Viral Video: ఉక్రెయిన్ బంకర్లో దీనస్థితి.. ప్రపంచాన్ని కదిలిస్తున్న చిన్నారి పాట
ఉక్రెయిన్పై రష్యా దండయాత్ర మీద ప్రపంచ దేశాలు మండిపడుతున్నాయి. అధ్యక్షుడు పుతిన్పై తీవ్ర ఆగ్రహం వ్యక్తం చేస్తున్నాయి. ఇలాంటి సమయంలోనే సోషల్ మీడియాలో ఓ వీడియో నెటిజన్లను కన్నీళ్లు పెట్టిస్తోంది.
Trending Video: ఉక్రెయిన్(Ukraine)పై రష్యా(Russia) దండయాత్ర మీద ప్రపంచ దేశాలు మండిపడుతున్నాయి. అధ్యక్షుడు పుతిన్పై తీవ్ర ఆగ్రహం వ్యక్తం చేస్తున్నాయి. ఇలాంటి సమయంలోనే సోషల్ మీడియాలో ఓ వీడియో నెటిజన్లను కన్నీళ్లు పెట్టిస్తోంది. ఓ బాలిక బంకర్లో ఆశ్రయం పొందుతున్న వీడియో ఒకటి వైరల్గా మారింది. అక్కడ ఆ అమ్మాయి ఆశావాదంతో పాట పాడుతూ కనిపించింది. దీనిని చూసిన సోషల్ మీడియా జనాలు ఉద్వేగానికి లోనవుతూ పుతిన్ పై తీవ్ర ఆగ్రహం వ్యక్తం చేస్తున్నారు. రష్యా బాంబు దాడుల నుండి తప్పించుకోవడానికి ఈ చిన్నారి, ఆమె కుటుంబం బంకర్లో దాక్కున్నట్లు తెలుస్తోంది. వీళ్ల చుట్టూ ఇంకా చాలా మంది భయం భయంగా బిక్కుబిక్కు మంటూ దాక్కుని ఉన్నారు. కాగా, ఈ చిన్నారి ప్రసిద్ధ పాట ‘లెట్ ఇట్ గో’ అనే సాంగ్ హమ్ చేస్తుంది. 1 నిమిషం 46 సెకండ్ల నిడివి గల ఈ చిన్నారి వీడియో ప్రపంచవ్యాప్తంగా నెటిజన్లను ఆకర్షిస్తుంది. అయితే ఈ అమ్మాయి పాట విన్న చాలా మంది యూజర్ల కళ్లు చెమర్చాయని కామెంట్లు పెడుతున్నారు. ఉక్రెయిన్లో నివసిస్తున్న ప్రజల క్షేమం కోసం, వీలైనంత త్వరగా యుద్ధం ఆగిపోవాలని ప్రజలు ప్రార్థిస్తున్నారు. ఇక ఆ వీడియోలోని అమ్మాయి పేరు అమేలియా అని చెబుతున్నారు.
వీడియో దిగువన చూడండి…
Beautiful Ukraine Girl Sings “Let it go” to help calm others in a bomb shelter deserves endless retweets ?
— Kevin W. (@Brink_Thinker) March 7, 2022
Also Read: Viral Video: ప్రొఫెషనల్ డ్యాన్సర్లా స్టెప్పులేసిన వధువు.. వరుడు ఫిదా!