Breaking News
  • తెలంగాణ లో 9 సెంటీమీటర్ల పైగా వర్షపాతం. అత్యధికంగా కొమురం భీం జిల్లా బెజ్జూర్ లో 9.7 సెంటీమీటర్ల వర్షపాతం. కొమురం భీం జిల్లా పెంచికల్పేట్ లో 8.4 సెంటీమీటర్లు. నాగర్కర్నూల్, కరీంనగర్, ములుగు, జనగాం జిల్లాలో నాలుగు నుంచి ఐదు సెంటీమీటర్లు. వరంగల్ అర్బన్, రూరల్, సిద్దిపేట్ ,భద్రాద్రి కొత్తగూడెం, కామారెడ్డి జిల్లాలో 3 సెంటీమీటర్లు. నగరంలో లో చార్మినార్ ,ఆసిఫ్ నగర్, బహుదూర్ పుర , సరూర్ నగర్, శేరిలింగంపల్లి, ఖైరతాబాద్,నాంపల్లి ఏరియాల్లో రెండు సెంటీమీటర్ల వర్షపాతం.
  • విజయవాడ: రమేష్ హాస్పిటల్ ఎం.డి వ్యాఖ్యలపై స్పందించిన పోలీసులు. స్వర్ణ ప్యాలెస్ అగ్నిప్రమాదం ఇన్వెస్టిగేషన్ ఆఫీసర్ ఏసిపి సూర్యచంద్రరావు . రమేష్ హాస్పిటల్ ఎం.డి రమేష్ బాబు ఇంకా పరారీ లోనే ఉన్నాడు. ఇల్లు, ఆఫీసు లో సోదాలు నిర్వహించాం. రమేష్ బాబు పోలీసుల ముందుకు వచ్చి ఎలాంటి అనుమతి తీసుకున్నారో చూపిస్తే తదుపరి విచారణ కొనసాగిస్తాం. సాక్షులు అందరినీ విచారిస్తున్న ముద్దాయిల కోసం గాలిస్తున్నాం. స్వర్ణ ప్యాలెస్ లో ఉన్నది రమేష్ హాస్పిటల్ పేషెంట్స్ కాబట్టి రమేష్ హాస్పిటల్ మాత్రమే దీనికి బాధ్యత వహించాలి. డాక్టర్ మమతా దగ్గర కూడా మాకు కావాల్సిన సమాచారాన్ని రాబట్టుకున్నాం
  • ధవళేశ్వరం బ్యారేజీ: ధవళేశ్వరం బ్యారేజి దగ్గర గోదావరి ఉప్పొంగి ప్రవహిస్తోంది. ప్రస్తుతం 8 లక్షల క్యూసెక్కుల ప్రవాహం వస్తుండగా, నీళ్లను నేరుగా సముద్రంలోకి వదుల్తున్నారు. వచ్చే 2 రోజుల్లో వరద 10 లక్షల క్యూసెక్కులను దాటే అవకాశం ఉంది. భద్రాచలం నుంచి పోలవరం డ్యాం సైట్ వరకు గోదావరి ప్రమాద హెచ్చరిక జారీ అయింది.
  • ఏఎస్సై రామకృష్ణ ఆత్మహత్య ప్రయత్నం. అధికారుల వేధింపులు తాళలేక సూసైడ్ అటెంప్ట్. ఘట్కేసర్ పోలీస్ స్టేషన్ లో ఆత్మహత్య ప్రయత్నం. స్థానిక జోడిమెట్ల లోని క్యూర్ వెల్ ఆసుపత్రిలో చికిత్స పొందుతున్న ఏ ఎస్ ఐ రామకృష్ణ.
  • స్వర్ణ పేలస్ ఫైర్ యాక్సిడెంట్ అగ్నిప్రమాదం పై ట్విట్టర్ లో సంచలన వ్యాఖ్యలు చెసిన హీరో రామ్. రమేశ్ హాస్పిటల్ ఎండీ రమేశ్ కు అన్న కొడుకు హీరో రామ్. పెద్ద కుట్ర జరుగుతోంది.. సీఎం జగన్ ని తప్పుగా చూపించడానికి మీ కింద పనిచేసే కొంతమంది మీకు తెలీకుండా చేసే పనులు వాళ్ళమీ రివ్యూటేషన కి మీ మీద పెట్టుకున్న నమ్మకానికి డ్యామేజ్ జరుగుతోంది. స్వర్ణ పేలస్ ని రమేష్ ఆసుపత్రి కోవిడ్ హాస్పిటల్ గా తీసుకోకముందే దాన్ని ప్రభుత్వం కోవిడ్ సెంటర్ గా వినియోగించింది. అప్పుడు ఫైర్ యాక్సిడెంట్ జరిగి ఉంటే ఎవర్నీ నిందించేవాళ్ళు..హీరో రామ్.
  • విజయవాడ: ఎడతెరిపి లేని వర్షాలతో జిల్లాలో పొంగిపొర్లుతున్న వాగులు ,వంకలు . ప్రకాశం బ్యారేజ్ కి పోటెత్తుతున్న వరద . వరద పరిస్థితి ని సమీక్షించిన కృష్ణా జిల్లా కలెక్టర్ ఇంతియాజ్. 70 గేట్ల ద్వారా 60 వేల క్యూసెక్కుల నీటిని దిగువకు వదులుతున్నాం. తాగు, సాగు నీరు కోసం 10,000 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల చేసాం. ఈ రోజు రాత్రి కి లక్ష క్యూసెక్కుల వరద నీరు రావచ్చని అంచనా వేస్తున్నాం. అప్రమత్తంగా ఉండాలని నదీపరీవాహక ప్రాంత తహసీల్దార్లకు ఆదేశాలు జారీ చేసాం.
  • జడ్జి ముందుకు కీసర తహశీల్దార్‌ నాగరాజు తహశీల్దార్‌కు 14 రోజుల రిమాండ్‌ విధించిన ఏసీబీ స్పెషల్‌ జడ్జి రూ.1.10 కోట్ల లంచం తీసుకుంటూ ఏసీబీకి దొరికిన నాగరాజు-ఏసీబీ డీజీ కీసర మండలం రాంపల్లి గ్రామ భూవివాదంలో రూ.2 కోట్లు డిమాండ్‌ శ్రీనాధ్‌యాదవ్‌కు చెందిన శ్రీ సత్య డెవలపర్స్‌ 19.39 ఎకరాల భూమి భూ వివాదంలో అనుకూలంగా వ్యవహరించేందుకు తహశీల్దార్‌ డీల్‌-ఏసీబీ డీజీ కీసర తహశీల్దార్‌ నాగరాజు ఇంట్లో సోదాలు, రూ.36 లక్షల నగదు స్వాధీనం తహశీల్దార్‌ నాగరాజు ఇంట్లో అరకిలో బంగారం స్వాధీనం, లాకర్‌ గుర్తింపు తహశీల్దార్‌ నాగరాజు, శ్రీనాధ్‌ యాదవ్‌, అంజిరెడ్డి, వీఆర్‌ఏ సాయినాధ్‌ అరెస్ట్‌ వైద్య పరీక్షల అనంతరం జడ్జిముందు హాజరు-ఏసీబీ డైరెక్టర్‌ జనరల్

కొనసాగుతున్న ఆర్టీసీ సమ్మె.. మరోసారి చర్చలకు సిద్ధమైన జేఏసీ

TSRTC Strike Continues on Fifth Day, కొనసాగుతున్న ఆర్టీసీ సమ్మె.. మరోసారి చర్చలకు సిద్ధమైన జేఏసీ

తెలంగాణలో ఆర్టీసీ సమ్మె ఐదవ రోజుకి చేరుకుంది. ఐదు రోజులు గడిచినా ఆర్టీసీ బస్సులు రోడ్డెక్కడం లేదు. ఆర్టీసీ కార్మికుల డిమాండ్లను నెరవేర్చేందుకు ప్రభుత్వం నో చెబుతోంది. దీంతో తమ డిమాండ్లు నెరవేర్చేవరకు సమ్మె ఆపేది లేదని జేఏసీ పెద్దలు పట్టుబట్టి కూర్చుకున్నారు. ఇప్పటికే సమ్మె చేపట్టిన వారిలొ సుమారు 48వేల మందికి పైగా కార్మికులను ఉద్యోగం నుంచి ప్రభుత్వం తొలగించింది. వారి ఖాళీలను భర్తీ చేసేందుకు కొత్త రిక్రూట్ మెంట్లు చేస్తున్నామని అంటోంది. ఉద్యోగాలు పోయినా సరే తాడో పేడో తేల్చుకుంటామని కార్మికులు చెబుతున్నారు. ఇలాంటి పరిస్థితుల్లో ప్రజలకు ఇబ్బందులు తప్పడం లేదు. అయితే ప్రజలకు ఇబ్బందులు కలుగకుండా ప్రత్యామ్నాయ ఏర్పాట్లు చేస్తున్నామని ప్రభుత్వం చెబుతోంది.

ఇక దీనిపై ఈరోజు మరోసారి ప్రభుత్వ పెద్దలతో ఆర్టీసీ ఉన్నతాధికారులు భేటీ కానున్నారు. భేటీ అనంతరం ఏం చేయాలో ప్రభుత్వం నిర్ణయం తీసుకోనుంది. అయితే తెలంగాణ ఉద్యమం చేపట్టిన సమయంలో సమ్మె చేపట్టిన ఏ ఉద్యోగిని తొలగించనప్పుడు.. సొంత రాష్ట్రం ఏర్పాటైన తర్వాత తొలగించడమేంటని జేఏసీ మండిపడుతోంది. ఇదిలా ఉంటే.. ఇప్పటివరకు ఆర్టీసీకి, ప్రభుత్వానికి మధ్య జరుగుతున్న ఈ వివాదంలో ప్రతిపక్షాలు జోక్యం చేసుకున్నాయి. ఆర్టీసీ ఉద్యోగులను తొలగించడం పై కాంగ్రెస్ భగ్గుమంది. ఇవాళ అఖిలపక్ష నేతలు కూడా సమావేశమై ప్రభుత్వ నిర్ణయాలపై చర్చించనున్నారు.

మరోవైపు దసరా పండక్కు ఊర్లకు వెళ్లిన ప్రజలు పట్నానికి తిరుగుపయనం అయ్యారు. వారికి ఆర్టీసీ సదుపాయం లేకపోతే ఇప్పుడు కూడా ఇబ్బందులు ఎదురయ్యే పరిస్థితి కనిపిస్తోంది. దసరా వచ్చినప్పుడే సమ్మె జరగడంతో ప్రజలు తీవ్ర ఇబ్బందులు పడ్డారు. సొంతూళ్లకు వెళ్లేందుకు డబుల్, ట్రిపుల్ ఛార్జీలు చెల్లించాల్సి వచ్చింది. ఇక హైదరాబాద్ లాంటి సిటీల్లో కూడా ప్రస్తుతం నడుస్తున్న బస్సుల్లో అదనపు ఛార్జీలు వసూలు చేస్తున్నారని ప్రజలు మండిపడుతున్నారు. బస్ పాస్‌లు ఉన్నప్పటికీ.. అవి కూడా చెల్లవని చెబుతుండటంతో ప్రయాణికులు ఇబ్బందులు పడుతున్నారు. దసరా సెలవులు కూడా ముగిసాయి. పాఠశాలలు, కాలేజీలు కూడా మొదలుకాబోతున్నాయి. ఇవన్నీ దృష్టిలో ఉంచుకుని.. అటు ప్రభుత్వం, ఇటు ఆర్టీసీ కార్మికులు ఎలాంటి నిర్ణయం తీసుకుంటారో మరి.

Related Tags