Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

పదవులపై మెత్తబడ్డ గులాబీ అసంతృప్త నేతలు.. కారణం అదేనా?

Trs high commend calls for Dissatisfied leaders in TRS party, పదవులపై మెత్తబడ్డ గులాబీ అసంతృప్త నేతలు.. కారణం అదేనా?

టీఆర్ఎస్‌ మేమూ ఓనర్లమేనంటూ ఇటీవల కొంతమంది ఆపార్టీ సీనియర్లు బహిరంగంగానే వ్యాఖ్యలు చేస్తున్న విషయం తెలిసిందే. ఇదిలా ఉంటే పార్టీలో మంత్రివర్గ విస్తరణ మరింత మంట రాజేసింది. మంత్రి పదవులపై ఎన్నో ఆశలు పెట్టుకున్న నేతలకు విస్తరణలో మొండిచేయి చూపడంతో సీఎం కేసీఆర్‌పై తీవ్ర వ్యతిరేకతను వ్యక్తంచేస్తున్నారు. రెండోసారి మంత్రి వర్గ విస్తరణలో తమకు ఖచ్చితంగా పదవులు దక్కుతాయని చాలమంది ఆశలు పెట్టుకున్నారు. వారిలో సీనియర్ నేత నాయని నర్సింహారెడ్డి, తాటికొండ రాజయ్య, బాజిరెడ్డి గోవర్ధన్, జూపల్లి కృష్ణారావులు ఎంతగానో ఎదురు చూశారు. అయితే రెండోదఫాలో వీరికి ఛాన్స్ ఇవ్వలేకపోయారు సీఎం కేసీఆర్.  దీంతో వారు అసంతృప్తికి లోనైనట్టు వార్తలొచ్చాయి.

పరిస్థితి ఇలాగే కొనసాగితే పార్టీకి నష్టం జరుగుతుందని భావించిన గులాబీ బాస్ నష్ట నివారణ చర్యలు ముమ్మురం చేసినట్టుగా తెలుస్తోంది. అసంతృప్తితో ఉన్న నేతలకు త్వరలో మంచి పదవులు ఇవ్వనున్నట్టుగా సీఎం కేసీఆర్ భరోసా ఇచ్చినట్టుగా తెలుస్తోంది. ఈ మేరకు గులాబీ బాస్ ఫోన్లు కూడా చేసినట్టు సమాచారం. దీంతో అసమ్మతి గళం విప్పిన నేతలు ఒక్కక్కొరు నెమ్మదించినట్టుగా తెలుస్తోంది.

పదవి వస్తుందని ఆశపడి భంగపడ్డ ఎమ్మెల్యే తాటికొండ రాజయ్య మాట్లాడుతూ తాను సీఎం కేసీఆర్, టీఆర్ఎస్ పార్టీకి వ్యతిరేకంగా ఎలాంటి వ్యాఖ్యలు చేయలేదని, భవిష్యత్తులో మాదిగలకు త్వరలోనే ఉన్నత పదవులు వస్తాయన్న నమ్మకం తనకు ఉందంటూ వ్యాఖ్యానించారు. మరో నేత జూపల్లి కృష్ణారావు సైతం తాను పార్టీ మారుతున్నట్టు వస్తున్న వార్తల్లో నిజం లేదంటూ కొట్టిపారేశారు. ఇక మరో నేత బాజిరెడ్డి గోవర్ధన్ కూడా మంత్రి పదవి రాలేనందుకు బాధగా లేదంటూ సైలెంట్ అయ్యారు.
సీనియర్ నేతలు ఒక్కొక్కరు బయటకు వచ్చి వ్యాఖ్యలు చేయడంతో గులాబీ బాస్ వెంటనే వీరిని బుజ్జగించినట్టుగా తెలుస్తోంది.