Breaking News
  • కేంద్ర హోంశాఖ జారీ చేసిన సరికొత్త మార్గదర్శకాలు. కోవిడ్ ఆంక్షలు సడలిస్తూ కేంద్రం సరికొత్త మార్గదర్శకాలు. పాఠశాలలు తెరిచే విషయంలో రాష్ట్రాలకే స్వేచ్ఛ. కంటైన్మెంట్ జోన్లలో మరింత కఠినంగా ఆంక్షలు. కంటైన్మెంట్ జోన్ల వెలుపల మరిన్ని సడలింపులు.
  • అక్టోబర్ 15 తర్వాత నుంచి ఆంక్షల సడలింపులు: 50 శాతం సీటింగ్ సామర్థ్యంతో సినిమా థియేటర్లు, మల్టీప్లెక్సులు తెరిచేందుకు అనుమతి. క్రీడాకారులు ఉపయోగించే స్విమ్మింగ్ పూల్స్ తెరిచేందుకు అనుమతి. ఎంటర్‌టైన్మెంట్ పార్కులు, ఆ తరహా ప్రదేశాలు తెరిచేందుకు సైతం అనుమతి. తెరుచుకోనున్న అన్ని చోట్లా కఠినంగా కోవిడ్ జాగ్రత్తల అమలు. అక్టోబర్ 15 తర్వాత దశలవారిగా విద్యాసంస్థలు తెరిచేందుకు రాష్ట్రాలకు వెసులుబాటు. పాఠశాలల్లో కఠినంగా కోవిడ్ జాగ్రత్తల అమలు. ఆన్‌లైన్ - దూరవిద్య విధానాల కొనసాగింపు. ఆన్‌లైన్ తరగతులు కోరుకున్న విద్యార్థులకు కొనసాగించుకునే అవకాశం. విద్య, క్రీడ, వినోద, సాంస్కృతిక, మత, ధార్మిక, రాజకీయ సభలు సమావేశాలకు 100 మంది వరకు ఇప్పటికే అనుమతి. 100 మందికి మించి అనుమతించే విషయంలో రాష్ట్రాలకు స్వేచ్ఛ. మూసి ఉన్న హాల్స్ లో 50% సీటింగ్ సామర్థ్యంతో గరిష్టంగా 200 మంది వరకే అనుమతి. ఓపెన్ హాల్స్, బహిరంగ ప్రదేశాల్లో గ్రౌండ్ సామర్థ్యాన్ని బట్టి గరిష్ట సంఖ్య నిర్ణయం.
  • ఇప్పటికీ కొనసాగే ఆంక్షల్లో అంతర్జాతీయ విమానయానం. కంటైన్మెంట్ జోన్లలో అక్టోబర్ 31 వరకు కఠిన లాక్‌డౌన్. అంతర్రాష్ట్ర ప్రజా రవాణా, సరకు రవాణాపై ఎలాంటి ఆంక్షలు లేవు - కేంద్రం.
  • వైద్య, ఆరోగ్యశాఖ ఆస్పత్రులలో నాడు–నేడు పై సీఎం వైయస్‌ జగన్‌ సమీక్ష: నాడు–నేడు కార్యక్రమంలో ఆస్పత్రులలో చేపడుతున్న మార్పులతో పాటు, కొత్తగా ఏర్పాటు చేస్తున్న వైద్య కళాశాలల ప్రస్తుత పరిస్థితిని వివరించిన అధికారులు. పాడేరు, పిడుగురాళ్ల, మచిలీపట్నం, పులివెందులలో వైద్య కళాళాలలకు సంబంధించి భూసేకరణతో పాటు, అవసరమైన అన్ని పనులు పూర్తయ్యాయని, టెండర్ల ఖరారుకు జ్యుడీషియల్‌ రివ్యూకు పంపిస్తున్నామని తెలిపిన అధికారులు.
  • అక్టోబర్ 2న గాంధీ జయంతి సందర్భంగా, తలసేమియా బాధితుల కోసం తెలంగాణా తెలుగు యువత, ఎన్టీఆర్ ట్రస్ట్ సహకారంతో నిర్వహిస్తున్న రక్త దాన శిబిరానికి పిలుపును అందిస్తున్న హిందుపూర్ శాసన సభ్యులు, బసవతారకం ఇండో అమెరికన్ కాన్సర్ హాస్పిటల్ చైర్మన్ శ్రీ నందమూరి బాలకృష్ణ గారు... ఈ సందర్భంగా వారు తలసేమియా వ్యాధి గురించి వివరిస్తూ, రక్త దానం పట్ల ప్రచారంలో ఉన్న పలు అపోహలను తొలగించారు... ఎంత అభివృద్ధి చెందినా రక్తాన్ని కృత్రిమంగా తయారు చేయడం సాధ్యం కాదు కాబట్టి, తోటి ప్రాణాలను కాపాడడానికి మనకు ఉన్న ఒకే ఒక్క ఆయుధం రక్త దానం మాత్రమే అని తెలుపుతూ అభిమానులు, కార్యకర్తలు, ఆరోగ్యం గా ఉన్న ప్రతి ఒక్కరూ రక్త దానం చేసి, ఆపదలో ఉన్న ప్రాణాలను కాపాడాలని పిలుపునిచ్చారు...
  • చెన్నై హిందూ మున్నని సంస్థ వ్యవస్థాపకుడు రామగోపాలన్ ( 94 ) మృతి . కరోనా మహమ్మారి కారణంగా ఆస్పత్రిలో చికిత్స పొందుతూ మృతి . 1980 లో హిందూ ధర్మ పరిరక్షణ కోసం హిందూ మున్నని అనే సంస్థను ఏర్పాటు చేసిన రామగోపాలన్. హిందూ ధర్మ పరిరక్షణ కోసం రాష్ట్ర వ్యాప్తంగా పలు ఉద్యమాలను నడిపించిన రామగోపాలన్ . హిందూ మున్నని సంస్థ వ్యవస్థాపకుడు రామగోపాలన్ మృతి సంతాపం తెలిపిన పలువురు రాజకీయ ప్రముఖులు .
  • విజయవాడ: వ్యవసాయ రంగంలో మౌలిక సదుపాయాల అభివృద్ధి కోసం కేంద్ర ప్రభుత్వం మౌలిక సదుపాయాల నిధి ఏర్పాటు. ఆంధ్రప్రదేశ్ రాష్ట్రానికి మొదటి విడతగా 6540 కోట్లు కేటాయింపు. కృష్ణాజిల్లాలో ఔత్సాహిక రైతుల వ్యవసాయ అనుబంధ సంఘాలుకు ప్రాజెక్టులు ఏర్పాటు చేసి, బ్యాంకుల ద్వారా ఋణాలు. వ్యవసాయ మౌలిక సదుపాయాల ప్రాజెక్టులకు 3 శాతం వడ్డీ రాయితీ. జిల్లా కలెక్టర్ ఇంతియాజ్.

ఆర్థిక సంక్షోభం నుంచి రాష్ట్రాలను కేంద్రం ఆదుకోవాలిః కేకే

దేశాన్ని పట్టిపీడిస్తున్న మ‌హమ్మారిని ఎదుర్కోవడంలో ఫెడ‌ర‌ల్ సూత్రాల‌కు వ్య‌తిరేకంగా కేంద్రం వ్య‌వ‌హ‌రిస్తోంద‌ని టీఆర్ఎస్ రాజ్యసభపక్షనేత కే.కేశవరావు అన్నారు. కోవిడ్‌19 అంశంపై బుధవారం రాజ్య‌స‌భ‌లో చ‌ర్చ సంద‌ర్భంగా కేశ‌వ‌రావు మాట్లాడారు.

trs mp keshav rao asks centre to give funds to states and data of migrant workers, ఆర్థిక సంక్షోభం నుంచి రాష్ట్రాలను కేంద్రం ఆదుకోవాలిః కేకే

దేశాన్ని పట్టిపీడిస్తున్న మ‌హమ్మారిని ఎదుర్కోవడంలో ఫెడ‌ర‌ల్ సూత్రాల‌కు వ్య‌తిరేకంగా కేంద్రం వ్య‌వ‌హ‌రిస్తోంద‌ని టీఆర్ఎస్ రాజ్యసభపక్షనేత కే.కేశవరావు అన్నారు. కోవిడ్‌19 అంశంపై బుధవారం రాజ్య‌స‌భ‌లో చ‌ర్చ సంద‌ర్భంగా కేశ‌వ‌రావు మాట్లాడారు. మ‌హ‌మ్మారి అనంత‌రం దేశ వ్యాప్తంగా ఆర్థిక సంక్షోభం ఏర్ప‌డింద‌న్నారు. ఈ విపత్కర పరిస్థితులను అధిగమించడానికి కేంద్రం నుంచి రాష్ట్రాల‌కు 8,000 కోట్లు రావల్సి ఉండగా, ఎవ‌రూ మాట్లాడ‌డం లేద‌న్నారు. గ‌తంలోనూ మ‌హమ్మారుల‌ను ఎదుర్కొన్నామ‌ని, కానీ ఫెడ‌ర‌ల్ సూత్రాల‌కు వ్య‌తిరేకంగా కేంద్రం వ్య‌వ‌హ‌రిస్తోంద‌న్నారు. లాక్‌డౌన్ ప్ర‌క‌టించిన మూడు రోజుల త‌ర్వాత గానీ అయా రాష్ట్ర ముఖ్యమంత్రులతో ప్ర‌ధాని మాట్లాడారని ఎంపీ కేశ‌వ‌రావు అన్నారు.

అలాగే కేంద్ర ప్ర‌భుత్వం వీలైనంత త్వ‌ర‌గా వ‌ల‌స కూలీల వివరాలను త‌యారు చేయాల‌ని సూచించారు. కేంద్ర ప్ర‌భుత్వం ఎటువంటి నిర్ణ‌యం తీసుకున్నా.. రాష్ట్ర ప్ర‌భుత్వాల‌ను ప‌రిగ‌ణ‌లోకి తీసుకోవాల‌న్నారు. లాక్‌డౌన్ సమయంలో వేలాది సంఖ్య‌లో వ‌ల‌స కూలీలు వారివారి స్వంత రాష్ట్రాల‌కు తరలి వెళ్లార‌ని, ఆ స‌మ‌యంలో కొంద‌రు వ‌ల‌స కూలీలు మృతిచెందార‌న్నారు. వారికి సంబంధించిన వివరాలు లేక‌పోవ‌డం శోచ‌నీయ‌మ‌న్నారు. క‌రోనా వైర‌స్ వ్యాక్సిన్ తయారీలో భార‌త్ ముందు వరుసలో ఉంద‌న్న కేకే.. త్వరలో మహమ్మారిని కట్టడి చేయాలన్నారు. కరోనా నియంత్రణలో తెలంగాణ ప్రభుత్వం అన్ని విధాలు ప్రయత్నిస్తున్న కేశవరావు.. హైద‌రాబాద్‌లోని గ‌చ్చిబౌలిలో తెలంగాణ ప్ర‌భుత్వం రెండు వేల పడకలతో కొవిడ్ కేర్ సెంటర్ ఏర్పాటు చేసిన‌ట్లు తెలిపారు. లాక్‌డౌన్ వ‌ల్ల నిరుద్యోగం పెరిగింద‌ని, రాబోయే రోజుల్లో ప‌రిస్థితి దారుణంగా ఉంటుంద‌న్నారు. ప్రభుత్వాలు భవిష్యత్ దృష్ట్యా ముందస్తు చర్యలు చేపట్టాలన్నారు.

Related Tags