Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

తగ్గేదెవరు.. ప్రభుత్వమా.. కార్మికులా..?

Story On TSRTC Strike Latest Updates, తగ్గేదెవరు.. ప్రభుత్వమా.. కార్మికులా..?

తెలంగాణలో ఆర్టీసీ కార్మికుల సమ్మె కారణంగా సామాన్య ప్రజలు ఇబ్బందులు పడుతున్నారని గ్రహించిన హైకోర్టు.. కార్మికులకు చివాట్లు పెట్టింది. ప్రభుత్వానికి బాధ్యత గుర్తు చేసింది. దీనిపై వాదనలు విన్నది. ప్రభుత్వం, ఆర్టీసీ యూనియన్లు దీనిపై చర్చలు జరిపి రెండు రోజుల్లోగా నివేదిక ఇవ్వాలని ఆదేశించింది. కోర్టు తీర్పుతో సమస్య పరిష్కారం పై అందరిలోనూ ఆశలు చిగురించాయి. అయితే ఇప్పటి వరకూ ప్రభుత్వం కాని, ఆర్టీసీ యూనియన్లు గాని చర్చలకు ఎలాంటి ప్రయత్నాలు చేయడం లేదు. పైగా, సమ్మె విరమించేది లేదని.. చర్చలు జరిపిన తర్వాతే సమ్మె విరమిస్తామని కార్మిక సంఘాలు కుండ బద్దలు కొడుతున్నాయి. కోర్టు ఆదేశాన్ని దిక్కరిస్తున్నాయి.

కాగా, సమ్మెలో ఉన్న కార్మికులను ఉద్యోగాల నుంచి తొలగిస్తున్నట్లు ప్రభుత్వం చేసిన ప్రకటన వల్ల.. కార్మికులు ఆత్మహత్యలకు పాల్పడుతున్నారని ఆర్టీసీ యూనియన్ కోర్టుకు వెల్లడించింది. తమ సమస్యలను పట్టించుకోకపోవడంతోనే సమ్మెకు దిగామని.. ఇందుకు సంబంధించి ముందుగానే సమ్మె నోటీసు కూడా ఇచ్చామని అయినప్పటికీ ప్రభుత్వం నుంచి ఎలాంటి స్పందన రాలేదని వారు తెలిపారు. కాగా, సమ్మె అస్రాన్ని ప్రయోగించడం వల్ల ఎలాంటి ప్రయోజనం లేదని కోర్టు తెలిపింది.

ఇక అదే సమయంలో, గత 12 రోజులుగా కార్మికులు సమ్మె చేస్తున్నారు. సమ్మె విరమించుకోవడానికి ఏం చర్యలు చేపట్టిందని ప్రభుత్వాన్ని ప్రశ్నించింది. అంతేకాదు ఆర్టీసీకి పూర్తిస్థాయి ఎండీని నియమించాలని ప్రభుత్వాన్ని ఆదేశించింది. వెంటనే ప్రభుత్వం, కార్మికులు ఓ మెట్టు దిగి చర్చలు ప్రారంభించాలని తెలిపింది. తొందరపడి కార్మికులు ఆత్మహత్యలు చేసుకోవద్దని సూచించింది. తదుపరి విచారణను ఈనెల 18కి వాయిదా వేస్తూ కోర్టు తీర్పు నిచ్చింది.

మరోవైపు టీఆర్ఎస్ ఎంపీ కె కేశవరావు తెగ హడావుడి చేశారు. కార్మికుల సమ్మెకి.. ప్రభుత్వానికి మధ్య మధ్యవర్తిగా వ్యవహరిస్తానంటూ ముందుకొచ్చారు. సీఎం కేసీఆర్ ఆదేశిస్తే సమస్యను పరిష్కరిస్తానని చెప్పుకొచ్చారు. కాని ప్రభుత్వం నుంచి ఎలాంటి స్పందన రాకపోవడంతో సైలెంట్ అయ్యారు. మరి ఇప్పటికైనా సమ్మె వివాదం ఆగుతుందా.. లేక కొనసాగుతుందా చూడాలి. కోర్టు నిర్దేశించిన గడువు గురువారం సాయంత్రంతో ముగుస్తుంది. ఈలోగా చర్చల దిశగా తొలి అడుగు ఎవరు వేస్తారనేది ఆసక్తిగా మారింది. తాజాగా ఆర్టీసీ జేఏసీ.. మంత్రి పువ్వాడ అజయ్‌తో భేటీ అయినట్లు తెలుస్తోంది. ప్రత్యామ్నాయ ఏర్పాట్ల పై ఇరువురు సమీక్షించారు. సోమవారం నుంచి విద్యాసంస్థలు ప్రారంభం అవుతుండటంతో అప్రమత్తంగా ఉండాలని మంత్రి ఆదేశించారు. అయితే ప్రభుత్వం నుంచి ఇప్పటి వరకు ఎలాంటి స్పష్టత రాలేదు.

Related Tags