ఈ మ్యూజిక్‌కు దోమలు పరార్
మానవ జాతిని ముప్పు తిప్పలు పెడుతున్న దోమల జాతిని అంతం చేసేందుకు తరతరాలుగా యుద్ధాలు (ప్రయోగాలు) జరుగుతూనే ఉన్నాయి. కానీ, అవి తమ బలాన్ని పెంచుకుంటున్నాయే గానీ అంతం మాత్రం కావడం లేదు. దీంతో పరిశోధకులు చేయని ప్రయత్నమంటూ లేదు. సంగీతంతో ఏదైనా నయం చేయొచ్చని తెలుసుకున్న పరిశోధకులు.. ‘‘దాన్ని కూడా ఓ సారి ట్రై చేస్తే పోలా’’ అనుకుంటూ రకరకాల మ్యూజిక్‌లను దోమలపై ప్రయోగించారు. చివరికి ‘ఎలక్ట్రానిక్ మ్యూజిక్’ ఒక్కటే దోమల భరతం పట్టగలద‌ని తెలుసుకున్నారు. […]
మానవ జాతిని ముప్పు తిప్పలు పెడుతున్న దోమల జాతిని అంతం చేసేందుకు తరతరాలుగా యుద్ధాలు (ప్రయోగాలు) జరుగుతూనే ఉన్నాయి. కానీ, అవి తమ బలాన్ని పెంచుకుంటున్నాయే గానీ అంతం మాత్రం కావడం లేదు. దీంతో పరిశోధకులు చేయని ప్రయత్నమంటూ లేదు. సంగీతంతో ఏదైనా నయం చేయొచ్చని తెలుసుకున్న పరిశోధకులు.. ‘‘దాన్ని కూడా ఓ సారి ట్రై చేస్తే పోలా’’ అనుకుంటూ రకరకాల మ్యూజిక్‌లను దోమలపై ప్రయోగించారు. చివరికి ‘ఎలక్ట్రానిక్ మ్యూజిక్’ ఒక్కటే దోమల భరతం పట్టగలద‌ని తెలుసుకున్నారు.
ముఖ్యంగా ‘డబ్‌స్టెప్’ అనే ఎలక్ట్రానిక్ సంగీతం దోమలపై ఎక్కువ ప్రభావం చూపుతున్నట్లు కనుగొన్నారు. స్క్రిలెక్స్ అనే అమెరికన్ మ్యూజీషియన్ కంపోజ్ చేసిన ‘స్కేరీ మాన్‌స్టర్స్ అండ్ నైస్ స్ప్రిట్స్’ ట్రాక్‌ను విన్న ఎల్లోఫీవర్ ఆడ దోమలు మనుషులను కుట్టడం తగ్గించాయి. ఇక మగదోమలైతే.. ఆడ దోమలతో సంపర్కాన్ని కూడా మరిచిపోయాయి.
సాధారణంగా దోమలు తక్కువ ఫ్రీక్వెన్సీ శబ్దాలను మాత్రమే తట్టుకోగలవు. ఆ సమయంలోనే అవి ప్రత్యుత్పత్తిలో పాల్గొని తమ సంతానాన్ని వృద్ధి చేయగలగుతాయి. అధిక ఫ్రీక్వెన్సీ గల మ్యూజిక్ వాటిని గందరగోళానికి గురిచేస్తాయి. ఎప్పుడైతే ‘డబ్‌స్టెప్’ సంగీతాన్ని వినిపిస్తామో.. అప్పుడు వాటి సిగ్నల్స్ (దోమలు ఒకదాన్ని ఒకటి అట్రాక్ట్ కావడానికి చేసుకునే సంజ్ఞలు) పనిచేయడం మానేస్తాయి. ఆ సమయంలో వాటికి రక్తం పీల్చాలనే ఆలోచన కూడా రాదు. సంపర్కం ఆగిపోవడం వల్ల దోమల వృద్ధి తగ్గుతుంది. దోమ కాట్లు తగ్గితే వ్యాధులు కూడా తగ్గుముఖం పడతాయి. ఇంకెందుకు ఆలస్యం.. ఆ మ్యూజిక్ మీరు కూడా విని.. మీ దోమలకూ వినిపించండి మరి.
