Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

అసలు డిమాండ్‌పైనే వెనక్కి తగ్గిన ఆర్టీసీ జేఏసీ.. ఇక..

TSRTC JAC withdraws RTC Merging in govt demand, అసలు డిమాండ్‌పైనే వెనక్కి తగ్గిన ఆర్టీసీ జేఏసీ.. ఇక..

దాదాపు నలభై రోజులుగా సమ్మె చేస్తున్న ఆర్టీసీ జేఏసీ.. ఎట్టకేలకు మెట్టుదిగొచ్చింది. ఆర్టీసీ విలీన డిమాండ్‌ను తాత్కాలికంగా వాయిదా వేశామన్నారు ఆర్టీసీ కార్మిక సంఘాల జేఏసీ కన్వినర్ అశ్వత్థామ రెడ్డి. గురువారం హైదరాబాద్‌లో సమావేశమైన ఆర్టీసీ జేఏసీ నేతలు భవిష్యత్ కార్యాచరణను ప్రకటించారు. ఇప్పటి వరకు 23 మంది ఆర్టీసీ కార్మికులు మరణించారని.. వారి మరణాలకు ప్రభుత్వమే కారణమని ఆరోపించారు. ఆర్టీసీని ప్రైవేటీకరణ చేస్తే బలహీన వర్గాలు ఉపాధి కోల్పోతాయన్నారు. శుక్రవారం గ్రామ గ్రామాన బైక్‌ ర్యాలీలు చేపట్టబోతున్నట్లు తెలిపారు. శనివారం రాష్ట్రంలోని అన్ని డిపోల నుంచి బైక్ ర్యాలీలు చేయబోతున్నామని.. 17, 18వ తేదీల్లో డిపోల ఎదుట సామూహిక దీక్షలకు దిగుతున్నట్లు జేఏసీ ప్రకటించింది. ఇక 19వ తేదీన హైదరాబాద్‌ టు కోదాడ సడక్‌ బంద్‌ కార్యక్రమం చేపట్టబోతున్నట్లు ఆర్టీసీ జేఏసీ కన్వీనర్‌ అశ్వత్థామరెడ్డి తెలిపారు. సమ్మె కాలంలో ఇప్పటి వరకు ప్రాణాలు కోల్పోయిన ఆర్టీసీ కార్మికుల కుటుంబాలతో త్వరలో గవర్నర్‌ను కలవబోతున్నామన్నారు. ఆర్టీసీ జేఏసీ నేత కృష్ణారెడ్డిని పోలీసులు అక్రమంగా అరెస్ట్ చేశారని.. వెంటనే ఆయన్ను విడుదల చేయాలని డిమాండ్ చేశారు.