత్రి తెలియజేశారు.

ప్రస్తుతం ఆర్టీసీలో 10,400 బస్సులున్నాయి. వీటిని భవిష్యత్‌లో మూడు రకాలుగా విభజించాలని నిర్ణయించారు. 50%(5200) బస్సులు ఆర్టీసీలో  నడపనుండగా.. 30%(3100) అద్దె బస్సులు గాను, మరో 20%(2100) బస్సులను పూర్తి ప్రయివేటు బస్సులుగా నడపాలని సీఎం కేసీఆర్ సంచలన నిర్ణయం తీసుకున్నారు. ఆర్టీసీ చార్జీలు, ప్రయివేట్ బస్సుల చార్జీలు సమానంగా ఉంటాయన్నారు. కాగా, ఇప్పటికీ 21% అద్దె బస్సులను ఆర్టీసీ నడుపుతోందని.. అదనంగా మరో 9% అద్దె బస్సులను పెంచితే ఆర్టీసీకి కొత్త బస్సులు వచ్చినట్లేనని ముఖ్యమంత్రి అన్నారు.

ఆర్టీసీ యూనియన్ల అతి ప్రవర్తన వల్లే ఈ చర్యలన్నీ చేపట్టాల్సి వచ్చిందని కేసీఆర్ స్పష్టం చేశారు. తాము ఎక్కిన చెట్టు కొమ్మను తామే నరుక్కున్నారని ఆర్టీసీ కార్మికులను ఉద్దేశించి సీఎం అన్నారు. సమ్మెను తీవ్రతరం చేస్తామనడం హాస్యాస్పదమని.. యూనియన్లు తీసుకునే అర్థరహితమైన నిర్ణయాల వల్ల ప్రజలకు ఇబ్బంది కలగకుండా చూడడమే ప్రభుత్వ ధ్యేయమని సీఎం కేసీఆర్ తెలిపారు. ప్రభుత్వం దృష్టిలో, ఆర్టీసీ యాజమాన్యం దృష్టిలో ఆర్టీసీ సిబ్బంది 1200 మాత్రమే ఉన్నారని మరోసారి ఆయన గుర్తు చేశారు. ఇకపోతే సమ్మెలో పాల్గొన్న ఉద్యోగులను డిస్మిస్ చేయాల్సిన అవసరం ప్రభుత్వానికి లేదని.. వాళ్ళంతట వాళ్ళే తప్పుకున్నారని… గడువులోపల విధుల్లోకి చేరనివాళ్ళు “సెల్ఫ్ డిస్మిస్” అయ్యారని వెల్లడించారు.  అంతేకాక తొలగిపోయిన వాళ్ళు డిపోల దగ్గర కానీ, బస్ స్టేషన్ల దగ్గర కానీ గొడవ చేయకుండా ప్రత్యేక పోలీసు బృందాలను చేస్తామన్నారు. సబ్సిడీ బస్‌పాస్‌లు ఇకముందు కూడా ఎదావిధిగా కొనసాగుతాయని సీఎం చెప్పారు. ఇకపై ఆర్టీసీలో యూనియన్ల ప్రసక్తే ఉండదని సీఎం తేల్చి చెప్పారు.

ఆర్టీసీకి కొత్త నెత్తురు, జవసత్వాలు రావాలని సీఎం కేసీఆర్ ఆకాంక్షించారు. భవిష్యత్‌లో యూనియనిజం అనేది ఇకపై ఆర్టీసీలో ఉండబోదని.. సంస్థ అద్భుతంగా రూపుదిద్దుకుని లాభాల బాట పట్టేలా కృషి చేస్తామన్నారు. అంతేకాక కార్మికులకు బోనస్ ఇచ్చే పరిస్థితి కూడా త్వరలోనే వస్తుందని సీఎం ఆశాభావం వ్యక్తం చేశారు. పండగ సీజన్‌లో ప్రజలను ఇబ్బందులకు గురి చేసే రీతిలో ఇష్టం వచ్చినట్లుగా సమ్మెకు దిగడం దురహంకారమని ఆయన మండిపడ్డారు. కాగా, ఆర్టీసీ ప్రక్షాళనకు ప్రభుత్వం తీసుకుంటున్న చర్యలను ప్రజలు ప్రశంసిస్తున్నారని ముఖ్యమంత్రి కేసీఆర్ వెల్లడించారు.