Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

మరి.. శబరిమల విషయం మరిచారా?- ఓవైసీ

Asaduddin Owaisi about Triple Talaq Bill, మరి.. శబరిమల విషయం మరిచారా?- ఓవైసీ

ట్రిపుల్ తలాక్‌ను నేరంగా పరిగణించే రక్షణ బిల్లు-2019ను కేంద్ర న్యాయశాఖ మంత్రి రవిశంకర్ ప్రసాద్ నేడు లోక్‌సభలో ప్రవేశపెట్టారు. అయితే ఈ బిల్లుపై లోక్‌సభలో పెద్ద ఎత్తున అభ్యంతరాలు వ్యక్తమయ్యాయి.  అన్ని పార్టీలతో సంప్రదించి విస్తృతంగా చర్చించిన తర్వాతే బిల్లును సభలో ప్రవేశపెట్టాలని విపక్ష పార్టీలు డిమాండ్ చేశాయి. అటు కాంగ్రెస్ సభ్యుడు శశిథరూర్ కూడా ఈ బిల్లు పట్ల అభ్యంతరం వ్యక్తం చేశారు. దేశం వ్యాప్తంగా ఒకే విధమైన చట్టం అవసరమని ఆయన అభిప్రాయపడ్డారు. విపక్షాల అభ్యంతరాల మధ్యే స్పీకర్ ఓం బిర్లా బిల్లుపై చర్చకు వాయిస్ ఓటింగ్ నిర్వహించారు. బిల్లుకు అనుకూలంగా 186 ఓట్లు, వ్యతిరేకంగా 78 ఓట్లు పోల్ అవడంతో ట్రిపుల్ తలాక్ అంశాన్ని చర్చకు స్వీకరించినట్టయింది.

కాగా హైదరాబాద్ ఎంపీ, ఎంఐఎం చీఫ్ అసదుద్దీన్ ఓవైసీ బిల్లును వ్యతిరేకించారు. ట్రిపుల్ తలాక్ బిల్లును తీసుకురావడం రాజ్యాంగంలోని ఆర్టికల్ 14,15లను ఉల్లంఘించడమే అని పేర్కొన్నారు. ట్రిపుల్ తలాక్ చెప్పినంత మాత్రాన వివాహ బంధం ముగిసినట్టు కాదని గతంలో సుప్రీం కోర్టు చెప్పిన విషయాన్ని నాయకులు గుర్తుకు తెచ్చుకోవాలని సూచించారు. అసలు శిక్షల్లోనూ సమానత్వం ఎక్కడుంది? అంటూ ఘాటు వ్యాఖ్యలు చేశారు. ముస్లింమేతరులు తమ భార్యలను వదిలిపెడితే సంవత్సరం జైలు శిక్ష విధిస్తూ.. ముస్లిం మహిళల భర్తలకు మాత్రం ఇదే నేరంపై మూడేళ్లు జైలు శిక్ష విధిస్తున్నారని ఆవేదన వ్యక్తం చేశారు. ఈ బిల్లు ద్వారా ముస్లిం వర్గాలకు కొత్తగా వచ్చే ఆత్మగౌరవం ఏమీ లేదన్న అసద్.. ముస్లిం మహిళలపై ఇంత దృష్టి పెట్టిన ప్రభుత్వం మరి శబరిమలకు వెళ్లాలనుకునే మహిళల గురించి ఎందుకు పట్టించుకోదని ప్రశ్నించారు.

గత ఎన్డీయే ప్రభుత్వం ఈ ఏడాది ఫిబ్రవరిలో ఆర్డినెన్స్ ద్వారా ట్రిపుల్ తలాక్ రద్దు బిల్లును తీసుకొచ్చింది. కాగా రాజ్యసభలో ఈ బిల్లుకు  ఆమోదం లభించకపోవడం.. మరో 40 రోజుల్లో ఆర్డినెన్స్ కాల పరిమితి పూర్తవుతుండటతో ఈసారైనా ఉభయ సభల్లో బిల్లు ఆమోదం పొందేలా చూడాలని మోదీ సర్కార్ భావిస్తోంది.

Related Tags