Funny Video: మర్చిపోయి ‘మందు’ తాగిందా ఏంటి.. ఆగమాగం చేస్తున్న చిరుత.. చూస్తే నవ్వాగదు..
ఎంత మంచి వ్యక్తి అయినా.. కడుపులో కొంచెం ‘మందు’ పడితే కథ వేరే లెవల్లో ఉంటుంది. అడగకపోయినా.. 64 కళలను ప్రదర్శించేస్తారు. ఆ సమయంలో పండే సీన్స్ ముందు ఏ కామెడీ కూడా
ఎంత మంచి వ్యక్తి అయినా.. కడుపులో కొంచెం ‘మందు’ పడితే కథ వేరే లెవల్లో ఉంటుంది. అడగకపోయినా.. 64 కళలను ప్రదర్శించేస్తారు. ఆ సమయంలో పండే సీన్స్ ముందు ఏ కామెడీ కూడా పనికి రాదు. అయితే, మనుషుల్లోనే ఈ కళలు ఉంటాయా? మేం ఎంటర్టైన్ చేయమా? అంటోంది ఓ చిరుత పులి. అవునండీ బాబూ.. ఓ చిరుత చేసిన అల్లరి నెక్ట్స్ లెవల్లో ఉంది. కల్లు తాగిన కోతిలా తెగ అల్లరి చేసేసింది. తన తోకను తానే పట్టుకుని నానా రచ్చ చేసింది. బురదలో దొర్లుతూ, తోకను నోటితో పట్టుకుని, కుప్పిగంతులు వేసింది. ఇందుకు సంబంధించిన వీడియో వైరల్ అవుతోంది.
Untold Nature పేరుతో ఉన్న ఇన్స్టాగ్రమ్ అకౌంట్లో షేర్ చేసిన ఈ వీడియోలో ఓ బురద మడుగులో చిరుత పడుతూ, లేస్తూ దొర్లుతోంది. తన తోకను తానే పట్టుకుని పిచ్చి పట్టినట్లుగా ప్రవర్తించింది. అయితే, అదేదో పామును పట్టుకున్నట్లుగా ఫీల్ అయిన చిరుత.. తన తోకను తానే గట్టిగా పట్టుకుని నానా రచ్చ చేసింది. అందులోనే మరో ట్విస్ట్ కూడా ఉంది. తోకను పట్టుకుంటే పట్టుకుంది గానీ.. తన కాలు ఇరుక్కుపోవడంతో ఇబ్బంది పడింది. అయినప్పటికీ.. తగ్గేదేలే అంటూ.. తోకను మాత్రం వదల్లేదు.
చూడటానికి చాలా ఫన్నీగా ఉన్న ఈ వీడియో ఇన్స్టాలో తెగ వైరల్ అవుతోంది. ఈ వీడియోను చూసి నెటిజన్లు ఫుల్లుగా నవ్వుకుంటున్నారు. ఫన్నీ కామెంట్స్ పెడుతున్నారు. సంక్రాంతి ఎఫెక్ట్.. ఈ చిరుతపై కూడా ఉందని, పండుగ సందర్భంగా రెండు పెగ్గులు ఎక్కువ తాగిందేమో అంటూ ఫన్నీ కామెంట్స్ చేస్తున్నారు. చుక్క పడితే.. ఇట్లనే ఉంటుందని అంటున్నారు. మరెందుకు ఆలస్యం.. మీరూ చూసి ఎంజాయ్ చేయండి.
వైరల్ అవుతున్న ఫన్నీ వీడియో ఇదే..
View this post on Instagram
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..