అమ్మ కడుపులో కవలల బాక్సింగ్.. చూడాల్సిందే

అమ్మ కడుపులో ప్రశాంతంగా ఉండాల్సిన కవలలు రెచ్చిపోయారు. బయటకు రాకముందే తమ అల్లరికి పనిచెప్పారు. గర్భంలో ఉండగానే కవలలైన అమ్మాయిలిద్దరు ఒకరిపై మరొకరు పిడిగుద్దులు కురిపించుకున్నారు. అరుదైన ఈ దృశ్యాన్ని వారి తండ్రి ముచ్చటపడుతూనే వీడియో తీసి విడుదల చేశాడు. చైనాలో నివసించే టోయ్ అనే వ్యక్తి తన భార్యకు నాలుగు నెలలు ఉన్నప్పుడు స్కానింగ్‌ కోసం ఆసుపత్రికి వెళ్లాడు. స్కానింగ్ చేసే సమయంలో ఆ కవలలు భార్య గర్భంలో ఏం చేస్తున్నారో వీడియో తీశాడు. అందులో […]

అమ్మ కడుపులో కవలల బాక్సింగ్.. చూడాల్సిందే
TV9 Telugu Digital Desk

| Edited By: Ravi Kiran

Apr 19, 2019 | 8:08 PM

అమ్మ కడుపులో ప్రశాంతంగా ఉండాల్సిన కవలలు రెచ్చిపోయారు. బయటకు రాకముందే తమ అల్లరికి పనిచెప్పారు. గర్భంలో ఉండగానే కవలలైన అమ్మాయిలిద్దరు ఒకరిపై మరొకరు పిడిగుద్దులు కురిపించుకున్నారు. అరుదైన ఈ దృశ్యాన్ని వారి తండ్రి ముచ్చటపడుతూనే వీడియో తీసి విడుదల చేశాడు.

చైనాలో నివసించే టోయ్ అనే వ్యక్తి తన భార్యకు నాలుగు నెలలు ఉన్నప్పుడు స్కానింగ్‌ కోసం ఆసుపత్రికి వెళ్లాడు. స్కానింగ్ చేసే సమయంలో ఆ కవలలు భార్య గర్భంలో ఏం చేస్తున్నారో వీడియో తీశాడు. అందులో కవలలు ఒకరిపై మరొకరు పిడిగుద్దులు కురిపించుకుంటున్నారు. టోయ్ తీసిన ఈ వీడియోకు వచ్చిన లైక్స్, కామెంట్లకు అంతేలేదు. 2.5మిలియన్ లైక్స్, 80వేల కామెంట్లతో ఈ వీడియో సోషల్ మీడియాలో వైరల్‌గా మారింది. మరోసారి స్కానింగ్‌కు వెళ్లినప్పుడు ఒకరి కౌగిళిలో మరొకరు ఒదిగిపోయి కళ్లకు మరింత కనువిందు చేశారని వారి తండ్రి సంతోషంతో పొంగిపోతూ చెప్పాడు. తల్లి కడుపు నుంచి బయటపడకముందే వారి మధ్య అనుబంధానికి ఇది నిదర్శనమని టోయ్ అంటున్నాడు.

మోమో ట్విన్స్‌గా వ్యవహరించే ఈ కవలల్లో 26వారాల తరువాత 50శాతం మాత్రమే బతికే అవకాశం ఉందని డాక్టర్లు చెప్పినప్పటికీ.. ఈ పిడుగులిద్దరూ దాన్ని పూర్తిగా మార్చేశారు. 32వారాల తరువాత ఏప్రిల్ 8న పుట్టిన ఈ చిన్నారులిద్దరూ ఆరోగ్యంగా, చలాకీగా ఉండటం డాక్టర్లనే ఆశ్చర్యపరిచింది. వీరి తల్లి వీరిద్దరికి ముద్దుగా తనకు ఇష్టమైన పండ్లు చెర్రీ, స్ట్రాబెర్రీ పేర్లనే పెట్టుకుంటూ అపురూపంగా చూసుకుంటోంది. మొత్తానికి ఈ కవలల కథ సుఖాంతం కావడం వైద్యశాస్త్ర చరిత్రనే ఆశ్చర్యంలో ముంచెత్తుతోంది. కాగా ఈ పిల్లలు తాజా ఫొటో కూడా ఇప్పుడు సోషల్ మీడియాలో హల్‌చల్ చేస్తోంది.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu