మండలిలో కేటీఆర్ సీరియస్

కేంద్ర ప్రభుత్వానికి రాష్ట్ర వినతులు అరణ్య రోధనగా ఉందని తెలంగాణ మంత్రి కేటీఆర్ అన్నారు. తాము కొత్త రోడ్లకు ఆలోచన చేస్తుంటే… కేంద్రం ఉన్న రోడ్లను మూస్తుందని ఆయన విమర్శించారు. కంటోన్మెంట్ లో రోడ్ల మూసివేతపై కేంద్ర మంత్రి రాజ్ నాథ్ సింగ్ కు 10 లేఖలు రాసినా ఉలుకు పలుకు లేదని కేటీఆర్ చెప్పారు. తెలంగాణ శాసన మండలిలో కేటీఆర్ ఈ మేరకు ఒకింత అసహనం వ్యక్తం చేశారు. లాక్ డౌన్ లో రాష్ట్రం పనిచేయాలని అనుకుంటే… కేంద్రం వల్ల పనులు ఆగిపోయాయన్నారు. విభజన రాజకీయాలు కాకుండా… రాష్ట్రం కోసం బిజెపి ప్రజా ప్రతినిధులు ఏమైనా పనిచేస్తే మంచిగా ఉంటదంటూ కేటీఆర్ సూచించారు. నాలుగు ప్రణాళికలతో హైదరాబాద్ నగరంలో రోడ్లను అభివృద్ధి చేస్తున్నామని.. మిస్సింగ్, లింక్ రోడ్లను గుర్తించి అభివృద్ధి పరుస్తున్నామని కేటీఆర్ తెలిపారు