Breaking News
  • దేశవ్యాప్త కోవిడ్-19 గణాంకాలు: 24 గంటల వ్యవధిలో నమోదైన కొత్త కేసులు: 93,337. దేశవ్యాప్త మొత్తం కేసుల సంఖ్య: 53,08,015. 24 గంటల వ్యవధిలో దేశవ్యాప్త మరణాలు: 1,247. దేశవ్యాప్తంగా మొత్తం మరణాల సంఖ్య: 85,619. 24 గంటల్లో డిశ్చార్జయినవారి సంఖ్య: 95,880. దేశవ్యాప్తంగా డిశ్చార్జయిన మొత్తం కేసులు: 42,08,431. దేశవ్యాప్తంగా మొత్తం యాక్టివ్ కేసుల సంఖ్య: 10,13,964.
  • దేశంలో అల్-ఖైదా ఉగ్రవాదుల కుట్ర భగ్నం. కుట్రను భగ్నం చేసిన నేషనల్ ఇన్వెస్టిగేషన్ ఏజెన్సీ. కేరళ, బెంగాల్ సహా దేశవ్యాప్తంగా 11 ప్రదేశాల్లో ఎన్ఐఏ దాడులు. దాడుల్లో 9 మంది ఉగ్రవాదులు అరెస్ట్. బెంగాల్‌లో 6గురు, కేరళలో ముగ్గురు అరెస్ట్. మారణాయుధాలు, డిజిటల్ పరికరాలు, డాక్యుమెంట్లు, జిహాదీ సాహిత్యం లభ్యం. ఇంట్లో తయారుచేయగలిగే బాంబులు, వాటికి సంబంధించిన సమాచారం స్వాధీనం. భారీగా ప్రాణనష్టం కల్గించే ఉగ్రవాద చర్యలకు కుట్ర. దేశ రాజధాని సహా ఏకకాలంలో పలు ప్రాంతాల్లో దాడులు జరపాలని పన్నాగం.
  • ఆరోగ్య శాఖ మంత్రి ఇ ఈటెల రాజేందర్ పేషీలో ఏడుగురికి సోకిన కరోనా. మంత్రి చుట్టూ ఉండే సిబ్బంది మొత్తానికి సోకిన వైరస్. ఇద్దరు పీఏ లు, ముగ్గురు గన్మెన్లు, ఇద్దరు డ్రైవర్లకు కరోనా. ప్రతి రెండు వారాలకు తన సిబ్బందికి టెస్టు చేయిస్తున్న మంత్రి. BRK భవన్ లో ఒక్కరోజే 13 మందికి పాజిటివ్.
  • తెలంగాణ కరోనా కేసుల అప్డేట్స్: తెలంగాణ లో వేయి దాటినా కరోనా మరణాలు. తెలంగాణలో ఒకరోజు టెస్ట్ లో సంఖ్య 54459. తెలంగాణ లో కరోనా టెస్టింగ్స్ :2445409. రాష్ట్రంలో ఈరోజు పాజిటివ్ కేసులు : 2123. తెలంగాణ రాష్ట్రంలో మొత్తం కరోనా కేసులు : 169169. జిహెచ్ఎంసి లో కరోనా కేసులు సంఖ్య : 305. జిహెచ్ఎంసి లో మొత్తం కరోనా కేసులు సంఖ్య : 56982. కరోనా తో ఈరోజు మరణాలు : 10. ఇప్పటి వరకూ మరణాలు మొత్తం : 1025. చికిత్స పొందుతున్న కేసులు : 30636. ఈరోజు ఆసుపత్రి నుంచి డిశ్చార్చి అయిన వారు: 2151. ఇప్పటి వరకూ డిశ్చార్జి అయిన సంఖ్య: 137508.
  • అమరావతి : టీడీపీకి విశాఖ సౌత్ ఎమ్మెల్యే వాసుపల్లి గణేష్ గుడ్ బై. నేడు ముఖ్యమంత్రి వైఎస్ జగన్ ను కలవనున్న వాసుపల్లి. మధ్యాహ్నం 12:30 కి సీఎం తో అపాయింట్మెంట్ . వల్లభనేని వంశీ, మద్దాలి గిరి, కరణం బాటలో వైసీపీ కి మద్దతు తెలిపే అవకాశం.
  • సుమేధ కేసులో పోలీసులకు అందిన పోస్టుమార్టం రిపోర్ట్: సైకిల్ పై తొక్కుతూ నాల లో పడిపోయిన సుమేధ. కింద పడిపోగానే తలకు బలమైన గాయం. తలకు బలమైన గాయం కావడంతో అపస్మారక స్థితిలో కి వెళ్ళింది. నాల లో పడి పోవడంతో నీళ్లు తాగింది. దీంతో శరీరంలో మొత్తం నీరు చేరి ఉబ్బిపోయింది. ఊపిరితిత్తులలోకి నీరు చేరడంతో శ్వాస ఆడక చనిపోయింది సుమేధ.

కేంద్రంతో తాడోపేడో..కెసీఆర్ యాక్షన్ ప్లాన్

kcr to fight modi govt, కేంద్రంతో తాడోపేడో..కెసీఆర్ యాక్షన్ ప్లాన్

నరేంద్ర మోదీ సారథ్యంలోని కేంద్ర ప్రభుత్వంపై తెలంగాణ ముఖ్యమంత్రి కేసీఆర్‌ పోరుకి సిద్ధమవుతున్నారా? తెలంగాణ సమస్యలను పెడచెవిన పెడుతున్న మోదీ సర్కారుతో తాడో పేడో తేల్చుకోవడానికి సిద్ధమవుతున్నారా? గత కొద్దిరోజులుగా జరుగుతున్న పరిణామాలు దేనికి సంకేతాలు? ఈ చర్చ ఇప్పుడు తెలంగాణ రాజకీయ వర్గాల్లో పెద్ద ఎత్తున వినిపిస్తోంది.

తెలంగాణ ఏర్పడిన వెంటనే ఖమ్మం జిల్లాలోని 7 మండలాలను ఆంధ్రప్రదేశ్‌లో కలుపుతూ మోదీ సర్కార్‌ నిర్ణయం తీసుకుంది. దీనిపై కేసీఆర్‌ మండిపడ్డారు. కేంద్రం తీరును తీవ్రంగా నిరసించారు. మోదీ ప్రభుత్వ చర్యకు నిరసనగా అప్పట్లో బంద్‌కి పిలుపునిచ్చారు.

ఆ తర్వాత బీజేపీకీ, టిఆర్‌ఎస్‌కీ మధ్య క్రమంగా సఖ్యత పెరుగుతూ వచ్చింది. నోట్ల రద్దు , జీఎస్‌టీ లాంటి కీలకనిర్ణయాల విషయంలో, కేసీఆర్‌ మోదీ ప్రభుత్వానికి మద్దతు పలికారు. ఇక రాష్టపతి ఎన్నికల్లోనూ, అనేక బిల్లుల ఆమోదంలోను టీఆర్‌ఎస్‌ బీజేపీ వైపునే నిలబడింది.

ఆ తర్వాతే పరిస్థితిలో మార్పు వచ్చింది. తెలంగాణ బిజెపి నాయకత్వం కెసీఆర్ ప్రభుత్వంపై యుద్దం ప్రకటించింది. 2018 అసెంబ్లీ ఎన్నికల్లో టిఆర్ఎస్‌ను ఓడించేందుకు బిజెపి ప్రయత్నించింది. దాంతో రెండు పార్టీల మధ్య గ్యాప్ పెరిగిపోయింది. ఆ తర్వాత జరిగిన లోక్‌సభ ఎన్నికల్లో నరేంద్ర మోదీ చరిష్మా టిఆర్ఎస్ పార్టీ జైత్రయాత్రను కొంత మేరకు నిలువరించింది.

అయితే, కేంద్రంలో రెండోసారి ప్రధానిగా పదవీ బాధ్యతలు చేపట్టిన తర్వాత మోదీ తెలంగాణపై పూర్తిస్థాయిలో నిర్లక్ష్యం ప్రదర్శిస్తున్నారని కెసీఆర్ భావిస్తున్నారు. జిఎస్టీ పన్నుల్లో వాటా ఇవ్వడంలోను, వివిధ శాఖ కింద రాష్ట్రానికి కేటాయించాల్సిన నిధుల విషయంలోను మోదీ ప్రభుత్వం తెలంగాణ విఙ్ఞప్తులను పెడచెవిన పెడుతుందని కెసీఆర్ అనుకుంటున్నారు.

అందుకే కేంద్రంపై యుద్దానికి సిద్దమవుతున్నారని గులాబీదళంలో జోరుగా చర్చ జరుగుతోంది. ఓ వివాహానికి హాజరయ్యేందుకు డిసెంబర్ మొదటివారంలో ఢిల్లీ వెళ్ళిన కెసీఆర్.. ప్రధాన మంత్రిని కలిసేందుకు ప్రయత్నించగా.. టైమ్ దొరకలేదన్న కథనాలు కూడా వున్నాయి. ఈ నేపథ్యంలో భారీగా జాబితాతో.. గత అయిదేళ్ళుగా కేంద్రం నిర్లక్ష్యానికి నిదర్శనాల వివరాలతో కలిసి.. టిఆర్ఎస్ ఎంపీల బృందంతోపాటు కెసీఆర్ ప్రధానిని కలిసేందుకు త్వరలోనే ఢిల్లీ వెళ్ళేందుకు సన్నాహాలు ప్రారంభించినట్లు తెలుస్తోంది. పార్లమెంటు వింటర్ సెషన్ ముగిసేలోగా సీఎం ఢిల్లీ వెళతారని అందుకు రంగం సిద్దమవుతోందని గులాబీ శ్రేణులు చెబుతున్నారు.

Related Tags