Breaking News
  • భారత్‌-అమెరికా సంబంధాలు మరింత బలపడుతున్నాయి. కరోనాపై పోరులో భారత్‌ చేయాల్సిందంతా చేస్తోంది. సాయం చేయడానికి భారత్‌ ఎప్పుడూ ముందుంటుంది. కరోనా వైరస్‌ను కలిసికట్టుగా ఎదుర్కొంటాం-ప్రధాని మోదీ.
  • ప్రధాని మోదీపై అమెరికా అధ్యక్షుడు ట్రంప్‌ ప్రశంసలు. కరోనాపై యుద్ధంలో భారతీయుల కృషి అభినందనీయం. భారత ప్రధాని మోదీకి నా ధన్యవాదాలు-ట్రంప్‌ ట్వీట్‌.
  • కృష్ణాజిల్లా: మచిలీపట్నంలో గుండెపోటుతో వ్యక్తి మృతి. ఇటీవల కరోనాతో చనిపోయిన వ్యక్తికి సోదరుడు కావడంతో.. స్థానికుల్లో పలు అనుమానాలు. మృతదేహాన్ని మచిలీపట్నం ప్రభుత్వాస్పత్రికి తరలింపు. శాంపిల్స్‌ పరీక్షించే వరకు మృతదేహం ఇవ్వమంటున్న అధికారులు.
  • తెలంగాణలో డయల్‌ 100కు పెరుగుతున్న కాల్స్‌. లాక్‌డౌన్‌ తర్వాత డయల్‌ 100కు 13,34,330 కాల్స్‌. ఎమర్జెన్సీ కాల్స్‌-82,014. కోవిడ్‌ సస్పెక్ట్ కాల్స్‌- 2,710. లాక్‌డౌన్‌ కాల్స్‌-21,758. ఇన్‌ ఎఫెక్టివ్‌ కాల్స్‌-87,665. విచారణ కోసం చేసిన కాల్స్‌- 84,123. తగ్గిన చోరీలు, గృహ హింస, రోడ్డుప్రమాదాల కాల్స్‌.
  • తెలంగాణలో క్రైమ్‌ రేట్‌ తగ్గింది. లాక్‌డౌన్‌ నేపథ్యంలో క్రైమ్‌రేట్‌ భారీగా పడిపోయింది. గతంలో ఎన్నడూ లేని రీతిలో క్రైమ్‌రేటు 56 శాతానికి పడిపోవడం ఊరటనిస్తోంది. లాక్‌డౌన్‌తో దొంగతనాలు పూర్తిగా తగ్గిపోయాయి.

అభిశంసన నుంచి గట్టెక్కి…సెలబ్రేషన్స్ మూడ్‌లో ట్రంప్

Donald Trump was acquitted on the two articles of impeachment against him, అభిశంసన నుంచి గట్టెక్కి…సెలబ్రేషన్స్ మూడ్‌లో ట్రంప్

అనుకున్నట్టే జరిగింది. అమెరికా అధ్యక్షుడు డోనాల్డ్ ట్రంప్ పై సెనేట్‌లో అభిశంసన తీర్మానం వీగిపోయింది. రిపబ్లికన్లు ఎక్కువ సంఖ్యలో ఉన్న ఈ సభలో ఆయన సులభంగా విముక్తుడవుతారని మొదటినుంచీ అనుకున్నదే.. నాలుగు నెలల తన ఇంపీచ్ మెంట్ వ్యవహారం ఇక ముగిసిందని ట్రంప్ ట్వీట్ చేశారు. తాను నిర్దోషినంటూ సెనేట్ ప్రకటించడాన్ని ‘ కాకీ మేమ్ లతో’ సెలబ్రేట్ చేసుకున్నారు. ఒక ఎన్నిక తరువాత ఒకటిగా తాను  విజయం సాధిస్తూ వస్తున్నానని, శాశ్వతంగా తను ఈ దేశాధ్యక్షుడినేనని అన్నారు. . ‘ట్రంప్ 4 ఎవా ‘ పేరిట ఆయన ఓ వీడియో కూడా పోస్ట్ చేశారు. తన నిర్దోషిత్వంపై వైట్ హౌస్ లో ప్రకటన చేస్తానని తెలిపారు.  అయితే అభిశంసన తీర్మానంపై ఓటింగ్ జరిగినప్పుడు ఓ తమాషా జరిగింది. మిట్ రోమ్నే అనే రిపబ్లికన్.. మొదట ట్రంప్ ను దోషిగా పేర్కొన్నారు. అయితే ఇతర కాంగ్రెస్ సభ్యులు, రిపబ్లికన్లు అభ్యంతరం వ్యక్తం చేయడంతో తన మనస్సు మార్చుకుని ట్రంప్ నిర్దోషి అని ప్రకటించారు.

ఇలా ఉండగా.. తమ దేశాధ్యక్షుడిని అభిశంసించడానికి డెమొక్రాట్లు కట్టుకథ అల్లారని వైట్ హౌస్ ప్రెస్ సెక్రటరీ స్టెఫానీ గ్రిషం ఆరోపించారు. డెమొక్రాట్లది సిగ్గుచేటయిన ప్రవర్తన అన్నారు. స్పీకర్ నాన్సీ పెలోసీ మాత్రం ట్రంప్ పై తమ న్యాయ పోరాటం సాగుతూనేఉంటుందన్నారు.. అమెరికా ప్రజాస్వామ్యానికి ఆయన ఓ ప్రమాదకరమైన వ్యక్తి అని ఆమె అభివర్ణించారు. సెనేట్ రాజ్యాంగానికి ద్రోహం చేసిందన్నారు. తలచుకుంటే ట్రంప్ ఎన్నికల వ్యవస్థను కూడా అవినీతిమయం చేయగలడని పెలోసీ దుయ్యబట్టారు.

 

 

Related Tags