Bangalore: కుక్కపై ఇంత క్రూరత్వమా? తమను చూసి మొరిగిందని.. ఈ మూర్ఖులు ఏం చేశారో తెలుసా?
ఇటీవల కొందరు కుక్కలపై క్రూరత్వాన్ని ప్రదర్శిస్తున్నారు. కొన్ని రోజుల క్రితం ఒక మహిళ పెంపుడు కుక్కను నేలకేసి కొట్టగా.. ఇటీవల ఒక డాక్టర్ కుక్క మెడకు తాడు కట్టి కారుతో ఈడ్చుకెళ్లాడు. తాజాగా అలాంటి దారుణ ఘటనే మరొకటి బెంగళూరులో చోటు చేసుకుంది.
కుక్కలతో మనుషుల అనుబంధం గురించి ప్రత్యేకంగా చెప్పక్కర్లేదు. ఎంతో విశ్వాసంగా ఉండే ఈ మూగజీవాలను సొంత కుటుంబ సభ్యుల్లా చూసుకుంటారు చాలామంది. వాటికి సకల సౌకర్యాలను సమకూరుస్తుంటారు. కుక్కలు కూడా అలాంటి యజమానుల పట్ల ఎంతో విశ్వాసం కలిగి ఉంటాయి. అయితే ఇటీవల కొందరు కుక్కలపై క్రూరత్వాన్ని ప్రదర్శిస్తున్నారు. కొన్ని రోజుల క్రితం ఒక మహిళ పెంపుడు కుక్కను నేలకేసి కొట్టగా.. ఇటీవల ఒక డాక్టర్ కుక్క మెడకు తాడు కట్టి కారుతో ఈడ్చుకెళ్లాడు. తాజాగా అలాంటి దారుణ ఘటనే మరొకటి బెంగళూరులో చోటు చేసుకుంది.
చుట్టుపక్కల వాళ్లు వారించినా..
రోడ్డున పోతుంటే.. తమను చూసి మొరిగిందని ఓ శునకంపై విచక్షణా రహితంగా దాడికి తెగబడ్డారు ఇద్దరు వ్యక్తులు. దాని మెడకు ఉన్న చెయిన్తో ముందరి కాళ్లను బంధించి.. దుడ్డు కర్రలతో చితకబాదారు. దెబ్బలు తాళలేక బాధతో అది మూలుగుతున్నా.. చుట్టు పక్కలవాళ్లు విడిపించేందుకు ప్రయత్నించినా.. ఆ మూర్ఖులు మాత్రం వినలేదు. చివరకు ఈ ఘటనను వీడియో తీసేందుకు ప్రయత్నించిన వారిని సైతం పక్కకు తోసేసి మరీ మూగజీవిపై దాడి చేశారు. ఇంతలో యజమాని అక్కడికి చేరుకుని వారిని నిలదీశారు. దీంతో అక్కడి నుంచి వెళ్లిపోయారు.
ఈస్ట్ బెంగళూరు కేఆర్ పురం పోలీస్ స్టేషన్ పరిధిలోని మంజునాథ లేఅవుట్లో ఈ ఘటన జరిగింది. తీవ్రంగా గాయపడిన ఆ శునకాన్ని.. ఓనర్ ఆస్పత్రిలో చేర్పించినట్లు తెలుస్తోంది. కాగా దీనికి సంబంధించిన వీడియో ప్రస్తుతం సోషల్ మీడియాలో వైరల్గా మారింది. దీని ఆధారంగానే కేసు నమోదు చేయాలని బెంగళూరు పోలీసులు నిర్ణయించుకున్నారు. యజమాని కూడా కుక్కపై దాడి చేసిన వారిపై కేసు పెట్టేందుకు రెడీ అవుతున్నట్లు తెలుస్తోంది. మరోవైపు వీడియో వైరల్ కావడంతో జంతుప్రేమికులు తెగ మండిపడుతున్నారు. అసలు వాళ్లు మనుషులేనా? మూగజీవిని అలా కొట్టడానికి చేతులెలావచ్చాయంటూ కామెంట్లు పెడుతున్నారు.
In a Inhuman act, A dog was thrashed by Neighbours mercilessly for barking at them previous night at Manjunath Layout near Bhattarahalli. A case has been registered at KR Puram police station. Dog shifted to veterinary hospital by the dog owner for medication. @peta pic.twitter.com/uCcrv8b4bl
— Sagay Raj P || ಸಗಾಯ್ ರಾಜ್ ಪಿ (@sagayrajp) October 4, 2022
మరిన్ని ట్రెండింగ్ వార్తల కోసం క్లిక్ చేయండి..