పేలిన పవర్ బ్యాంక్.. మంటల్లో యువకుడు

సెల్‌ఫోన్ ఇప్పడు మనిషి జీవితంలో ఓ భాగమై పోయింది. బయటికి వెళ్తే మొదట ఫోన్‌లో సరిపడ ఛార్జింగ్ ఉందా లేదా అని చూసుకోవడం అలవాటుగా మారింది. అంతేకాదు ప్రస్తుతం మొబైల్‌తో పాటుగా పవర్ బ్యాంక్‌ను కూడా వెంటతీసుకెళ్లడం అలవాటుగా మారింది. అయితే అదే ఓ యువకుడి ప్రాణాలపైకి తెచ్చింది. కేరళ కన్నూర్ ఎయిర్‌పోర్టులో ఈ ఘటన చోటు చేసకుంది. తన సెల్‌ఫోన్‌లో ఛార్జింగ్ లేదని అతని వద్ద ఉన్న పవర్ బ్యాంక్‌ సహాయంతో ఛార్జింగ్ పెట్టాడు. అయితే ఆ పవర్ బ్యాంక్‌ను మొబైల్‌ను తన ప్యాంట్ జేబులో పెట్టుకున్నాడు. అంతే ఉన్నట్టుండి ఆ పవర్ బ్యాంక్ ఒక్కసారిగా పేలింది. పెద్ద ఎత్తున మంటలు రావడంతో ఆ యువకుడు మంటల్లో చిక్కకున్నాడు. క్షణాల్లో శరీరంపై ఉన్న బట్టలన్నీ అగ్నికి ఆహుతయ్యాయి. అయితే అక్కడే ఉన్న ఎయిర్ పోర్ట్ సిబ్బందితో పాటు పలువురు మంటలను ఆర్పేశారు. అనంతరం స్థానిక ఆస్పత్రికి తరలించారు. ఈ ఘటన జరిగినప్పుడు అక్కడే ఉన్న కొందరు వీడియో చిత్రీకరించి సామాజిక మాధ్యమాల్లో అప్‌లోడ్ చేశారు. దీంతో ఈ వీడియో వైరల్ గా మారింది.