Viral Video: ఓవైపు సైక్లింగ్.. మరో వైపు స్కిప్పింగ్.. ఈ వీడియో చూస్తే వావ్‌ అనాల్సిందే.
ట్యాలెంట్‌ ఎవరి ఒక్కరి సొత్తు కాదని చెబుతుంటారు. అయితే ఒకప్పుడు ఈ ట్యాలెంట్‌ను ప్రపంచానికి తెలియజేయడానికి సరైన వేదికలు లేక చాలా మంది ఇబ్బందులు పడే వారు. అద్భుతమైన ప్రతిభ ఉండి కూడా కేవలం కొందరికే తమ ప్రతిభ పరిమితం..
ట్యాలెంట్‌ ఎవరి ఒక్కరి సొత్తు కాదని చెబుతుంటారు. అయితే ఒకప్పుడు ఈ ట్యాలెంట్‌ను ప్రపంచానికి తెలియజేయడానికి సరైన వేదికలు లేక చాలా మంది ఇబ్బందులు పడే వారు. అద్భుతమైన ప్రతిభ ఉండి కూడా కేవలం కొందరికే తమ ప్రతిభ పరిమితం అయ్యేది. అయితే ఏమంటూ సోషల్ మీడియాలో అందుబాటులోకి వచ్చిందో అప్పటి నుంచి ఎవరి ప్రతిభను వారే ప్రపంచానికి చాటి చెబుతున్నారు. తమలో ఉన్న ట్యాలెంట్‌తో ప్రాంతాలకు అతీతంగా అభిమానులను సంపాదించుకంటూ ఫాలోయింగ్‌ పెంచుకుంటూ పోతున్నారు. అంతేకాకుండా సోషల్ మీడియా ద్వారా డబ్బులు సైతం ఆర్జిస్తున్నారు.
మనం ఇప్పుడు చెప్పుకోబోయే ఓ యువతి ఈ జాబితాలోకే వస్తుంది. తన ట్యాలెంట్‌తో సోషల్ మీడియాలో వైరల్‌ అవుతోంది. ఇంతకీ ఆ యువతి ఎవరు.? అంతలా ఆమె అందరినీ ఆకర్షించేందుకు చేస్తున్న పనేంటో ఇప్పుడు తెలుసుకుందాం. సైకిల్‌పై రకరకాల విన్యాసాలు చేస్తూ యూజర్లను ఆకట్టుకుంటోంది ఓ యువతి. డ్యాన్స్‌ మొదలు సింగింగ్‌ వరకు అన్ని రకాల సాహసాలు సైకిల్‌పైనే చేస్తూ అందరినీ ఆకట్టుకుంటోంది. ఈ యువతి ఐయామ్‌ సీక్రెట్ గర్ల్‌ అనే ఇన్‌స్టాగ్రామ్‌ ఐడీ పేరుతో వీడియోలను అప్‌లోడ్‌ చేస్తోంది. ప్రస్తుతం ఈమెకు 7 లక్షలకుపైగా ఫాలోవర్లు ఉండడం విశేషం.
View this post on Instagram
ఈ క్రమంలోనే తాజాగా సైకిల్‌తో ఆమె చేసిన ఓ వీడియో నెటిజన్లను ఆశ్చర్యానికి గురి చేస్తోంది. సాధారణంగా స్కిప్పింగ్ చేయడం కాస్త ఇబ్బందిగానే ఉంటుంది. అలాంటిది సైకిల్ తొక్కుతూ స్కిప్పింగ్ చేస్తే ఎలా ఉంటుంది.? ఊహించుకోవడానికే ఆశ్చర్యంగా ఉంది కదూ! అయితే ఈ యువతి మాత్రం దీనిని నిజం చేసి చూపింది. ఓవైపు సైకిల్ తొక్కుతూనే మరోవైపు రెండు చేతులతో స్కిప్పింగ్ చేసింది. ప్రస్తుతం ఈ వీడియో సోషల్ మీడియాలో తెగ వైరల్‌ అవుతోంది. వీడియో చూసిన నెటిజన్లు ఆమె ట్యాలెంట్‌కు ఫిదా అవుతున్నారు.
మరిన్ని ట్రెండింగ్ ఆర్టికల్స్ కోసం క్లిక్ చేయండి…
