Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

జుగల్బందీ భేటీలో ఎవరు ఎవరికి ప్లాంక్ కార్డు ?

trump-modi-who-benefits-more-with-houston-meet, జుగల్బందీ భేటీలో  ఎవరు ఎవరికి ప్లాంక్ కార్డు ?

హ్యూస్టన్ సదస్సే ఇపుడు ప్రపంచవ్యాప్తంగా చర్చనీయాంశం. మోడీ, ట్రంప్ ప్రపంచాధినేతలుగా నిలిచిన హ్యూస్టన్ భేటీపై యావత్ ప్రపంచం ఆశ్చర్యానికి గురైంది. పలు దేశాధినేతలు సైతం తమ తమ అజెండాలను పక్కన పెట్టి సుమారు రెండు గంటల పాటు జరిగిన హ్యూస్టన్ సదస్సునే కళ్ళార్పకుండా చూశారంటే ఈ భేటీ ఎంతటి అటెన్షన్ క్రియేట్ చేసిందో అర్థం చేసుకోవచ్చు. పోప్ తర్వాత ఒక విదేశీయునికి ఇలాంటి స్టాండింగ్ ఏవియేషన్ దక్కిందంటే అది ఒక్క నరేంద్ర మోదీకే. ఒక అమెరికా అధ్యక్షుడు ఒక విదేశీ ప్రభుత్వాధినేత కార్యక్రమానికి హాజరవడం కూడా చరిత్రలో ఇదే తొలిసారి. ట్రంప్ హాజరు కావడం ఒక ఎత్తైతే.. ఆయనే స్వయంగా నరేంద్ర మోదీని ఆకాశానికెత్తేలా పొగడ్డం మరింత ఆశ్చర్యానికి గురిచేసే అంశం. అదే సమయంలో మోదీ సైతం తన ప్రసంగంలో నాలుగైదు నిమిషాల పాటు ట్రంప్ ని పొగిడేందుకే కేటాయించారు. మొత్తానికి ఈ భేటీ ద్వారా ఇద్దరు అధినేతలు తమ తమ పర్సనల్ అజెండాలను తమదైన శైలిలో తెర మీదికి తెచ్చారు.. తమ తమ వ్యూహాలను అత్యంత వ్యూహాత్మకంగా అమల్లోకి తెచ్చారు. ఇంతకీ ఈ భేటీలో ఎవరి వ్యూహం ఏంటి ?

trump-modi-who-benefits-more-with-houston-meet, జుగల్బందీ భేటీలో  ఎవరు ఎవరికి ప్లాంక్ కార్డు ?

ముందుగా మోదీ వ్యూహమేంటో చూద్దాం. రెండో సారి అధికార పగ్గాలు చేపట్టిన తర్వాత నరేంద్ర మోదీ దూకుడు పెంచిన సంగతి తెల్సిందే. ముందుగా ట్రిపుల్ తలాక్ పై తాను అనుకున్నది చేసేసారు మోదీ. ఆ తర్వాత కాశ్మీర్ ని విభజిస్తూ ఆర్టికల్ 370 ని రద్దు చేస్తూ అనూహ్య నిర్ణయం తీసుకుని కఠిన నిర్ణయాలను తీసుకోవడంలో తాను ఎంత స్ట్రాంగ్ లీడరో ప్రపంచానికి చాటారు. కాశ్మీర్ భారత్లో అంతర్భాగమని, ఈ విషయంలో పాకిస్తాన్ చేయగలిగిందేమీ లేదని గట్టిగానే చాటారు. అదే సమయంలో కాశ్మీర్లో తీవ్ర నిర్బంధ పరిస్థితులను ఇంపోజ్ చేసి, మీడియాని నియంత్రించి ఇందిరా గాంధీ తర్వాత అంతటి ఉక్కు సంకల్పం తనదని చాటుకున్నారు మోదీ. అంతర్జాతీయంగా పాకిస్తానుకు ఎలాంటి మద్దతు దొరక్కుండా తనదైన శైలిలో చక్రం తిప్పారు మోదీ. సరిగ్గా ఇలాంటి కీలక సమయంలో జరిగిన హ్యూస్టన్ భేటీని కూడా మోదీ చాల చాకచక్యంగా వినియోగించుకున్నారు. అందరికి ట్రంప్ ని పొగిడింది మాత్రమే కనిపించింది కానీ, పాకిస్తాన్ పేరు గాని ఇమ్రాన్ ఖాన్ పేరును గాని ప్రస్తావించకుండా ఆ దేశాన్ని ఉగ్రవాద దేశంగా అభివర్ణిస్తూ ప్రపంచ యవనికపై ఆ దేశానికి అండా దండా ఉండకూడదని పరోక్షంగా చాటారు. ఈ కామెంట్స్ అన్నీ సాక్షాత్తూ అమెరికా ప్రెసిడెంట్ ముందు చేయడం ద్వారా ఇద్దరికి అభిమతం ఒక్కటే అని చాల గట్టిగా సందేశాన్నిచ్చారు మోదీ. ఇక్కడ మరో ప్రధాన మైన అంశం భారత ఆర్థిక వ్యవస్థ. గత కొద్దిరోజులుగా పడిపోతున్న జిడిపిపై విపక్షాలు నానా రాద్ధాంతం చేస్తున్నాయి. ఈ సమయంలో భారత ఆర్థిక వ్యవస్థకు బూస్ట్ ఇవ్వడం ప్రధానిగా మోదీ బాధ్యత. అమెరికా పర్యటనకు వెళ్లిన మోదీ భారీ స్థాయిలో పెట్టుబడుల ఆకర్షణ లక్ష్యంగా వెళ్లారు. దీనికి హ్యూస్టన్ వేదికను అత్యంత పక్కాగా వాడుకున్నారు. 50 వేల మంది ప్రవాసాంధ్రులు హాజరైన హ్యూస్టన్ సదస్సులో దేశ భక్తిని రగిల్చడంలో మోదీ సక్సెస్ అయ్యారనే చెప్పాలి. లోక నాయకుడుగా తనను తాను చాటుకోవడంతో పాటు కాశ్మీర్ అంశంలో అంతర్జాతీయ మద్దతు, పాకిస్తాన్ను ఏకాకిని చేయడం, భారీ స్థాయిలో పెట్టుబడులను ఆకర్షించడం.. ఇలాంటి వ్యూహంతో వెళ్లిన మోదీ… ఆల్మోస్ట్ సక్సెస్ అయినట్టుగానే ప్రస్తుతానికి కనిపిస్తోంది.

trump-modi-who-benefits-more-with-houston-meet, జుగల్బందీ భేటీలో  ఎవరు ఎవరికి ప్లాంక్ కార్డు ?

ఇక ట్రంప్ కోణంలో చూస్తే ఆయనకిపుడు రెండో సారి అధ్యక్ష బాధ్యతలను చేపట్టడమే లక్ష్యం. ఇందుకోసం ఆయనకొక ప్రవాస భారతీయుల వోట్ చాలా అవసరం ఆయనకు. అందుకే భారత్ తమకు అత్యంత ఆప్తమైన మిత్ర దేశమని ట్రంప్ ఇటీవల కాలంలో పదే పదే చాటుతున్నారు. హ్యూస్టన్ వేదిక నుంచి మోదీని ఆకాశానికి ఎత్తేయడం ద్వారా అయన అమెరికన్ భారతీయుల ఓట్లకు పెద్ద కాలమే వేశారు. “అబ్ కీ బారీ ట్రంప్ సర్కార్” అనడం ద్వారా మోదీ.. డోనాల్డ్ ట్రంప్ ఎన్నికల ప్రచారంలో పరోక్షంగా భాగస్వామికి అయ్యారు. అధ్యక్షునిగా ఉన్న వ్యక్తి ఒక విదేశీయుని కార్యక్రమానికి తన ప్రోటోకాల్ ని సైతం పక్కన పెట్టి హాజరయ్యారంటే దాని వెనుక బలమైన కారణమే ఉండి ఉంటుందని అందరు భావించారు .. అనుకున్నట్టే మోదీ మద్దతు పొందండం ద్వారా తన రాక వెనుక ఆంతర్యాన్ని, వ్యూహాన్ని చాటుకున్నారు.. అనుకున్నది సాధించారు మోదీ.

trump-modi-who-benefits-more-with-houston-meet, జుగల్బందీ భేటీలో  ఎవరు ఎవరికి ప్లాంక్ కార్డు ?

నిజానికి అమెరికా, ఇండియాల మధ్య వాణిజ్యఅంశాలు ఒకింత సున్నితంగానే ఉన్నాయి. అయితే హ్యూస్టన్ భేటీలో ఆ అంశాన్ని ఇద్దరు అధినేతలు ప్రస్తావించకుండా వ్యూహాత్మకంగానే వ్యవహరించారు. అయితే ద్వైపాక్షిక చర్చల్లో ఈ కీలక అంశంపై క్లారిటీ రాకపోతే హ్యూస్టన్ భేటీ ద్వారా ఇద్దరు కూడా గట్టుకున్న ఛరిష్మాకు బీటలు వారక తప్పదు. అదే సమయంలో మోదీ పరోక్షంగా పాకిస్తాన్ ను విపరీతంగా ఎండగట్టిన ట్రంప్ ఆ అంశం జోలికి వెళ్ళలేదు. అంటే పాకిస్తాన్ విషయంలో అమెరికాది ద్వంద విధానమేనా? అన్న సందేహాలకు ట్రంప్ ఆస్కారమిచ్చారు. ఈ అంశం కూడా ద్వైపాక్షిక చర్చల్లో ఇదమిత్తంగా తేలకపోతే ఇరు దేశాల సంబంధాలు అనుకున్నంత బెటర్ గా ఏమీ లేవన్న విశ్లేషణలకు తావు ఇచ్చినట్లవుతుంది.  మొత్తానికి ఈ హ్యూస్టన్ భేటీ ద్వారా ఎవరు ఎవరికి ప్లాంక్ కార్డు గా ఉపయోగపడ్డారు ? తమ అజెండాలను పూర్తి స్థాయిలో అమలు పరిచి సక్సెస్ అయ్యారు ? ఇది కొంత కాలానికి గానీ తెలియదు..   Let us see how both legends continue this legacy !!

Related Tags